ନୂଆଦିଲ୍ଲୀ,୨୬।୮: କରୋନା ମାମଲା ଥମୁ ନ ଥିବା ଯୋଗୁ ବିଭିନ୍ନ ରାଜ୍ୟରେ ସରକାର ସପ୍ତାହର ଶେଷ ଦିନଗୁଡିକରେ ଲକ୍ଡାଉନ କରୁଛନ୍ତି। ଏହାଦ୍ୱାରା କାରବାର କ୍ଷତିଗ୍ରସ୍ତ ହେଉଥିବା ରିଟେଲ ଶିଳ୍ପ ସଂଘ ପକ୍ଷରୁ ସୂଚନା ରହିଛି। ସରକାରଙ୍କ ଏଭଳି ପଦକ୍ଷେପ ଦ୍ୱାରା ଖାଉଟିଙ୍କ ମନୋଭାବ ପ୍ରଭାବିତ ହେଉଥିବା ସଂଘ ପକ୍ଷରୁ କୁହାଯାଇଛି। ପଞ୍ଜାବ, ହରିୟାଣା, କେରଳ, ମଧ୍ୟପ୍ରଦେଶ, ଓଡ଼ିଶା ସମେତ ୧୦ ରାଜ୍ୟରେ ଏଭଳି କଟକଣା ଜାରି ରହିଛି। ସପ୍ତାହରେ ହେଉଥିବା ମୋଟ କାରବାର ମଧ୍ୟରୁ ଶନିବାର ଏବଂ ରବିବାର ପ୍ରାୟ ୪୫% କାରବାର ହୋଇଥାଏ। ଗତ କିଛି ମାସ ଧରି ହୋଇଥିବା କାରବାର କ୍ଷତିକୁ ଭରଣା କରିବା ଲାଗି ବ୍ୟବସାୟୀମାନେ ଲକ୍ଷ୍ୟ ରଖିଥିଲେ। କରୋନା କଟକଣା ବର୍ତ୍ତମାନ ଧୀରେ ଧୀରେ କୋହଳ ହେଉଥିବା ଯୋଗୁ ସପ୍ତାହ ଶେଷର ୨ ଦିନ ଭଲ କାରବାର ହେବା ନେଇ ଅନେକେ ଆଶା କରିଥିଲେ। ହେଲେ କରୋନା ସଂକ୍ରମଣ ବର୍ତ୍ତମାନ ହ୍ରାସ ହେଉ ନ ଥିବା ଯୋଗୁ ସରକାର ଶନିବାର ଏବଂ ରବିବାର ମଧ୍ୟ କଟକଣା ଲଗାଇଛନ୍ତି। ଫଳରେ ଏହା କାରବାରକୁ ପ୍ରଭାବିତ କରୁଥିବା ଖୁଚୁରା ବ୍ୟବସାୟୀ ସଂଘ ପକ୍ଷରୁ ସୂଚନା ଦିଆଯାଇଛି।
