ଭୁବନେଶ୍ୱର,୨।୧୦: ରାଜ୍ୟର ପ୍ରମୁଖ ନୂତନ ଓଡ଼ିଆ ମନୋରଞ୍ଜନଭିତ୍ତିକ ଚ୍ୟାନେଲ ଷ୍ଟାର୍ କିରଣ ପକ୍ଷରୁ ସ୍ବତନ୍ତ୍ର କାର୍ଯ୍ୟକ୍ରମ ‘ଆମ ଘର ଦଶହରା’ ର ଆୟୋଜନ କରାଯାଇଛି। ଏହି ସ୍ବତନ୍ତ୍ର କାର୍ଯ୍ୟକ୍ରମ ଅରବିବାର ସା ୬ ଘଟିକାରେ ଷ୍ଟାର୍ କିରଣରେ ପ୍ରସାରଣ ହେବ ବୋଲି ଚ୍ୟାନେଲ ପକ୍ଷରୁ କୁହାଯାଇଛି। ଏପରିକି ଉକ୍ତ ଚ୍ୟାନେଲ ଦର୍ଶକମାନଙ୍କୁ ବିଶେଷ ଉତ୍ସବ ମାଧ୍ୟମରେ ବାନ୍ଧି ରଖିବା ସହ ସାରା ପରିବାରକୁ ସାରେ ଏକତ୍ରିତ କରିପାରୁଛି। ସେହିଭଳି ଏହା ହେଉଛି ପ୍ରଥମ ଷ୍ଟାର୍ କିରଣ ପରିବାର ମହାମିଳନ ଉତ୍ସବ, ଯେଉଁଠାରେ ଶୋ’ର ସମସ୍ତ କଳାକାର, ଓଡ଼ିଆ ଇଣ୍ଡଷ୍ଟ୍ରିର ଗାୟକ, ନୃତ୍ୟଶିଳ୍ପୀ ତଥା ଜଣାଶୁଣା ଆଙ୍କର୍ସ ଏବଂ ସେଲିବ୍ରିଟିମାନେ ଏକତ୍ର ଦଶହରାକୁ ପାଳନ କରିବା ପାଇଁ ଉକ୍ତ ଇଭେଣ୍ଟ (ଶୋ)ରେ ଅଭିନୟ ମଧ୍ୟ କରିଛନ୍ତି ଏବଂ କିଛି ହାଲୁକା ମଜାଳିଆ ମୁହୂର୍ତ୍ତ ମଧ୍ୟ ପାଇଛନ୍ତି। ସେହିପରି ଉକ୍ତ ଶୋ’କୁ ସୁଜିତ ପାଇକରାୟ ଓ ପ୍ରିୟଙ୍କା ମହାପାତ୍ର ଆୟୋଜନ କରିଛନ୍ତି। ଏହି ଶୋ’ରେ ସମସ୍ତ ଷ୍ଟାର୍ କିରଣ ନାୟକ ଓ ଅଭିନେତାଙ୍କ ସହ ସେଲିବ୍ରିଟି ଅତିଥି ସ୍ବରାଜ ବାରିକ ଓ ଶୀତଲ ପାତ୍ର ମଧ୍ୟ ସାମିଲ ରହିଛନ୍ତି। ଅପରପକ୍ଷରେ ସଙ୍ଗୀତ ନିର୍ଦ୍ଦେଶକ ଓ ଗାୟକ ଅଭିଜିତ ମଜୁମଦାରଙ୍କ ସହ ଗାୟକ ତାରିକ୍ ଅଜିଜ୍, ସତ୍ୟଜିତ ପ୍ରଧାନ, ଅର୍ପିତା ଚୌଧୁରୀ, ଜ୍ୟୋତିର୍ମୟୀ ନାୟକ ଏବଂ ଲିପ୍ସା ମହାପାତ୍ର ପ୍ରମୁଖ ସେମାନଙ୍କର ପ୍ରିୟ ଗୀତ ଗାଇ ଉକ୍ତ ଶୋ’କୁ ଅଧିକ ମେଲୋଡିଜ୍ କରିଛନ୍ତି।
