ନୂଆଦିଲ୍ଲୀ,୫।୫: ତିହାର ଜେଲ ଭିତରେ ସୁନିଲ ଓରଫ ଟିଲ୍ଲୁ ତାଜପୁରିୟାଙ୍କ ହତ୍ୟାକାଣ୍ଡର ଆଉ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପ୍ରଥମ ଭିଡିଓରେ ଯେତେବେଳେ ସୁରକ୍ଷାକର୍ମୀଙ୍କ ଅନୁପସ୍ଥିତିରେ ଅଭିଯୁକ୍ତ ଟିଲ୍ଲୁଙ୍କୁ ଆକ୍ରମଣ କରୁଥିବା ନଜର ଆସିଥିଲା, ଦ୍ୱିତୀୟ ଭିଡିଓରେ ପ୍ରାୟ ୧୦ ଜଣ ସୁରକ୍ଷାକର୍ମୀଙ୍କ ଉପସ୍ଥିତିରେ ଟିଲ୍ଲୁଙ୍କୁ ଆକ୍ରମଣ କରୁଥିବା ନଜର ଆସିଛି।
ଭିଡିଓ ଦେଖିଲେ ଲାଗୁଛି ଯେମିତି ପୋଲିସ ଯବାନ ଓ ଜେଲକର୍ମୀ ଅଭିଯୁକ୍ତିଙ୍କୁ କାବୁ କରିବା ବଦଳରେ ନିଜ ଜୀବନକୁ ଭୟ କରୁଛନ୍ତିି। ଭିଡିଓରେ ସ୍ପଷ୍ଟ ବାରି ହେଉଛି କି ଅଭିଯୁକ୍ତଙ୍କ ଉପରେ କାହାର ନିୟନ୍ତ୍ରଣ ନାହିଁ।
ଭିଡିଓରେ ଆହୁରି ମଧ୍ୟ ଦେଖାଯାଇଛି କି ଟିଲ୍ଲୁଙ୍କୁ ଓ୍ବାର୍ଡରୁ ଶୀଘ୍ର ବାହାରକୁ ଆଣିବା ପରିବର୍ତ୍ତେ ତାଙ୍କ ଉପରେ ଆକ୍ରମଣକୁ ଦେଖି ଟିଲ୍ଲୁଙ୍କ ବଡିକୁ ଛାଡିଦେଇ ସମସ୍ତେ ଦୂରେଇ ଯାଉଛନ୍ତି।
