ଇସଲାମାବାଦ,୨୬ ।୨: ବଲୁଚିସ୍ତାନର ଖଉଜଦାର ଜିଲାରେ ଶନିବାର ହୋଇଥିବା ବିସ୍ଫୋରଣରେ ୨ ପୋଲିସକର୍ମୀଙ୍କ ମୃତ୍ୟୁ ହୋଇଛି । ଏହାସହ ଏହି ବିସ୍ଫୋରଣରେ ୨ ଅନ୍ୟ ପୋଲିସ କର୍ମୀ ଆହତ ହୋଇଛନ୍ତି । ଜଣେ ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ଖୁଜଦାରର ପୋଲିସ ଅଧିକ୍ଷକ (ଏସପି) ଫହଦ ଖାଁ ଖୋସୋଙ୍କ ସୁରକ୍ଷା ଟିମକୁ ‘ରିମୋଟ-ନିୟନ୍ତ୍ରିତ ବିସ୍ଫୋରଣ’ରେ ଝାଲୱା କମ୍ପେଲକ୍ସ ନିକଟରେ ଟାର୍ଗେଟ କରାଯାଇଥିଲା । ଜଣେ ପୋଲିସକର୍ମୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା ଅନ୍ୟ ଜଣଙ୍କର ଜିଲା ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଥିଲା । ଏହିଠାରେ ହିଁ ଆହତଙ୍କୁ ଚିକିତ୍ସା ଲାଗି ଭର୍ତ୍ତି କରାଯାଇଛି ।
ଏସଏଚଓ ସାସୋଲିର ସୂଚନା ଅନୁଯାୟୀ, ଯେତେବେଳେ ବିସ୍ଫୋରଣ ହେଲା ସେତେବେଳେ ଏସପି ଖୁଜଦାରଙ୍କ ଟିମ ଉକ୍ତ ଅଞ୍ଚଳରେ ପାଟ୍ରୋଲିଂ କରୁଥିଲେ । ସେ କହିଛନ୍ତି ଅତିରିକ୍ତ ପୋଲିସ ଦଳ ବିସ୍ଫୋରଣ ସ୍ଥାନରେ ପହଞ୍ଚିଛନ୍ତି ଓ ଉକ୍ତ ଅଞ୍ଚଳକୁ ଘେଣାବନ୍ଦୀ କରି ଦେଇଛନ୍ତି । ଏସଏଚଓ କହିଛି ଏବେ ସେଠାରେ ତଲାସି ଅଭିଯାନ ଚାଲିଛି ।
