ଲଣ୍ଡନ,୨୧।୪: ବ୍ରିଟେନର ଉପ ପ୍ରଧାନମନ୍ତ୍ରୀ ଡୋମିନିକ ରାବ ଶୁକ୍ରବାର ଦିନ ତାଙ୍କ ପଦରୁ ଇସ୍ତଫା ଦେଇଛନ୍ତି। ସେ ସମସ୍ତଙ୍କୁ ଖରାପ ବ୍ୟବହାର କରୁଥିବା ଅଭିଯୋଗରେ ତାଙ୍କ ଉପରେ ତଦନ୍ତ ଚାଲିଛି। ଏହିି ପରିସ୍ଥିତିରେ ଡୋମିନିକ ଏକ ଚିଠି ଲେଖି ପ୍ରଧାନମନ୍ତ୍ରୀ ଋଷି ସୁନକଙ୍କୁ ତାଙ୍କ ଇସ୍ତଫା ପତ୍ର ଦେଇଛନ୍ତି।
ଚିଠିରେ ଡୋନିମିକ କହିଛନ୍ତି, ତଦନ୍ତ ଶେଷ ନ ହେବା ପର୍ଯ୍ୟନ୍ତ ସେ ତାଙ୍କ ପଦରୁ ଇସ୍ତଫା ଦେଉଛନ୍ତି । କିନ୍ତୁ ସେ ସରକାରଙ୍କୁ ସମର୍ଥନ କରନ୍ତି। ପୂର୍ବରୁ କହିଛି ତଦନ୍ତ ପାଇଁ ମୁଁ ସବୁବେଳେ ପ୍ରସ୍ତୁତ। ଯଦି ତଦନ୍ତ ବେଳେ ଜଣା ପଡେ ମୁଁ କାହାକୁ ଖରାପ ବ୍ୟବହାର କରିଛି ତେବେ ମୁଁ ଦୋଷ ସ୍ବୀକାର କରିବି। ତେଣୁ ତଦନ୍ତରେ କିଛି ପ୍ରଭାବ ନ ପଡୁ ସେଥିଲାଗି ମୁଁ ଇସ୍ତଫା ଦେଇଛି।
ଇସ୍ତଫାରେ ସେ କହିଛନ୍ତି ଯେ, ଏହି ତଦନ୍ତ ଏକ ବିପଜ୍ଜନକ ଉଦାହରଣ ସୃଷ୍ଟି କରିଛି। ଏହା ବ୍ରିଟେନର ନେତା ଏବଂ ମନ୍ତ୍ରୀଙ୍କ ବିରୋଧରେ ଅଭିଯୋଗ କରିବାକୁ ଉତ୍ସାହିତ କରିବ। ଯାହାର ପ୍ରଭାବ ସରକାର ଏବଂ ବ୍ରିଟେନର ଲୋକଙ୍କ ଉପରେ ପଡ଼ିବ। ମୋ ଉପରେ ତଦନ୍ତର ନିଷ୍ପତ୍ତି ଏତେ ଶୀଘ୍ର ନିଆଯିବା ଉଚିତ ନୁହେଁ।
ସୂଚନାଯୋଗ୍ୟ, ଡୋନିମିକଙ୍କ ଖରାପ ବ୍ୟବହାର ଯୋଗୁ ତାଙ୍କୁ କ୍ୟାବିନେଟ୍ରୁ ବାହାର କରି ଦିଆଯାଇଛି। ତେବେ ସୁନକଙ୍କୁ ଡୋନିମିକିଙ୍କ ବିରୋଧରେ ଅଭିଯୋଗ ମିଳିବା ପରେ ତାଙ୍କ ଉପରେ ତଦନ୍ତ ନେବାକୁ ସେ ନିଷ୍ପତ୍ତି ନେଇଥିଲେ।
