ନୂଆଦିଲ୍ଲୀ,୨୭।୬: ଚଳିତ ବର୍ଷ ସ୍ବଦେଶୀ ଉପାୟରେ ଦୀପାବଳି ପାଳନ କରିବା ଲାଗି ସର୍ବଭାରତୀୟ ବ୍ୟବସାୟୀ ମହାସଂଘ ପକ୍ଷରୁ ଆହ୍ବାନ ଦିଆଯାଇଛି। ଦୀପାବଳିକୁ ଶତ ଏହି ଉପାୟରେ ପାଳନ କରିବା ଲାଗି ବ୍ୟବସାୟୀମାନେ ନିଷ୍ପତ୍ତି ଗ୍ରହଣ କରିଛନ୍ତି। ଏଥି ଲାଗି ବ୍ୟବସାୟୀମାନେ ଚଳିତ ବର୍ଷ ଚାଇନା ସାମଗ୍ରୀ ଆମଦାନୀ କରିବେ ନାହିଁ ବୋଲି ଘୋଷଣା କରିଛନ୍ତି। ଅର୍ଥାତ୍ ଦୀପାବଳିରେ ଚାଇନା ସାମଗ୍ରୀ ବିକ୍ରି ଉପରେ ରୋକ ଲଗାଇବା ଲାଗି ସଂଘ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି। ଭାରତୀୟ ସାମାନ ହମାରା ଅଭିମାନ ନାମକ ଅଭିଯାନକୁ ସିଏଆଇଟି ଏଭଳି ନିଷ୍ପତ୍ତି ଦ୍ୱାରା ଆଉ ଗୋଟିଏ ପାଦ ଆଗକୁ ବଢାଇଛି। ଲୋକମାନେ ମଧ୍ୟ ଦୀପାବଳିରେ ଚାଇନା ସାମଗ୍ରୀ ନ ବ୍ୟବହାର କରିବାକୁ ସଂଘ ପକ୍ଷରୁ ନିବେଦନ କରାଯାଇଛି। ଯଦି କୌଣସି ବ୍ୟବସାୟୀଙ୍କ ନିକଟରେ ଚାଇନା ସାମଗ୍ରୀର ଷ୍ଟକ୍ ରହିଛି ତାକୁ ୧୫ ଜୁଲାଇ ମଧ୍ୟରେ ବିକ୍ରି କରି ଦେବାକୁ ସଂଘ ପକ୍ଷରୁ କୁହାଯାଇଛି।
