କିଛି ଚାକିରି ଖୋଜୁଛନ୍ତି କି? କ’ଣ ଆପଣଙ୍କ ପାଖରେ ବାଇକ୍ ଅଛି? ତେବେ ନୋ ଟେନଶନ। ବର୍ତ୍ତମାନ ଆପଣ ଏଇ ବାଇକ୍ ଦ୍ୱାରା କରିପାରିବେ ମାସକୁ ୩୦ହଜାର ଟଙ୍କାର ରୋଜଗାର। ଏଥିପାଇଁ ଆପଣଙ୍କୁ ମାସଶେଷକୁ ନୁହେଁ ପ୍ରଥମ ଦିନରୁ ହିଁ ଆକାଉଣ୍ଟକୁ ଟଙ୍କା ଆସିବା ଆରମ୍ଭ କରିବ। ଏଥିପାଇଁ ଆପଣଙ୍କୁ ପୂରା ଦିନ କିମ୍ବା ୮ଘଣ୍ଟା ସମୟ ଦେବାକୁ ପଡିବ ନାହିଁ। ଆପଣ ନିଜ କାର୍ଯ୍ୟ ସମୟ ମଧ୍ୟ ନିଜେ ସ୍ଥିର କରିପାରିବେ। ଏଥିରେ, ଆପଣଙ୍କର ମାଲିକ କେହି ହେବେ ନାହିଁ କି କେହି ହୁକୁମ ଚଲାଇ ପାରିବେ ନାହିଁ।
ତେବେ ଏଥିପାଇଁ ଆପଣଙ୍କୁ ନିଜ ବାଇକ୍କୁ ଉବର କିମ୍ବା ରାପିଡୋରେ ପଞ୍ଜୀକୃତ କରିବାକୁ ପଡିବ। ଏଥିପାଇଁ ଆପଣଙ୍କୁ ଅଧିକ କିଛି କରିବାକୁ ପଡିବ ନାହିଁ । କେବଳ ଏହି ଛୋଟ ପ୍ରକ୍ରିୟା ଅନୁସରଣ କରିବାକୁ ପଡିବ । ଉବର କିମ୍ବା ରାପିଡୋର ଅଫିସିଆଲ ୱେବସାଇଟରେ ଅନଲାଇନରେ ଚାକିରି ପାଇଁ ସାଇନ ଅପ କରନ୍ତୁ। ଯଦି ଆପଣଙ୍କର ବ୍ୟକ୍ତିଗତ ବାଇକ ଅଛି ତେବେ ଏହାର ବିବରଣୀ ସଠିକ ଭାବରେ ପୂରଣ କରନ୍ତୁ।
ଏଥିପାଇଁ ଆପଣଙ୍କ ବୟସ ୧୮ ବର୍ଷ କିମ୍ବା ତାଠାରୁ ଅଧିକ ହେବା ଉଚିତ। କହିରଖୁଛୁ କି, ଆପଣଙ୍କର ନାମ କିମ୍ବା ଗାଡିର ନାମ କୌଣସି ବେଆଇନ ମାମଲାରେ ଜଡିତ ହେବା ଉଚିତ ନୁହେଁ । ଆପଣଙ୍କ ପାଖରେ ଏକ ବୈଧ ଡ୍ରାଇଭର ପାଟର୍ନର ଲାଇସେନ୍ସ ଥିବା ଆବଶ୍ୟକ। ଏଥିସହ, ନିଜ ଅଞ୍ଚଳ ନିକଟରେ ଥିବା ଉବର ସେବା କେନ୍ଦ୍ର ପରିଦର୍ଶନ କରିବାକୁ ପଡିବ। ସେଠାରେ ଆପଣଙ୍କୁ ଏକ ଫର୍ମ ଦିଆଯିବ ଏବଂ ଗାଡି ପଞ୍ଜୀକରଣ ଫି ନେବା ପରେ ପଞ୍ଜିକୃତ ହେବ।
ରାପିଡୋରେ ବାଇକ ପଞ୍ଜୀକରଣ ପାଇଁ ଏହି ଡକ୍ୟୁମେଣ୍ଟଗୁଡିକ ଆବଶ୍ୟକ। ଏଥିପାଇଁ ଆପଣଙ୍କର ବୈଧ ଡ୍ରାଇଭିଂ ଲାଇସେନ୍ସ, ବାଇକ ରେଜିଷ୍ଟ୍ରେସନ ସାର୍ଟିଫିକେଟ (ଆରସି), ବୈଧ ବାଇକ ବୀମା ଡକ୍ୟୁମେଣ୍ଟ, ପଲ୍ୟୁସନ ସାର୍ଟିଫିକେଟ, ଆଧାର କାର୍ଡ, ବ୍ୟାଙ୍କ ବିବରଣୀ, ଯେଉଁଥିରୁ ଟଙ୍କା ସିଧା ଆକାଉର୍ଟକୁ ଯିବ।
ପଞ୍ଜୀକରଣ ପରେ ରାପିଡୋ ଆପ ଡାଉନଲୋଡ କରନ୍ତୁ ଏବଂ ଆରୋହୀ ଭାବରେ ପଞ୍ଜିକରଣ କରନ୍ତୁ। ଏହା ପରେ ବ୍ୟାଙ୍କ ଖାତା ଭେରିଫାଏ କରନ୍ତୁ। ଏହାପରେ ସ୍କ୍ରିନରେ ଥିବା ସମସ୍ତ ନିର୍ଦ୍ଦେଶାବଳୀ ଅନୁସରଣ କରନ୍ତୁ। ଯାଞ୍ଚ ପ୍ରକ୍ରିୟା ସମାପ୍ତ ହେବା ପରେ, ଆପଣ ରାପିଡୋରେ ରାଇଡ୍ ଗ୍ରହଣ କରିବାକୁ ସମର୍ଥ ହେବେ।
ଏହି ଅନଲାଇନ କ୍ୟାବ ସେବାରେ ଆପଣ ମାସକୁ ୩୦ ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିବାକୁ ସମର୍ଥ ହେବେ। ଆଜିକାଲି, ଟ୍ରାଫିକ ସ୍ଥିତିକୁ ଅନୁଧ୍ୟାନ କରି ଲୋକମାନେ ୧୦-୧୨କିଲୋମିଟର ଦୂରତା ପାଇଁ ବାଇକ ରାଇଡ୍ ବୁକ କରିବାକୁ ପସନ୍ଦ କରୁଛନ୍ତି। କାର୍ ଅପେକ୍ଷା ବାଇକ ଭଡା ମଧ୍ୟ ଶସ୍ତା ରହୁଛି। ଏଥି ସହିତ, ଏକ ବାଇକ୍, କାରଠାରୁ ଅଧିକ ସମୟ ଟ୍ରାଫିକରେ ଅଟକି ନଥାଏ। ଯଦି ଆପଣଙ୍କର ବାଇକ ଭଲ ମାଇଲେଜ ପ୍ରଦାନ କରୁଛି ତେବେ ଆପଣ ଏଥିରୁ ବହୁତ ଲାଭ ପାଇପାରିବେ।
