କଲମ୍ବିୟା,୨୯।୧: ଜୋର୍ଡାନରେ ଇରାନ ସମର୍ଥିତ ଆତଙ୍କବାଦୀଙ୍କ ଆକ୍ରମଣରେ ୩ଜଣ ଆମେରିକୀୟ ସେନା ନିହତ ହୋଇଥିବାବେଳେ ଅନେକେ ଆହତ ହୋଇଛନ୍ତି। ଆମେରିକାର ରାଷ୍ଟ୍ରପତି ଜୋ ବାଇଡେନ ଏକ ବିବୃତ୍ତିରେ କହିଛନ୍ତି ଯେ ଆମେରିକା ଆକ୍ରମଣକାରୀଙ୍କୁ ଉତ୍ତରଦାୟୀ କରିବ। ଆମେରିକାର ସେଣ୍ଟ୍ରାଲ କମାଣ୍ଡ ଏକ ବିବୃତ୍ତି ଜାରି କରି କହିଛି ଯେ ଏହି ଆକ୍ରମଣରେ ୨୫ ସେନା ଆହତ ହୋଇଛନ୍ତି। ରାଷ୍ଟ୍ରପତି ବାଇଡେନ ଇରାନ ସମର୍ଥିତ ଯୁଦ୍ଧବିମାନର ଆକ୍ରମଣ ବିଷୟରେ କହିଥିଲେ, କିନ୍ତୁ ଏଥିପାଇଁ କୌଣସି ନିର୍ଦ୍ଦିଷ୍ଟ ଗୋଷ୍ଠୀର ନାମ ସେ ରଖି ନାହାଁନ୍ତି। ଆମେରିକାର ଅଧିକାରୀମାନେ ଏହି ଆକ୍ରମଣ ପଛରେ କେଉଁ ଗୋଷ୍ଠୀ ଅଛନ୍ତି ତାହା ଜାଣିବାକୁ ଚେଷ୍ଟା କରୁଛନ୍ତି।
ଆମେରିକୀୟ ସେନାଙ୍କ ଉପରେ ହୋଇଥିବା ଆକ୍ରମଣ ପାଇଁ ଇରାନ ସମର୍ଥିତ ଗୋଷ୍ଠୀକୁ ଦାୟୀ କରି ବାଇଡେନ କହିଛନ୍ତି ଯେ ବର୍ତ୍ତମାନ ଆମେ ଏହି ଆକ୍ରମଣ ବିଷୟରେ ସୂଚନା ସଂଗ୍ରହ କରୁଛୁ। ଆମେ ବିଶ୍ୱାସ କରୁ ଯେ ସିରିଆ ଏବଂ ଇରାକରେ କାର୍ଯ୍ୟ କରୁଥିବା ଇରାନ ସମର୍ଥିତ ଆତଙ୍କବାଦୀ ଗୋଷ୍ଠୀ ଏହି ଆକ୍ରମଣ କରିଥିଲେ। ହ୍ବାଇଟ ହାଉସ ପକ୍ଷରୁ ଜାରି ବିବୃତ୍ତିରେ ବାଇଡେନ କହିଛନ୍ତି ଯେ ଆତଙ୍କବାଦ ମୁକାବିଲା ପାଇଁ ଆମେରିକା ନିଜର ପ୍ରତିବଦ୍ଧତାକୁ ଆହୁରି ଆଗକୁ ବଢାଇବ। ଏଥିରେ କୌଣସି ସନ୍ଦେହ ନାହିଁ ଯେ ଆକ୍ରମଣ ପାଇଁ ଆମେ ସମସ୍ତଙ୍କୁ ଦାୟୀ କରିବୁ।
ଆମେରିକାର ଅଧିକାରୀ କହିଛନ୍ତି ଯେ ଏହି ବିସ୍ଫୋରଣ ସିରିଆ ସୀମା ନିକଟ ଉତ୍ତର-ପୂର୍ବ ଜୋର୍ଡାନର ଆମେରିକାର ବେସରେ ଏକ ବ୍ୟାରେକ ନିକଟରେ ଏକ ମାନବ ବିହୀନ ଡ୍ରୋନ ଦ୍ୱାରା ହୋଇଛି। ମତ୍ୟୁ ସଂଖ୍ୟା ଅଧିକ ହୋଇପାରେ ବୋଲି ସେ କହିଛନ୍ତି। ଏଥିରେ ଅତି କମରେ ୩୪ ଜଣ ସେନା ଆହତ ହୋଇଥିବା ଅଧିକାରୀ କହିଛନ୍ତି। କିଛି ଆହତ ଆମେରିକୀୟ ସେନାଙ୍କୁ ଚିକିତ୍ସା ପାଇଁ ନିଆଯାଇଛି।
