ଭୁବନେଶ୍ୱର,୨୭।୯(ଅଭୟ ଦାଶ): ଦେଶର ପ୍ରମୁଖ ଦୁଇ ଓ ତିନିଚକିଆ ଯାନ ନିର୍ମିତା ବଜାଜ ଅଟୋ ଲିମିଟେଡ୍ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ନ୍ୟୁ ପଲ୍ସର ଏନ୍୧୫୦କୁ ନିକଟରେ ସର୍ବଭାରତୀୟ ଉନ୍ମୋଚନ ସହିତ ବଜାର ପ୍ରବେଶ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ସ୍ବୀକୃତିପ୍ରାପ୍ତ ଡିଲର ଏମ୍ଏସ୍ବି ବଜାଜ ଲୁଇସ୍ ରୋଡ୍ ଭୁବନେଶ୍ୱର ପକ୍ଷରୁ ମଙ୍ଗଳବାର ଏକ ସ୍ବତନ୍ତ୍ର ଅନାବରଣ ଉତ୍ସବର ଆୟୋଜନ କରାଯାଇଥିଲା। ଉକ୍ତ ଉତ୍ସବରେ ବଜାଜ ଅଟୋ ଲିମିଟେଡ୍ର ଆର୍ଏମ୍ (ସର୍ଭିସ୍) ମୟୂର ପ୍ରାନ୍ ବର୍ଗାହାଇନ୍, ଆର୍ଏମ୍ (ସେଲ୍ସ) କଲ୍ୟାଣ ରେଡ୍ଡୀ, ଏଏସ୍ଏମ୍ ସନ୍ତୋଷ କୁମାର ଦାସ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଅନାବରଣ କରିଥିଲେ। ଅନ୍ୟମାନଙ୍କ ମଧ୍ୟରେ ଏମ୍ଏସ୍ବି ବଜାଜର ଏମ୍ଡି ମନ୍ସୁର ବକ୍ସଙ୍କ ସମେତ ଶୋ’ରୁମ୍ର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
ଏ ସମ୍ପର୍କରେ ବଜାଜ ଅଟୋର ପ୍ରେସିଡେଣ୍ଟ (ମୋଟରସାଇକେଲ୍ସ) ସାରଙ୍ଗ କାନାଡେ କହିଛନ୍ତି, ୨୦ବର୍ଷ ପୂର୍ବେ ଆମେ ପ୍ରଥମ ପଲ୍ସର ୧୫୦ସିସି ମୋଟରସାଇକେଲର ଶୁଭାରମ୍ଭ କରିଥିଲୁ। ବର୍ତ୍ତମାନ ଏନ୍୧୫୦ ମଡେଲ ନୂଆ ଅବତାରରେ ଗ୍ରାହକଙ୍କ ପାଇଁ ବଜାରରେ ଉପଲବ୍ଧ। ବିଶେଷକରି ଏହାର ଷ୍ଟାଇଲିଂ, ସେଗ୍ମେଣ୍ଟ-ଲିଡିଂ ଫିଚର, ଆକର୍ଷଣୀୟ ଅନ୍-ରୋଡ୍ ପ୍ରଦର୍ଶନ ଏହାକୁ ପଲ୍ସର ପରିବାରରେ ଏକ ଚମତ୍କାର ମୂଲ୍ୟ ଯୋଗରେ ପରିଣତ କରୁଛି। ପଲ୍ସର ଏନ୍୧୫୦ରେ ୪ ଷ୍ଟ୍ରୋକ୍-ସିଙ୍ଗଲ୍ ସିଲିଣ୍ଡର-ଏଫ୍ଆଇ, ୧୪୯.୬୮ସିସିର ଇଞ୍ଜିନ କ୍ଷମତା, ଟ୍ୟୁବୁଲାର ଫ୍ରେମ୍ ଷ୍ଟ୍ରକ୍ଚର, ଡିଜିଟାଲ ଏଲ୍ସିଡି ସ୍ପିଡୋମିଟର୍, ଟ୍ୟୁବ୍ଲେସ୍ ଟାୟାର, ମୋନୋସକ୍- ଟ୍ବିନ୍ ସକ୍ ଆବ୍ଜରବର ଆଦି ରହିଛି। ଅପରପକ୍ଷରେ ନୂଆ ପଲ୍ସର ଏନ୍୧୫୦ରେ ୧୪.୫ ପିଏସ୍ ପିକ୍ ପାୱାର ସହିତ ୧୩.୫ ଏନ୍ଏମ୍ ଟର୍କ ଏବଂ ସୁପରିୟର ବ୍ରେକିଂ ଓ ଟ୍ରାକ୍ସନ ପାଇଁ ସିଙ୍ଗଲ୍ ଚ୍ୟାନେଲ ଏବିଏସ୍ ରହିଛି। ସେହିପରି ଏଥିରେ ମୋନୋସକ୍ ରିୟର ସସ୍ପେନ୍ସନ ଓ ଏକ ସ୍ପୋର୍ଟି ଅଣ୍ଡରବେଲି ଏଗ୍ଜଷ୍ଟ ରହିଛି। ଏହି ବାଇଜ୍ ୩ଟି ଆକର୍ଷଣୀୟ ରଙ୍ଗ ରେସିଙ୍ଗ୍ ରେଡ୍, ଇବୋନି ବ୍ଲାକ୍ ଓ ମେଟାଲିକ୍ ପର୍ଲ ହ୍ବାଇଟ୍ରେ ଉପଲବ୍ଧ ହେଉଥିବାବେଳେ ଏହାର ଏକ୍ସ ଶୋ’ରୁମ୍ ମୂଲ୍ୟ ୧,୧୮,୭୦୦ ଟଙ୍କା ରହିଛି।
