ଲଣ୍ଡନ,୮।୬ : : ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ କୃତ୍ରିମ ବୁଦ୍ଧିମତା ଉପରେ ବିଶ୍ୱସ୍ତରୀୟ ଶିଖର ସମ୍ମିଳନୀ ସମ୍ପର୍କରେ ଘୋଷଣା କରି ୱାଶିଂଟନ ଗସ୍ତ ସମୟରେ ସମ୍ଭାବ୍ୟ ବିପଦକୁ ସୀମିତ କରିବାରେ ବ୍ରିଟେନକୁ ଅଗ୍ରଣୀ ଭୂମିକା ଗ୍ରହଣ କରିବାକୁ ଆହ୍ବାନ ଦେଇଛନ୍ତି। ଆଲୋଚନା ପାଇଁ ସୁନକ ଗୁରୁବାର ହ୍ବାଇଟ ହାଉସରେ ରାଷ୍ଟ୍ରପତି ଜୋ ବାଇଡେନଙ୍କୁ ଭେଟିବେ ଏବଂ ଏହି ସମୟରେ ସେ ୟୁକ୍ରେନକୁ ମଧ୍ୟ ସମର୍ଥନ ଜଣାଇବେ।
ତାଙ୍କର ଦୁଇ ଦିନିଆ ଗସ୍ତ ଆରମ୍ଭରେ ପ୍ରଧାନମନ୍ତ୍ରୀ ଘୋଷଣା କରିଛନ୍ତି ବର୍ଷର ଦ୍ୱିତୀୟାର୍ଦ୍ଧରେ କୃତ୍ରିମ ବୁଦ୍ଧିମତା ଉପରେ ବ୍ରିଟେନ ବିଶ୍ୱର ପ୍ରଥମ ଶିଖର ସମ୍ମିଳନୀ ଆୟୋଜନ କରିବ। ଲୋକଙ୍କ ଜୀବନରେ ଉନ୍ନତି ଆଣିବା ପାଇଁ ଏଆଇର ଅବିଶ୍ୱସନୀୟ ସାମର୍ଥ୍ୟ ରହିଛି। କିନ୍ତୁ ଏହା ନିଶ୍ଚିତ ଏହାର ବିକଶିତ ଏବଂ ସୁରକ୍ଷିତ ଉପାୟରେ ବ୍ୟବହୃତ ହୋଇଛି ବୋଲି ସୁନକ କହିଛନ୍ତି।
ଇତିହାସରେ ବାରମ୍ବାର ଆମେ ପରିବର୍ତ୍ତନକାରୀ ନୂତନ ଜ୍ଞାନକୌଶଳ ଉଦ୍ଭାବନ କରିଛୁ ଏବଂ ମାନବିକତାର ମଙ୍ଗଳ ପାଇଁ ସେଗୁଡିକୁ ବ୍ୟବହାର କରିଛୁ। ତାହା ହିଁ ଆମକୁ କରିବାକୁ ହେବ।
ଗତ ମାସରେ ଜାପାନରେ ଏକ ଶିଖର ସମ୍ମିଳନୀରେ ଗ୍ରୁପ ଅଫ ସେଭେନ ଏଆଇ ଉପରେ କାର୍ଯ୍ୟାନୁଷ୍ଠାନ ପାଇଁ ଆହ୍ବାନ ଦେଇଥିଲେ। କିନ୍ତୁ ଆମେରିକା ଗତ ସପ୍ତାହରେ ୟୁରୋପୀୟ ୟୁନିଅନ ସହିତ ଏକ ଏଆଇ ଆଚରଣ ବିଧି ବୁଝାମଣା କରିଥିଲା। ସୁନକ ଟକ ଟିଭିକୁ କହିଛନ୍ତି, ନେତୃତ୍ୱ ଭୂମିକା ଗ୍ରହଣ କରିବାକୁ ବ୍ରିଟେନ ଭଲ ସ୍ଥିତିରେ ଅଛି। ଆମେରିକା ବାହାରେ ଆମେ ଗଣତାନ୍ତ୍ରିକ ରାଷ୍ଟ୍ର ମଧ୍ୟରେ ଅଗ୍ରଣୀ ଏଆଇ ରାଷ୍ଟ୍ର ଅଟୁ। ଆମ ନାଗରିକଙ୍କ ସୁରକ୍ଷା ପାଇଁ ନିୟାମକ ପ୍ରାଧିକରଣ ପାଇବା ପାଇଁ ଆମର କ୍ଷମତା ଅଛି।
