ନୂଆଦିଲ୍ଲୀ,୧୫।୧: ଭାରତୀୟ ଷ୍ଟାର କ୍ରିକେଟର୍ ବିରାଟ କୋହଲି ପୁଣିଥରେ ICC ଦିନିକିଆ ରାଙ୍କିଙ୍ଗରେ ନମ୍ବର ୱାନ ସ୍ଥାନ ହାସଲ କରିଛନ୍ତି। କୋହଲିଙ୍କ ଏହି ଖୁସି ଅଧିକ ସମୟ ପର୍ଯ୍ୟନ୍ତ ରହିବ ବୋଲି ମନେ ହେଉନାହିଁ। କାରଣ ନ୍ୟୁଜିଲାଣ୍ଡର ଷ୍ଟାର ବ୍ୟାଟ୍ସମ୍ୟାନ ଡାରିଲ ମିଚେଲ କୋହଲିଙ୍କଠାରୁ ମାତ୍ର ଗୋଟିଏ ପଏଣ୍ଟ ପଛରେ ଅଛନ୍ତି। ଆଗାମୀ ମ୍ୟାଚ ନିର୍ଣ୍ଣୟ କରିବ ଯେ ବିରାଟ ଏହି ରାଙ୍କିଙ୍ଗ ବଜାୟ ରଖିବେ ନା ମିଚେଲ ତାଙ୍କଠାରୁ ଛଡ଼େଇ ନେବେ।
ବିରାଟ କୋହଲି ଆଜିକାଲି ଚମତ୍କାର ଫର୍ମରେ ଅଛନ୍ତି। ସେ ନୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ ଏକ ଦାୟିତ୍ୱପୂର୍ଣ୍ଣ ଇନିଂସ ଖେଳି ୯୩ ରନ କରିଥିଲେ। ଏହି ଇନିଂସ ତାଙ୍କୁ ICC ଦିନିକିଆ ରାଙ୍କିଙ୍ଗରେ ନମ୍ବର ୱାନ ସ୍ଥାନ ପୁନର୍ବାର ହାସଲ କରିବାରେ ସାହାଯ୍ୟ କରିଥିଲା। ଦୀର୍ଘ ସମୟ ପରେ ଏହି ସ୍ଥାନ ହାସଲ କରିବା କୋହଲିଙ୍କ ପାଇଁ ଏକ ବିଶେଷ ସଫଳତା ଥିଲା, କାରଣ ସେ ଗତ କିଛି ବର୍ଷ ଧରି ତାଲିକାର ଶୀର୍ଷରେ ନ ଥିଲେ।
ଦ୍ୱିତୀୟ ଦିନିକିଆରେ କୋହଲିଙ୍କ ପ୍ରଦର୍ଶନ ଖରାପ ଥିଲା, ମାତ୍ର ୨୩ ରନ କରିଥିଲେ। ଏହି କମ ସ୍କୋର ସିଧାସଳଖ ତାଙ୍କ ରାଙ୍କିଙ୍ଗକୁ ପ୍ରଭାବିତ କରିଥିଲା, ଯାହା ତାଙ୍କର ନମ୍ବର ୱାନ ସ୍ଥାନକୁ ବିପଦରେ ପକାଇଥିଲା।
ନ୍ୟୁଜିଲାଣ୍ଡର ଡାରିଲ ମିଚେଲ ବର୍ତ୍ତମାନ ଜବରଦସ୍ତ ଫର୍ମରେ ଅଛନ୍ତି। ପ୍ରଥମ ଦିନିକିଆରେ ସେ ଦ୍ରୁତ ୮୪ ରନ କରି ରାଙ୍କିଙ୍ଗ୍ରେ ଏକ ଗୁରୁତ୍ୱପୂର୍ଣ୍ଣ ଉନ୍ନୀତ ହୋଇଥିଲେ। ତା’ପରେ, ଦ୍ୱିତୀୟ ଦିନିକିଆରେ, ମିଚେଲ ଅପରାଜିତ ୧୩୧ ରନ କରି ଭାରତର ବୋଲରମାନଙ୍କୁ ସମ୍ପୂର୍ଣ୍ଣ ଭାବରେ ଧରାଶାୟୀ କରିଥିଲେ। ଏହି ଇନିଂସ ତାଙ୍କୁ ରାଙ୍କିଙ୍ଗରେ ବିରାଟ କୋହଲିଙ୍କଠାରୁ ମାତ୍ର ଗୋଟିଏ ପଏଣ୍ଟ ପଛରେ ପକାଇ ଦେଇଥିଲା।
କୋହଲିଙ୍କ ୭୮୫ ରେଟିଂ ପଏଣ୍ଟ ଅଛି। ସେହିପରି ୭୮୪ ପଏଣ୍ଟ ଅଛି। ଏହାର ଅର୍ଥ କେବଳ ଗୋଟିଏ ପଏଣ୍ଟର ପାର୍ଥକ୍ୟ। ତୃତୀୟ ଦିନିକିଆ ନିର୍ଣ୍ଣୟ କରିବ ଯେ ପରବର୍ତ୍ତୀ ନମ୍ବର-ୱାନ ବ୍ୟାଟ୍ସମ୍ୟାନ କିଏ ହେବେ।
ଏହି ରାଙ୍କିଙ୍ଗ ଅପଡେଟ୍ରେ ପୂର୍ବତନ ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ଏକ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ସେ ଦୁଇ ସ୍ଥାନ ଖସି ତୃତୀୟ ସ୍ଥାନରେ ପହଞ୍ଚିଛନ୍ତି।
Dharitri – Odisha’s No.1 Odia Daily
