ଓ୍ବାଶିଂଟନ୍,୨୧।୧: ଡୋନାଲ୍ଡ ଟ୍ରମ୍ପ କ୍ଷମତା ଗ୍ରହଣ କରିବା ମାତ୍ରେ ସାରା ବିଶ୍ୱରେ ଚହଳ ପଡିଛି। କାରଣ ଶପଥ ଗ୍ରହଣ ପରେ ସେ ଏମିତି କିଛି ନିଷ୍ପତ୍ତି ନେଇଛନ୍ତି ଯାହାକୁ ନେଇ ଦୁଇ ମହାଶକ୍ତି ଥରି ଉଠିଛନ୍ତି। ଆମେରିକା ଦଖଲ କରିବା ପରେ ଟ୍ରମ୍ପଙ୍କ ମନୋଭାବ ଦେଖାଇବା ଆରମ୍ଭ କରିଛନ୍ତି। ଶପଥ ଗ୍ରହଣ ପରେ ତାଙ୍କର ପ୍ରଥମ ଭାଷଣରେ, ସେ ଚାଇନାକୁ ଖୋଲାଖୋଲି ଚ୍ୟାଲେଞ୍ଜ କରିଥିଲେ। ସେ କହିଥିଲେ ଯେ ସେ ପାନାମା କେନାଲ ଉପରେ ଚାଇନାର ଆଧିପତ୍ୟ ଶେଷ କରିବେ। ଏହା ପରେ ସେ ଋଷିଆକୁ ଯୁଦ୍ଧ ସମାପ୍ତ କରିବାକୁ ଅନୁରୋଧ କଲେ। ଟ୍ରମ୍ପଙ୍କ ଘୋଷଣା ଏବଂ ବିବୃତ୍ତିରେ ଦୁଇ ମହାଶକ୍ତି ଚାଇନା ଓ ଋଷିଆ ଉଭୟ ଚିନ୍ତାରେ ପଡିଛନ୍ତି। ଏହି ସମୟରେ, ଚାଇନା ରାଷ୍ଟ୍ରପତି ଜିନପିଙ୍ଗ ଋଷିଆ ରାଷ୍ଟ୍ରପତି ପୁଟିନଙ୍କ ସହ ଭିଡିଓ କଲ ମାଧ୍ୟମରେ କଥା ହୋଇଛନ୍ତି।
ରିପୋର୍ଟ ଅନୁସାରେ, ଜିନପିଙ୍ଗ ଏବଂ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଏକ ନିରପେକ୍ଷ ବହୁଧ୍ରୁବୀୟ ବିଶ୍ୱ ବ୍ୟବସ୍ଥା ପାଇଁ ଆହ୍ବାନ ଦେଇଥିଲେ। ଉଭୟ ସହମତ ହୋଇଥିଲେ ଯେ ଦ୍ୱିପାକ୍ଷିକ ସମ୍ପର୍କ ଆନ୍ତର୍ଜାତୀୟ ବ୍ୟାପାରରେ ସ୍ଥିର ଭୂମିକା ଗ୍ରହଣ କରେ। ପୁଟିନ କହିଛନ୍ତି ଯେ ଋଷିଆ ଏବଂ ଚାଇନା ୟୁରେସିଆର ସୁରକ୍ଷା ସୁନିଶ୍ଚିତ କରିବା ପାଇଁ କାମ କରୁଛନ୍ତି। ସେମାନଙ୍କର ସମ୍ପର୍କ ବନ୍ଧୁତା ଏବଂ ପାରସ୍ପରିକ ବିଶ୍ୱାସ ଉପରେ ଆଧାରିତ।
ଦୁଇ ନେତା ଶିଳ୍ପ, ପରିବହନ, କୃଷି ଏବଂ ଅନ୍ୟାନ୍ୟ କ୍ଷେତ୍ରର ବିଭିନ୍ନ ପ୍ରକଳ୍ପ ବିଷୟରେ ଆଲୋଚନା କରିଥିଲେ। ଏଥିରେ ଋଷିଆ ଦ୍ୱାରା ଚାଇନାକୁ ପ୍ରାକୃତିକ ଗ୍ୟାସ ରପ୍ତାନି ମଧ୍ୟ ଅନ୍ତର୍ଭୁକ୍ତ। ଏହି କଥାବାର୍ତ୍ତା ପୂର୍ବରୁ, ଡୋନାଲ୍ଡ ଟ୍ରମ୍ପ ଶପଥ ନେବା ପୂର୍ବରୁ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଜାତୀୟ ସୁରକ୍ଷା ପରିଷଦର ସଦସ୍ୟମାନଙ୍କ ସହ ଭିଡିଓ କଲ ମାଧ୍ୟମରେ କଥା ହୋଇଥିଲେ।
ତେବେ ଟ୍ରମ୍ପଙ୍କ ସହ କଥାବର୍ତ୍ତା ହେବା ପରେ ପୁଟିନ କହିଥିଲେ, ନିଶ୍ଚିତ ଭାବରେ ଆମେ ଏପରି ପଦକ୍ଷେପକୁ ସ୍ବାଗତ କରୁଛୁ। ଆମେ ଡୋନାଲ୍ଡ ଟ୍ରମ୍ପଙ୍କୁ ଦାୟିତ୍ୱ ଗ୍ରହଣ କରିବା ପାଇଁ ଅଭିନନ୍ଦନ ଜଣାଉଛୁ। ଋଷିଆ ଏକ ସମ୍ଭାବ୍ୟ ଶାନ୍ତି ଚୁକ୍ତି ଉପରେ ୟୁକ୍ରେନ ସହିତ କଥାବାର୍ତ୍ତା କରିବାକୁ ପ୍ରସ୍ତୁତ। ଏହା ଏକ କ୍ଷଣସ୍ଥାୟୀ ଯୁଦ୍ଧବିରତି ଆଣିବ ନାହିଁ ବରଂ ସ୍ଥାୟୀ ଶାନ୍ତି ଆଣିବ। ଏଥିରେ ଋଷିଆ ସ୍ବାର୍ଥକୁ ବିଚାରକୁ ନିଆଯିବ।
