କୁହାଯାଏ, ଯେତେବେଳେ ଭଗବାନ କାହାକୁ କିଛି ଦିଅନ୍ତି ଛପର ଫାଡି କି ଦିଅନ୍ତି। ଆଉ ଯଦି କାହାର ଭାଗ୍ୟ ଖରାପ ପଡ଼ିଥାଏ ତେବେ ଜଣେ ଧନୀ ବ୍ୟକ୍ତି ମଧ୍ୟ କ୍ଷଣିକ ମଧ୍ୟରେ ଗରିବ ହୋଇଯାଏ। ଅନେକ ଥର ଲୋକମାନେ ଭାଗ୍ୟ ବଦଳାଇବା ପାଇଁ ଲଟେରି କିଣନ୍ତି ଏବଂ ବେଳେବେଳେ ସେମାନେ ଅଜାଣତରେ ଜ୍ୟାକ୍ପଟ୍ ବି ପାଆନ୍ତି।
ଏହି ଯେମିତି କଳଙ୍କି ଲାଗିଯାଇଥିବା ଏକ ଆଲମାରୀ ଟେକ୍ସାସର ଜଣେ ବ୍ୟକ୍ତିଙ୍କ ଭାଗ୍ୟ ବଦଳାଇଦେଇଛି। ଏମିଲ ନାମକ ଏହି ବ୍ୟକ୍ତି ୧୨୫ ବର୍ଷ ପୁରୁଣା ଆଲମାରୀ କିଣିଥିଲେ। ଏହା ଏକ ପୁରାତନ ବୋଲି ଭାବି ଘରକୁ ଆଣିଥିବା ଏହି ଆଲମାରୀ, ଏମିଲଙ୍କ ଜୀବନକୁ ବଦଳାଇ ଦେଇଛି। ସେ କଦାପି କଳ୍ପନା କରି ନ ଥିଲେ ଯେ, କେବଳ ୮ ହଜାର ଟଙ୍କା ପାଇଁ ସେ ଆଲମାରୀରୁ ଏପରି ଧନ ପାଇବେ, ଯାହା ତାଙ୍କ ଜୀବନରେ ପରିବର୍ତ୍ତନ ଆଣିବ। ତେବେ ଏହି ଧନ ପାଇବା ପରେ ଏମିଲ ଯାହା କରିଥିଲେ ତାହା ସମସ୍ତଙ୍କ ହୃଦୟ ଜିତିଥିଲା।
ଏହାର ଭିଡିଓ ସୋସିଆଲ ମିଡିଆରେ ଶେୟାର କରାଯାଇଛି। ଯାହା ଖୁବ୍ ଭାଇରାଲ ହେଉଛି। ଏମିଲ ପ୍ରାୟ ୧୨୫ ବର୍ଷ ପୁରୁଣା ଏକ ଆଲମାରୀ କିଣିଥିଲେ। ସେ ଏହି ଆଲମାରିରେ ମାର୍ବଲ କାମ ଏବଂ କାଠ ଫିନିଶକୁ ବହୁତ ପସନ୍ଦ କରିଥିଲେ। ଏହି କାରଣରୁ ସେ ଏହି ଆଲମାରୀକୁ ୮ ହଜାର ଟଙ୍କାରେ କିଣିଥିଲେ। କିନ୍ତୁ ଏମିଲ ଯାହା ଭିତରେ ପାଇଲେ, ତାହା ଜାଣିଲେ ଆଶ୍ଚର୍ଯ୍ୟ ହେବେ।
ଯେତେବେଳେ ଏମିଲ ଏହି ଆଲମାରୀକୁ ଘରକୁ ଆଣି ନିଜ ଡାଇନିଂ ରୁମରେ ରଖିଲେ, ସେତେବେଳେ ସେ ଭିତରୁ ଏକ ଗର୍ଜନ ଶବ୍ଦ ଶୁଣିବାକୁ ାଇଲେ। ଏମିଲ ତାଙ୍କ ପୁଅ ସହିତ ଆଲମାରୀକୁ ଖୋଲିଲେ।ବହୁତ ସମୟ ପରେ ସେ ଦେଖିଲେ ଯେ ଆଲମାରୀରେ ଏକ ଗୁପ୍ତ ଡ୍ରୟାର ଅଛି। ଏହା ଭିତରେ ବହୁ ମୂଲ୍ୟବାନ ପଥର, ହାର, ସୁନା ଏବଂ ଅଳଙ୍କାର ରଖାଯାଇଥିଲା। ନିୟମ ଅନୁଯାୟୀ ଏହି ଧନ ଏମିଲଙ୍କର ଥିଲା। କିନ୍ତୁ ସେ ଏହାକୁ ଚୋରି ବୋଲି ଭାବି ତୁରନ୍ତ ଆଲମାରୀର ମୂଳ ମାଲିକଙ୍କ ସହ ଯୋଗାଯୋଗ କରି ତାଙ୍କୁ ଏ ବିଷୟରେ ଜଣାଇଲେ। ଯେଉଁ ବ୍ୟକ୍ତି ଆଲମାରୀର ମାଲିକ ଥିଲେ ସେ ମୃତ୍ୟୁବରଣ କରିଥିଲେ। କିନ୍ତୁ ତାଙ୍କ ପୁଅମାନେ ଧନ ଫେରସ୍ତ ପାଇଁ ଏମିଲଙ୍କୁ ଧନ୍ୟବାଦ ଦେଇଥିଲେ।
