ମୁମ୍ବାଇ,୨୭ ।୩: କଂଗ୍ରେସ ଏମପି ରାହୁଲ ଗାନ୍ଧୀ ବୀର ସାୱରକରଙ୍କୁ ନେଇ ଦେଇଥିବା ବୟାନ ଉପରେ ଏହାର ସହଯୋଗୀ ଦଳ ବି ଅସନ୍ତୁଷ୍ଟ ପ୍ରକାଶ କରିଛନ୍ତି । ରାହୁଲ ଗାନ୍ଧୀଙ୍କ ବୟାନକୁ ନେଇ ଶିବସେନାର ଉଦ୍ଧବ ଠାକରେ ଗୋଷ୍ଠୀ ପକ୍ଷରୁ କଡା ପ୍ରତିକ୍ରୟା ଦିଆଯାଇଛି । ଏହାସହ ଠାକରେ ଗ୍ରୁପର ଏମପିମାନେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ଡିନର ପାର୍ଟିକୁ ବହିଷ୍କାର କରିବାକୁ ନିଷ୍ପତ୍ତି ନେଇଛନ୍ତି ।
ଖାର୍ଗେ ସମସ୍ତ ବିରୋଧୀ ଦଳର ଏମପିଙ୍କ ପାଇଁ ସୋମବାର (୨୭ ମାର୍ଚ୍ଚ) ସନ୍ଧ୍ୟାରେ ନିଜ ଘରେ ଡିନର ପାର୍ଟି ରଖିଥିଲେ । ଉଦ୍ଧବ ଠାକରେ ଗୋଷ୍ଠୀର ଏମପି ସଞ୍ଜୟ ରାଉତ କହିଥିଲେ କି ବୀର ସାୱରକରଙ୍କ ଅପମାନକୁ ନେଇ ଦଳର କେହିବି ନେତା ଏହି ଡିନର ପାର୍ଟିରେ ସାମିଲ ହେବେ ନାହିଁ । ସୂଚନାଯୋଗ୍ୟ, କଂଗ୍ରେସ ନେତା ରାହୁଲ ଗାନ୍ଧୀ ଶନିବାର(୨୫ ମାର୍ଚ୍ଚ)ରେ ଏକ ପ୍ରେସ କନଫରେନ୍ସରେ କହିଥିଲେ ମୋ ନାମ ସାୱରକର ନୁହେଁ, ମୋ ନାଁ ଗାନ୍ଧୀ, ଗାନ୍ଧୀ କାହୁକୁ କ୍ଷମା ମାଗେ ନାହିଁ ।
ଋାହୁଲ ଗାନ୍ଧୀଙ୍କ ଏହି ବୟାନକୁ ନେଇ ପ୍ରାୟ ସମସ୍ତ ବିରୋଧି ଦଳ ଖପ୍ପା ହୋଇଥିବା ବେଳେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଥିଲେ ସାୱରକରଙ୍କ ଅପମାନକୁ ବରଦାସ୍ତ କରାଯିବ ନାହିଁ ।
