ଭୁବନେଶ୍ୱର,୧୮ା୧: ଜଣେ ଯୁବକଙ୍କ ଉନ୍ମତ୍ତ କାଣ୍ଡ ଯୋଗୁ ଭୁବନେଶ୍ୱର ଷ୍ଟେଶନ ନିକଟରେ ୬ ମିନିଟ୍ ଅଟକିଥିଲା ଅମୃତ ଭାରତ ଏକ୍ସପ୍ରେସ ଅଟକି ରହିଥିଲା। ଏନେଇ ସ୍ପଷ୍ଟୀକରଣ ରଖିଛି ରେଲଓ୍ବେ। ସକାଳ ୯ଟା ୪୮ ମିନିଟ୍ରେ ଏହି ଅଘଟଣ ଘଟିଥିଲା। ଚଳନ୍ତା ଟ୍ରେନ ଆଗକୁ ଆସି ଜୀବନ ହାରିବାକୁ ଉଦ୍ୟମ କରିଥିଲେ ଏହି ଯୁବକ ଜଣ। ବୁଦ୍ଧି ଖଟାଇ ଲୋକୋ ପାଇଲଟ ଜରୁରୀକାଳୀନ ବ୍ରେକ୍ ଲଗାଇ ଟ୍ରେନ୍ଟିକୁ ଅଟକାଇ ଦେଇଥିଲେ। ଆର୍ପିଏଫ୍ ପହଞ୍ଚି ଯୁବକଙ୍କୁ ସେଠାରୁ ଉଠାଇ ନେଇଥିଲା। ତେବେ ଯୁବକ ଜଣଙ୍କ ଲକ୍ଷ୍ମୀସାଗର ଅଞ୍ଚଳର ହୋଇଥିବାବେଳେ ସେ ମଦ ପିଇଥିବା ଜଣାପଡ଼ିଥିଲା। ସଂପୃକ୍ତ ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ରେଳ ବିଭାଗ କହିଛି। ଅନ୍ୟପକ୍ଷରେ ୬ ମିନିଟ୍ ପରେ ଗନ୍ତବ୍ୟ ସ୍ଥଳକୁ ଗଡ଼ିଥିଲା ଅମୃତ ଭାରତ ଏକ୍ସପ୍ରେସ।
