ସୋସିଆଲ ମିଡିଆରେ କେବେ, କେଉଁଠାରେ କିଏ ଭାଇରାଲ ହୋଇଯିବ, ତାହା କହିବା ମୁସ୍କିଲ। ପ୍ରୟାଗରାଜର ମହାକୁମ୍ଭ ମେଳାରେ ଭାଇରାଲ ହୋଇଥିବା ମୋନାଲିସାଙ୍କୁ ନିଶ୍ଚୟ ଆପଣ ମନେ ରଖିଥିବେ। ଏହି କ୍ରମରେ ଆଉ ଜଣେ ଇଣ୍ଟରନେଟରେ ବେଶ ଭାଇରାଲ ହେଉଛନ୍ତି। ସେ ହେଲେ ଜଣେ ଟ୍ରାନ୍ସଜେଣ୍ଡର। ଏହି ଟ୍ରାନ୍ସଜେଣ୍ଡର ଟ୍ରେନରେ ଟଙ୍କା ମାଗିବା ସମୟରେ ଭାଇରାଲ ହୋଇଛନ୍ତି। ତାଙ୍କର ଏକ ଭିଡିଓ ଇଣ୍ଟରନେଟରେ ହଇଚଇ ସୃଷ୍ଟି କରିଛି। ଭିଡିଓରେ ଏହି ଟ୍ରାନ୍ସଜେଣ୍ଡର ପର୍ପଲ ଶାଢ଼ୀ ପିନ୍ଧିଥିବା ନଜର ଆସୁଛନ୍ତି।
ଭିଡିଓରେ ଦେଖାଯାଉଛି ଯେ ପର୍ପଲ ଶାଢ଼ୀ ପିନ୍ଧିଥିବା ଏହି ଟ୍ରାନ୍ସଜେଣ୍ଡର ଚଳନ୍ତା ଟ୍ରେନରେ ଯାତ୍ରୀମାନଙ୍କଠାରୁ ଟଙ୍କା ମାଗୁଛନ୍ତି। ଏହି ସମୟରେ ନେଟିଜେନ୍ସଙ୍କ ଦୃଷ୍ଟି ତାଙ୍କର ସୌନ୍ଦର୍ଯ୍ୟ ଉପରେ ଅଟକି ଯାଇଛି। ଏହି ଟ୍ରାନ୍ସଜେଣ୍ଡର ନିଜର ସୌନ୍ଦର୍ଯ୍ୟ ଓ ମନୋମୁଗ୍ଧକର ହସ ଦ୍ୱାରା ଟ୍ରେନରେ ଥିବା ଯାତ୍ରୀମାନଙ୍କ ମନ ଜିଣି ନେଇଛନ୍ତି। ଭିଡିଓରେ ଦେଖାଯାଉଛି ଯେ ସେ ଯାତ୍ରୀମାନଙ୍କଠାରୁ ଟଙ୍କା ମାଗୁଛନ୍ତି, ଏହି ସମୟରେ ଜଣେ ଯାତ୍ରୀ ତାଙ୍କର ଭିଡିଓ ରେକର୍ଡ କରି ସୋସିଆଲ ମିଡିଆରେ ଶେୟାର କରିଛନ୍ତି। ଏହାପରେ ଭିଡିଓଟି ଦ୍ରୁତ ଗତିରେ ଭାଇରାଲ ହୋଇଛି।
View this post on Instagram
ଏହି ଟ୍ରାନ୍ସଜେଣ୍ଡରଙ୍କ ସୌନ୍ଦର୍ଯ୍ୟ ଦେଖି ଅନେକ ସୋସିଆଲ ମିଡିଆ ବ୍ୟବହାରକାରୀ ତାଙ୍କୁ ‘ସ୍ବର୍ଗର ଅପସରା’ ଓ ‘ଟ୍ରେନର ରାଣୀ’ ବୋଲି ସମ୍ବୋଧନ କରିଛନ୍ତି। ସାଧାରଣତଃ ଟ୍ରେନରେ ଲୋକେ କିନ୍ନରମାନଙ୍କଠାରୁ ଦୂରେଇ ରହିବାକୁ ଚେଷ୍ଟା କରନ୍ତି, କିନ୍ତୁ ଏହି ଟ୍ରାନ୍ସଜେଣ୍ଡରଙ୍କର ହସ ଲୋକମାନଙ୍କୁ ଆକର୍ଷିତ କରିଛି। ତାଙ୍କର ସରଳତା ସମସ୍ତଙ୍କ ମନ ଜିଣି ନେଇଛି। ଭିଡିଓରେ ଦେଖାଯାଉଛି ଯେ ଜଣେ ଯୁବକ ଟଙ୍କା ଦେବା ପରେ ତାଙ୍କୁ କ୍ୟାମେରା ଆଡ଼କୁ ଦେଖିବାକୁ ଅନୁରୋଧ କରୁଛନ୍ତି। ଏହାପରେ ଟ୍ରାନ୍ସଜେଣ୍ଡର ହସି ହସି କ୍ୟାମେରା ଆଡ଼କୁ ଦେଖୁଛନ୍ତି ଓ ନେଟିଜେନ୍ସଙ୍କ ମନ ଜିଣୁଛନ୍ତି।
