ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରାମନ କେନ୍ଦ୍ର କର୍ମଚାରୀଙ୍କ ଲାଗି ସୋମବାର ପ୍ୟାକେଜ ଘୋଷଣା କରିଛନ୍ତି। ଏହା ବ୍ୟବସାୟୀଙ୍କ ମନରେ ଉତ୍ସାହ ଭରିଥିବା ଜଣାପଡିଛି। ପାର୍ବଣରେ ଉନ୍ନତ କାରବାର ହେବା ନେଇ ବ୍ୟବସାୟୀମାନେ ଆଶା ରଖିଛନ୍ତି। ସରକାରଙ୍କ ଏଭଳି ପଦକ୍ଷେପ ଯୋଗୁ ସରକାରୀ କର୍ମଚାରୀଙ୍କ କ୍ରୟ ଶକ୍ତି ବଢିବ ବୋଲି ସର୍ବଭାରତୀୟ ବ୍ୟବସାୟୀ ମହାସଂଘ(ସିଏଆଇଟି) ପକ୍ଷରୁ କୁହାଯାଇଛି। ସେହିଭଳି ଘରୋଇ ବଜାରର ଚାହିଦା ବଢାଇବାରେ ଏହା ସହାୟକ ହେବ ବୋଲି ସଂଘ ଆଶାବାଦୀ ଥିବା କହିଛି। ବର୍ତ୍ତମାନ ସାରା ଦେଶରେ ବ୍ୟବସାୟ ସ୍ଥିତି ବିଗିଡିଛି।
ସରକାରଙ୍କ ଘୋଷଣା ଦ୍ୱାରା ଘରୋଇ ଉପକରଣ, ବିଜୁଳି ଏବଂ ଇଲେକ୍ଟ୍ରୋନିକ୍ସ ଉପକରଣ, କିଚେନ ଆପ୍ଲାଏନ୍ସ, ଏଫ୍ଏମ୍ସିଜି ପ୍ରଡକ୍ଟ, ଉପଭୋକ୍ତା ସାମଗ୍ରୀ, ଆପାରେଲ, ମୋବାଇଲ, ଜୋତା ଏବଂ ଉପହାର ସାମଗ୍ରୀ ଭଳି ଅନ୍ୟ ବର୍ଗର ସାମଗ୍ରୀ ଭଲ ବିକ୍ରି ହେବ ବୋଲି ଆଶା କରାଯାଉଛି। ସିଏଆଇଟି ରାଷ୍ଟ୍ରୀୟ ଅଧ୍ୟକ୍ଷ ବି.ସି. ଭାରତୀୟା ଏବଂ ପ୍ରଭୀନ ଖଣ୍ଡେଲଓ୍ବାଲ କହିଛନ୍ତି, ସରକାରଙ୍କ ପଦକ୍ଷେପ କର୍ମଚାରୀଙ୍କ କ୍ରୟ ଶକ୍ତି ବଢ଼ାଇବା ଦିଗରେ ସହାୟକ ହୋଇପାରିବ।
