ନୂଆଦିଲ୍ଲୀ,୯।୨ : ମାଇକ୍ରୋ ବ୍ଲଗିଂ ପ୍ଲାଟଫର୍ମ ଟୁଇଟର ଶେଷରେ ଭାରତରେ ଏହାର ପ୍ରିମିୟମ ସବସ୍କ୍ରିପଶନ ସେବା ଟୁଇଟର ବ୍ଲୁ ଲଞ୍ଚ କରିଛି। ବ୍ଲୁ ଟିକ ପାଇବାକୁ ଏବଂ ପ୍ରିମିୟମ ସବସ୍କ୍ରିପଶନ ସେବାର ବୈଶିଷ୍ଟ୍ୟ ବ୍ୟବହାର କରିବାକୁ ଭାରତରେ ମୋବାଇଲ ବ୍ୟବହାରକାରୀଙ୍କୁ ମାସକୁ ୯୦୦ ଟଙ୍କା ଦେବାକୁ ପଡିବ।
ଏଥି ସହିତ କମ୍ପାନୀ ସର୍ବନିମ୍ନ ମୂଲ୍ୟର ପ୍ରିମିୟମ ସବସ୍କ୍ରିପଶନ ଯୋଜନା ୬୫୦ ଟଙ୍କା ଘୋଷଣା କରିଛି। ଏହି ଯୋଜନା ୱେବ ବ୍ୟବହାରକାରୀଙ୍କ ପାଇଁ ଘୋଷଣା କରାଯାଇଛି। କମ୍ପାନୀ ଗତ ବର୍ଷ ଟୁଇଟର ବ୍ଲୁକୁ ଏକ ନୂଆ ଫର୍ମରେ ପ୍ରକାଶ କରିଥିଲା। ଏହା ପୂର୍ବରୁ ଆମେରିକା, ବ୍ରିଟେନ, କାନାଡା, ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ ଏବଂ ଜାପାନ ସମେତ କେତେକ ଦେଶରେ ଏହା ଲଞ୍ଚ କରାଯାଇଥିଲା।
ସୂଚନାଯୋଗ୍ୟ. କମ୍ପାନୀ ମାଲିକ ଏଲନ ମସ୍କ କମ୍ପାନୀ କିଣିବାର କିଛି ଦିନ ପରେ ପେଡ ସବସ୍କ୍ରିପଶନ ସେବା ଆଣିବାକୁ ଘୋଷଣା କରିଥିଲେ। ପ୍ରବଳ ସମାଲୋଚନା ପରେ ମଧ୍ୟ ଏହି ସେବା ଆରମ୍ଭ କରାଯାଇଥିଲା ।
