ମୁମ୍ବାଇ: କରୋନା ଜନିତ ଲକ୍ଡାଉନ ଲାଗି ଦେଶର ଅଟୋମୋବାଇଲ ବଜାର କ୍ଷତିଗ୍ରସ୍ତ ହୋଇ ରହିଛି। ହେଲେ ନିକଟରେ ଆସିଥିବା ଗାଡ଼ି ବିକ୍ରି ଡାଟା ମୁତାବକ ପୂର୍ବ ତୁଳନାରେ ଯାନ ବିକ୍ରି ବୃଦ୍ଧି ହେଉଛି। ପାର୍ବଣରେ ଦେଶର ଟୁହ୍ବିଲର୍ସ ବଜାରରେ ବିକ୍ରି ପୂର୍ବ ତୁଳନାରେ ଉନ୍ନତ ରହିବା ନେଇ ଆଶା ରହିଥିବା ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ (ଏଚ୍ଏମ୍ଏସ୍ଆଇ) ମାର୍କେଟିଂ ନିର୍ଦ୍ଦେଶକ ୟଦବିନ୍ଦର ସିଂ ଗୁଲେରିଆ କହିଛନ୍ତି।
ପାର୍ବଣ ବଜାରରେ ଗ୍ରାହକଙ୍କ ରେସପନ୍ସ ଏବଂ କମ୍ପାନୀର ଯୋଜନା ସମ୍ପର୍କରେ ସୂଚନା ଦେଇ ସେ କହିଛନ୍ତି, ଅନ୍ଲକ୍ ପ୍ରକ୍ରିୟା ଜାରି ରହିଥିବା ବେଳେ ଯାନର ରିଟେଲ ବିକ୍ରିରେ ବୃଦ୍ଧି ପରିଲକ୍ଷିତ ହୋଇଛି। ବଜାରରେ ରେସ୍ପନ୍ସକୁ ଧ୍ୟାନରେ ରଖି ନୂଆ ମଡେଲର ଶୁଭାରମ୍ଭ କରାଯାଇଛି। ଯାନଗୁଡିକୁ ବିଏସ୍-୪ରୁ ବିଏସ୍-୬କୁ ଅପ୍ଗ୍ରେଡ କରାଯାଇଛି। ସମଗ୍ର ନେଟ୍ଓ୍ବର୍କରେ ଭଲ ଇନକ୍ୱାରି ଆସୁଛି। ଗ୍ରାହକଙ୍କ ସୁରକ୍ଷାକୁ ଧ୍ୟାନରେ ରଖାଯାଉଛି। ସେହି ମୁତାବକ ପଦକ୍ଷେପ ଗ୍ରହଣ କରାଯାଉଛି। ସବୁ ପ୍ରସଙ୍ଗକୁ ତର୍ଜମା କରାଯାଉଛି। ବଜାର ବର୍ତ୍ତମାନ ଖୋଲୁଥିବାରୁ ଭଲ ବିକ୍ରି ହେବା ଆଶା ରହିଛି। ବଜାରରେ ଚାହିଦା ଥିବାରୁ ନୂଆ ଗ୍ରାହକ ଏବଂ ଅପ୍ଗ୍ରେଡ୍ ହେଉଥିବା ଗ୍ରାହକଙ୍କୁ ସେବା ଯୋଗାଣ ଧାରା ଜାରି ରଖିବାକୁ ସେ ମତ ପ୍ରକାଶ କରିଛନ୍ତି।
ପାର୍ବଣ ସ୍କିମ୍ ସମ୍ପର୍କରେ ମତ ରଖି ସେ କହିଛନ୍ତି, ଅକ୍ଟୋବର ପହିଲାରୁ ରିଟେଲ ଫାଇନାନ୍ସ ସୁବିଧା ଗ୍ରାହକଙ୍କୁ ପ୍ରଦାନ କରାଯାଇଛି। ଏହାଦ୍ୱାରା ଗ୍ରାହକ ପ୍ରାୟ ୧୧ ହଜାର ଟଙ୍କା ପର୍ଯ୍ୟନ୍ତ ରିହାତି ପାଇପାରିବେ। ସେହିଭଳି ଦେଶର ବିଭିନ୍ନ ପ୍ରାନ୍ତ ପାଇଁ କିଛି ଭିନ୍ନ ସ୍କିମ ରହିଛି। ଡିଲରପଏଣ୍ଟଗୁଡିକରେ ଏହାର ଲାଭ ଲୋକଙ୍କୁ ମିଳିପାରିବ। ପାର୍ବଣ ଆସୁଥିବାରୁ ଉନ୍ନତ ବୁକିଂ ଉନ୍ନତ ହେଉଛି। ଦେଶର ବିଭିନ୍ନ ପ୍ରାନ୍ତ ଚାହିଦାକୁ ନଜରରେ ରଖି ଇନ୍ଭେଣ୍ଟୋରି ବ୍ୟବସ୍ଥା କରାଯାଉଛି। ଠିକ୍ ସମୟରେ ଗାଡି ଯୋଗାଣ ଉପରେ ଧ୍ୟାନ ରଖାଯାଇଛି। ଲକ୍ଡାଉନ ଯୋଗୁ ସ୍କୁଟର ବିକ୍ରି ପ୍ରଭାବିତ ରହିଥିଲା। ଲକ୍ଡାଉନ କଟକଣା ସମ୍ପୂର୍ଣ୍ଣ ଖୋଲିଗଲେ ବିକ୍ରି ବଢିବ ବୋଲି ସେ ଆଶା ରଖିଛନ୍ତି। ଅନ୍ଲକ ପରେ ଗାଡ଼ି ବିକ୍ରି ବୃଦ୍ଧି ପାଇଛି। ନୂଆ କରି ବଜାରକୁ ଆସିଥିବା ହାଇନେସ ବିକ୍ରିର ବୁକିଂ ଆଶାନୁରୂପ ରହିଛି। କମ୍ପାନୀର ଅନ୍ଲାଇନ ସେଲ୍ ଶୁଭାରମ୍ଭ ପରେ ଗ୍ରାହକଙ୍କ ରେସପନ୍ସ ବଢିଛି। ଏ କ୍ଷେତ୍ରରେ କମ୍ପାନୀ ୧୪% ବଢ଼ିଛି।
