କୋରାପୁଟ,୯।୨(ଅମିତାଭ ବେହେରା): କୋରାପୁଟ ଜିଲା ନାରାୟଣପାଟଣା ବ୍ଲକ ବୋରିଗି ଘାଟିରେ ଶୁକ୍ରବାର ଏକ ଟ୍ରାକ୍ଟର ଓଲଟି ପଡିଛି। ଫଳରେ ୧୧ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ଜଣଙ୍କ ଅବସ୍ଥା ଗୁରୁତର ରହିଛି। ଆହତମାନଙ୍କୁ ଚିକିତ୍ସା ପାଇ ନାରାୟଣପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ହେଲେ ଗୁରୁତରମାନଙ୍କୁ କୋରାପୁଟ ସ୍ଥାନାନ୍ତର କରାଯାଇଛି। ଗୁରୁତରଙ୍କ ମଧ୍ୟରୁ ୨ଜଣ ଶିଶୁ ଅଛନ୍ତି।
ସୂଚନା ଯୋଗ୍ୟ, ବୋରିଗି ପଞ୍ଚାୟତ ଅଧୀନ କେଳୁବାଡି ଗ୍ରାମରେ ଏକ ବାହାଘର ଛାମୁଣ୍ଡିଆ ପାଇଁ କିଛି ଲୋକ ଟ୍ରାକ୍ଟର ଧରି ଜଙ୍ଗଲକୁ କାଠ ସଂଗ୍ରହ ପାଇଁ ଯାଇଥିଲେ। କାଠ ସଂଗ୍ରହ କରି ଟ୍ରାକ୍ଟରଟି ଫେରୁଥିବା ବେଳେ ଘାଟିରେ ଭାରସାମ୍ୟ ହରାଇ ଓଲଟି ପଡ଼ିଥିଲା।
