ଦୁନିଆରେ ଏପରି କିଛି ଲୋକ ଅଛନ୍ତି, ଯେଉଁମାନେ କି ସବୁବେଳ ପାଇଁ ଆରାମ ଦାୟକ ଜୀବନ ବିତାଇବାକୁ ଇଚ୍ଛା ପ୍ରକାଶ କରିଥାନ୍ତି। ସେମାନଙ୍କ ନିକଟରେ ଏତେ ଟଙ୍କା ଅଛି ଯେ, ଏହାର ମୂଲ୍ୟ ବି ବୁଝନ୍ତି ନାହିଁ। ତେଣୁ ନିଜ ଶରୀର ସଜାରେ ଖର୍ଚ୍ଚ କରିଥାନ୍ତି। ଏବେ ସୋସିଆଲ ମିଡିଆରେ ସେମିତି ଜଣେ ମହିଳା ତାଙ୍କ ଜୀବନର ଝଲକ ଦେଖାଇଛନ୍ତି। ଯାହାଙ୍କ ସମ୍ପର୍କରେ ଜାଣି ଲୋକେ ଚକିତ ହୋଇଯାଇଛନ୍ତି।
ଏମିଲି ନାମକ ଜଣେ ମହିଳା ଏପରି ବିଳାସମୟ ଜୀବନ ବିତାଉଛନ୍ତି। ସେ ତାଙ୍କ ଜୀବନକୁ ଖୁବ୍ ଭଲରେ ଉପଭୋଗ କରୁଛନ୍ତି। ତାଙ୍କ ନିକଟରେ ଅର୍ଥର ଅଭାବ ନ ଥିବାରୁ ସେ ପାଦ ନଖରୁ ମୁଣ୍ଡ ପର୍ଯ୍ୟନ୍ତ ନିଜର ସୌନ୍ଦର୍ଯ୍ୟ ବଜାୟ ରଖିବା ପାଇଁ ବିଭିନ୍ନ ଚିକିତ୍ସା କରିଥାନ୍ତି। ସେ ତାଙ୍କ ନଖରେ ଯେତିକି ଖର୍ଚ୍ଚ କରନ୍ତି, ସେଥିରେ ଏକ ବାହାଘର ମଧ୍ୟ ହୋଇଯିବ। ଏମିଲି ତାଙ୍କ ନଖରେ ୨୪ କ୍ୟାରେଟ୍ ସୁନା ସହିତ ଏକ ମେନିକ୍ୟୁର କରିଛନ୍ତି ଏବଂ ସେ ଏହି ନଖକୁ ପେଣ୍ଟିଂ କରିବାରେ ବି ପଛରେ ପଡ଼ିନାହାନ୍ତି। ତାଙ୍କର ଏକରୁ ଅଧିକ ଦାମୀ ବ୍ୟାଗ୍ ଅଛି, ଯାହାକୁ ନେଇ ସେ ଶପିଂ ପାଇଁ ବାହାରକୁ ଯାଆନ୍ତି। ସେ ସବୁବେଳେ ବ୍ରାଣ୍ଡେଡ ଜିନିଷ ଏବଂ ଡିଜାଇନର୍ ପୋଷାକ କିଣନ୍ତି। ଏପରିକି ସେ ତାଙ୍କ ଝିଅକୁ ମଧ୍ୟ ଏପରି ବିଳାସପୂର୍ଣ୍ଣ ଜୀବନ ବିତାଇବାକୁ ତାଲିମ ଦେଉଛନ୍ତି।
