ନୂଆଦିଲ୍ଲୀ,୩୧ା୧୦: ଆମେରିକାରେ ରାଷ୍ଟ୍ରପତି ନିର୍ବାଚନ ଆଉ ଗୋଟିଏ ସପ୍ତାହ ବାକି ଅଛି। ବିଜୟ ପାଇଁ ରପବ୍ଲିକାନ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଏବଂ ଡେମୋକ୍ରାଟ ପ୍ରାର୍ଥୀ କମଳା ହାରିସଙ୍କ ମଧ୍ୟରେ ଜୋରଦାର ଟକ୍କର ଚାଲିଛି। ଏହାରି ମଧ୍ୟରେ ବୁଧବାର ଡୋନାଲ୍ଡ ଟ୍ରମ୍ପଙ୍କୁ ଏକ ଭିନ୍ନ ଅବତାରରେ ଦେଖିବାକୁ ମିଳିଛି। ସେ ଏକ ଆବର୍ଜନା ଟ୍ରକ ସହିତ ନିର୍ବାଚନ କରିଛନ୍ତି।
ରାଷ୍ଟ୍ରପତି ଜୋ ବାଇଡେନ ରିପବ୍ଲିକାନ ସମର୍ଥକଙ୍କ ବିଷୟରେ କଟୁ ମନ୍ତବ୍ୟ ଦେଇ ପୁଣିଥରେ ଡେମୋକ୍ରାଟିକ୍ ପ୍ରାର୍ଥୀ କମଲା ହାରିସଙ୍କ ମୁଣ୍ଡବିନ୍ଧାର କାରଣ ପାଲଟିଛନ୍ତି। ଗତ ସପ୍ତାହରେ ୱାଶିଂଟନ୍ର ଏକ ବିଶାଳ ସମାବେଶ କମଳା ବେଶ ଆଗରେ ରହିବେ ବୋଲି ଆଶାବାଦୀ ଥିଲେ କିନ୍ତୁ ଟ୍ରମ୍ପଙ୍କ ସମର୍ଥକଙ୍କୁ ଅଳିଆ ବୋଲି ଦର୍ଶାଇ ବାଇଡେନଙ୍କ ମନ୍ତବ୍ୟ ତାଙ୍କୁ ପୁଣି ପଛକୁ ଟାଣି ନେଇଛି।
ଏହାକୁ ଏକ ସୁଯୋଗରେ ପରିଣତ କରି ଟ୍ରମ୍ପ ୱିସ୍କନ୍ସିନ୍ ବିମାନ ବନ୍ଦରରେ ଏକ ବର୍ଜ୍ୟବସ୍ତୁ ଟ୍ରକରେ ଚଳାଇ ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇଥିଲେ। ଗାଡିର କ୍ୟାବିନରୁ ଟ୍ରମ୍ପ କହିଛନ୍ତି, “ତୁମେ ମୋର ଆବର୍ଜନା ଟ୍ରକକୁ କିପରି ପସନ୍ଦ କରୁଛ? ଏହି ଟ୍ରକ କମଲା ଏବଂ ଜୋ ବିଡେନଙ୍କ ସମ୍ମାନାର୍ଥେ ଅଟେ।”
“ଯଦି ଆପଣ ଆମେରିକୀୟ ଲୋକଙ୍କୁ ଘୃଣା କରନ୍ତି ତେବେ ଆପଣ ରାଷ୍ଟ୍ରପତି ହୋଇପାରିବେ ନାହିଁ, ଯାହା ମୁଁ ବିଶ୍ୱାସ କରୁଛି ଯେ ସେମାନେ ଏପରି କରନ୍ତି”।
ମଙ୍ଗଳବାର ପ୍ରକାଶିତ ରଏଟର୍ସ / ଇପ୍ସୋସ ସର୍ଭେ ଅନୁଯାୟୀ, ଡୋନାଲ୍ଡ ଟ୍ରମ୍ପଙ୍କ ଉପରେ କମଲା ହାରିସ ମାତ୍ର ୧ ପ୍ରତିଶତ ଆଗୁଆ ଅଛନ୍ତି। ଯାହା ଦୁଇ ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଯୋଗିତାକୁ ଦର୍ଶାଉଛି। ଆମେରିକାର ରାଷ୍ଟ୍ରପତି ନିର୍ବାଚନ ପାଇଁ କରାଯାଇଥିବା ସର୍ଭେରେ କମଲା ହାରିସ୍ ୪୪ ପ୍ରତିଶତ ଭୋଟରଙ୍କ ସମର୍ଥନ ପାଇଛନ୍ତି। ଯେତେବେଳେ କି ଡୋନାଲ୍ଡ ଟ୍ରମ୍ପ ୪୩ ପ୍ରତିଶତ ଜନସାଧାରଣଙ୍କ ସମର୍ଥନ ପାଇଛନ୍ତି।
ଜୁଲାଇରେ ରାଷ୍ଟ୍ରପତି ନିର୍ବାଚନ ଦୋୖଡରେ ଯୋଗଦେବା ପରେ କମଲା ହାରିସ୍ ଭୋଟରଙ୍କ ଏକ ରଏଟର୍ସ / ଇପ୍ସୋ ସର୍ଭେରେ ଡୋନାଲ୍ଡ ଟ୍ରମ୍ପଙ୍କଠାରୁ ଆଗରେ ରହିଥିଲେ। କିନ୍ତୁ ସେପ୍ଟେମ୍ବର ଶେଷ ସୁଦ୍ଧା ତାଙ୍କ ନେତୃତ୍ୱରେ କ୍ରମାଗତ ହ୍ରାସ ଘଟିଥିଲା।
BREAKING: Donald Trump gets picked up in Green Bay, Wisconsin by a garbage truck, just one day after Joe Biden called Trump supporters “garbage.” pic.twitter.com/jqjiX6a43V
— Collin Rugg (@CollinRugg) October 30, 2024
