ତାଇପେ,୩।୯ : ତାଇୱାନ ଏହାର ସମସ୍ତ ବିମାନ, ଟ୍ରେନ ଏବଂ ଫେରି ସେବାକୁ ସ୍ଥଗିତ ରଖିଛି। ଏହା ବିଦ୍ୟାଳୟ, କଲେଜ କାର୍ଯ୍ୟାଳୟ ବନ୍ଦ କରାଯାଇଛି। ବାସ୍ତବରେ ରବିବାର ଟାଇଫୁନ ହାଇକୁଇ ତାଣ୍ଡବ ରଚିବାର ଆଶଙ୍କା ରହିଛି। ତେଣୁ ପ୍ରଶାସନ ଏହି ପଦକ୍ଷେପ ନେଇ ସମସ୍ତ କର୍ମଚାରୀଙ୍କୁ ଘରେ ରହିବାକୁ ଅନୁରୋଧ କରାଯାଇଛି।
ସୂଚନାଯୋଗ୍ୟ ଚାଇନା ଉପକୂଳରେ ଗତି କରୁଥିବା ସମୟରେ ଟାଇଫୁନ ସାଓଲା ଦୁର୍ବଳ ହୋଇପଡିଛି, ତେଣୁ ଏହାର ପ୍ରଭାବ ବର୍ତ୍ତମାନ ତାଇଓ୍ବାନରେ ଦେଖାଯିବାର ସମ୍ଭାବନା ରହିଛି। ଟାଇଫୁନ ସମୟରେ ଚାଇନା ପ୍ରାୟ ୯ ଲକ୍ଷ ଲୋକ ଏବଂ ୮୦ ହଜାର ମତ୍ସ୍ୟଜୀବୀ ଡଙ୍ଗାକୁ ସ୍ଥାନାନ୍ତର କରିଥିଲା।
ଏଥିସହ ଅଧିକାଂଶ ହଂକଂ ଏବଂ ଉପକୂଳବର୍ତ୍ତୀ ମଧ୍ୟପ୍ରଦେଶର କିଛି ଅଂଶରେ ବ୍ୟବସାୟ, ପରିବହନ ଏବଂ ବିଦ୍ୟାଳୟ ବନ୍ଦ ରହିଥିଲା।
ତେବେ ଏହି ଝଡ ଅଧିକ କ୍ଷତି ଘଟାଇ ନାହିଁ ଏବଂ ରବିବାର ସୁଦ୍ଧା ସମସ୍ତ ପ୍ରତିବନ୍ଧକ ହଟାଇ ଦିଆଯାଇଛି। ଏଥି ସହିତ ତାଇୱାନର କେତେକ ଅଞ୍ଚଳରେ ହାଇକୁଇ ଝଡ ଯୋଗୁଁ ପ୍ରବଳ ବର୍ଷା ଓ ଅଧିକ ବେଗରେ ପବନ ବହୁଛି। ଏହି କାରଣରୁ ବର୍ତ୍ତମାନ ହଂକଂ ଏବଂ ମାକାଉ ସମେତ ଅନେକ ସ୍ଥାନକୁ ବିମାନ ଚଳାଚଳ ବାତିଲ କରାଯାଇଛି।
ଏହି ଘୂର୍ଣ୍ଣିବଳୟ ଘଣ୍ଟା ପ୍ରତି ୧୩୭ କିଲୋମିଟର ପବନ ସୃଷ୍ଟି କରିଛି। ଏହାର ବେଗ ଘଣ୍ଟା ପ୍ରତି ୧୭୩ କିଲୋମିଟର ପହଞ୍ଚିବ ବୋଲି ଦ୍ୱୀପର ପାଣିପାଗ ବିଭାଗ ସୂତ୍ରରୁ ପ୍ରକାଶ।
