ଫ୍ଲୋରିଡା,୨୮।୩: ପ୍ରଖ୍ୟାତ ଆମେରିକୀୟ ଗଲ୍ଫ ଖେଳାଳି ଟାଇଗର ଉଡ୍ସ ପୁଣି ଥରେ ବିବାଦରେ ଫସିଛନ୍ତି। ମଦ୍ୟପାନ କରି ଗାଡ଼ି ଚଲାଇବା ସନ୍ଦେହରେ ତାଙ୍କୁ ଫ୍ଲୋରିଡାରେ ଗିରଫ କରାଯାଇଛି। ଉଡ୍ସଙ୍କ କାର ଅନ୍ୟ ଏକ ଗାଡ଼ି ସହିତ ଧକ୍କା ଦେଇଥିଲା, ଯାହା ଫଳରେ ତାଙ୍କର ଲ୍ୟାଣ୍ଡ ରୋଭର ଓଲଟି ପଡ଼ିଥିଲା। ଦୁର୍ଘଟଣା ତାଙ୍କ ଘର ନିକଟରେ ଥିବା ଜୁପିଟର ଆଇଲାଣ୍ଡ ଅଞ୍ଚଳରେ ଘଟିଥିଲା। ସୌଭାଗ୍ୟବଶତଃ, ଉଡ୍ସଙ୍କ ଦୁର୍ଘଟଣାରେ କୌଣସି ଆଘାତ ହୋଇନାହିଁ। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଏହି ଘଟଣାରେ ମନ୍ତବ୍ୟ ଦେଇଛନ୍ତି।
ଟ୍ରମ୍ପ କହିଛନ୍ତି, ମୁଁ ଏହି ଦୁର୍ଘଟଣା ବିଷୟରେ ସୂଚନା ପାଇଛି, ଏବଂ ଖବର ଶୁଣି ମୁଁ ଖରାପ ଅନୁଭବ କରୁଛି। ଉଡ୍ସ ମୋର ଜଣେ ଘନିଷ୍ଠ ବନ୍ଧୁ। ସେ ଜଣେ ଚମତ୍କାର ବ୍ୟକ୍ତି, କିନ୍ତୁ ସେ କିଛି ଅସୁବିଧାରେ ପଡ଼ିଛନ୍ତି। ମୁଁ ଏହା ଉପରେ ଅଧିକ ଆଲୋଚନା କରିବାକୁ ଚାହୁଁ ନାହାଁନ୍ତି।
ପୂର୍ବରୁ ୨୦୧୭ରେ ତାଙ୍କୁ ଫ୍ଲୋରିଡାର ଜୁପିଟରରେ ଗିରଫ କରାଯାଇଥିଲା। ସେ ବେପରୁଆ ଗାଡି ଚାଳନା ପାଇଁ ଦୋଷୀ ସାବ୍ୟସ୍ତ କରିଥିଲେ। ଏହା ବ୍ୟତୀତ ଫେବୃଆରୀ ୨୦୨୧ରେ ଉଡ୍ସ ଏକ ଗୁରୁତର କାର୍ ଦୁର୍ଘଟଣାର ଶିକାର ହୋଇଥିଲେ।
Dharitri – Odisha’s No.1 Odia Daily
