ମୁମ୍ବାଇ,୨୩।୧୦: ମହାରାଷ୍ଟ୍ର ନିର୍ବାଚନ ପାଇଁ ଆଉ କିଛି ସମୟ ବାକି ଅଛି ଏବଂ ପ୍ରାର୍ଥୀଙ୍କ ତାଲିକା ପ୍ରକାଶ ପାଇବା ଆରମ୍ଭ ହୋଇଛି। ସେପଟେ ରାଜ୍ୟରେ ବିରୋଧୀ ଦଳ ମହାବିକାଶ ଆଘାଡିରେ ସିଟ୍ ବଣ୍ଟନ ଉପରେ ମୋହର ବାଜିଛି। ଏହାକୁ ଦୃଷ୍ଟିରେ ରଖି କଂଗ୍ରେସ, ଏନସିପି (ଶରଦ ପୱାର) ଏବଂ ଶିବସେନା (ୟୁବିଟି) ବୁଧବାର ୮୫-୮୫ ଟି ଆସନରେ ନିର୍ବାଚନ ଲଢ଼ିବାକୁ ଘୋଷଣା କରିଛନ୍ତି। ଯଦିଓ କିଛି ଆସନରେ ନିର୍ବାଚନ ଲଢ଼ିବାକୁ ଘୋଷଣା କରାଯାଇଛି। ତେବେ କିଛି ସିଟ୍ ବଣ୍ଟନ ଉପରେ ଆଲୋଚନା ଜାରି ରହିଛି। ଖବରଦାତା ସମ୍ମିଳନୀକୁ ସମ୍ବୋଧିତ କରି ଶିବସେନା (ୟୁବିଟି) ସାଂସଦ ସଞ୍ଜୟ ରାଉତ କହିଛନ୍ତି ଯେ ମୋଟ ୨୮୮ ଟି ସିଟ୍ ମଧ୍ୟରୁ ନଭେମ୍ବର ୨୦ରେ ହେବାକୁ ଥିବା ନିର୍ବାଚନ ପାଇଁ ୨୭୦ ରେ ସହମତି ପ୍ରକାଶ ପାଇଛି।
ରାଉତ କହିଛନ୍ତି, “ଆମେ ସମାଜବାଦୀ ପାର୍ଟି, ପିଡବ୍ଲ୍ୟୁଡି, ସିପିଆଇ (ଏମ୍), ସିପିଆଇ ଏବଂ ଆମ୍ ଆଦମୀ ପାର୍ଟିକୁ ମଧ୍ୟ ସାମିଲ କରିବୁ। ଅବଶିଷ୍ଟ ଆସନ ପାଇଁ ଆଲୋଚନା ଜାରି ରହିଛି। ଏଥିମଧ୍ୟରୁ ଆମେ ୨୭୦ ଟି ଆସନରେ ସହମତି ପ୍ରକାଶ କରିବୁ।”
ସେହିପରି ମହାରାଷ୍ଟ୍ର କଂଗ୍ରେସ ମୁଖ୍ୟ ନାନା ପାଟୋଲ କହିଛନ୍ତି ଯେ ଆମେ ନିଷ୍ପତ୍ତି ନେଇଛୁ ଯେ କଂଗ୍ରେସ, ଏନସିପି (ଶରଦ ପାୱାର ଦଳ) ଏବଂ ଶିବସେନା (ୟୁବିଟି) ୮୫-୮୫ ଟି ଆସନରେ ନିର୍ବାଚନ ଲଢ଼ିବେ ଏବଂ ଅବଶିଷ୍ଟ ୧୮ ଟି ଆସନରେ ଆମେ ଅନ୍ୟ ଦଳ ସହ ଆଲୋଚନା କରିବୁ। ଆମର ସହଯୋଗୀ ଗୁରୁବାର ସୁଦ୍ଧା ଏହାକୁ ଅନୁମୋଦନ କରାଯିବ। ଏବଂ ଏକ ବିସ୍ତୃତ ତାଲିକା ପ୍ରକାଶ ପାଇବ। ଆମେ ମହା ବିକାଶ ଅଗଡି ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛୁ ଏବଂ ଆମେ ସରକାର ଗଠନ କରିବୁ ବୋଲି ସେ କହିଛନ୍ତି।
