ନୂଆଦିଲ୍ଲୀ,୧୧।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ପରୀକ୍ଷା ପେ ଚର୍ଚ୍ଚା’ କାର୍ଯ୍ୟକ୍ରମରେ ପିଲାମାନଙ୍କ ମାତାପିତାଙ୍କୁ ବିଶେଷ ପରାମର୍ଶ ଦେଇଥିଲେ। ପ୍ରଧାନମନ୍ତ୍ରୀ କହିଥିଲେ, ମାତାପିତାମାନେ ସେମାନଙ୍କ ଇଚ୍ଛା ପିଲାମାନଙ୍କ ଉପରେ ଲଦିବା ଉଚିତ୍ ନୁହେଁ। ପିଲାଟି ପ୍ରତ୍ୟେକ କ୍ଷେତ୍ରରେ ଭଲ ହେବା ଜରୁରୀ ନୁହେଁ। ପ୍ରତ୍ୟେକ ପିଲା ବିଭିନ୍ନ କ୍ଷେତ୍ରରେ ଭଲ। ଏହି ସମୟରେ ପ୍ରଧାନମନ୍ତ୍ରୀ ମୋଦି ମହାନ କ୍ରିକେଟର ସଚିନ ତେନ୍ଦୁଲକରଙ୍କ ଉଦାହରଣ ଦେଇ କହିଥିଲେ ଯେ, ସଚିନ ଖେଳରେ ଭଲ କିନ୍ତୁ ପାଠପଢ଼ାରେ ଭଲ ନୁହଁନ୍ତି। ଭାରତର କିଛି ସକ୍ରିୟ କ୍ରିକେଟରଙ୍କ ଅଚନ୍ତି,ଯେଉଁମାନେ ବହୁତ କମ ଶିକ୍ଷିତ, କିନ୍ତୁ ସେମାନଙ୍କର କୋଟି କୋଟି ଟଙ୍କାର ସମ୍ପତ୍ତି ଅଛି ଏବଂ ସେମାନେ ଆଜି ଏକ ବିଳାସପୂର୍ଣ୍ଣ ଜୀବନଯାପନ କରନ୍ତି।
ଶୁଭମନ ଗିଲ
ଶୁଭମନ ଗିଲ ଭାରତୀୟ ଏକଦିବସୀୟ ଦଳର ଉପ-ଅଧିନାୟକ। ଗିଲ ମୋହାଲିର ମାନବ ମଙ୍ଗଳ ସ୍ମାର୍ଟ ସ୍କୁଲରୁ ମାଟ୍ରିକ ପାସ କରିଥିଲେ। ତଥାପି, ସେ କଲେଜ ଶିକ୍ଷା ହାସଲ କରିପାରି ନ ଥିଲେ। ଗିଲ ଆଜି ୩୨ ରୁ ୩୪ କୋଟି ଟଙ୍କାର ସମ୍ପତ୍ତିର ମାଲିକ।
ହର୍ଷିତ ରାଣା
ଦ୍ରୁତ ବୋଲର ହର୍ଷିତ ରାଣା ସଦ୍ୟତମ ଭାବରେ ଟିମ ଇଣ୍ଡିଆ ପାଇଁ ତିନୋଟି ଫର୍ମାଟରେ ଡେବ୍ୟୁ କରିଛନ୍ତି। ଆଇପିଏଲରେ କେକେଆର ପାଇଁ ଖେଳୁଥିବା ହର୍ଷିତ ରାଣାଙ୍କ ସମ୍ପତ୍ତି ପ୍ରାୟ ୫ କୋଟି ଟଙ୍କା।
ବିରାଟ କୋହଲି
ସାରା ବିଶ୍ୱ ବିରାଟ କୋହଲିଙ୍କ ପାଇଁ ପାଗଳ। ‘କିଙ୍ଗ’ ଭାବରେ ପ୍ରସିଦ୍ଧ ବିରାଟ କୋହଲି କେବଳ ଦ୍ୱାଦଶ ପର୍ଯ୍ୟନ୍ତ ପାଠ ପଢ଼ିଛନ୍ତି। କିନ୍ତୁ ତାଙ୍କୁ କେବଳ ଭାରତରେ ନୁହେଁ ବରଂ ବିଶ୍ୱର ସବୁଠାରୁ ଧନୀ କ୍ରିକେଟରଙ୍କ ମଧ୍ୟରେ ଗଣନା କରାଯାଏ। କୋହଲିଙ୍କର ମୋଟ ୧୦୫୦ କୋଟି ଟଙ୍କାର ସମ୍ପତ୍ତି ଅଛି।
ରୋହିତ ଶର୍ମା
ଭାରତୀୟ ଅଧିନାୟକ ରୋହିତ ଶର୍ମା କଲେଜ ଅଧ୍ୟୟନ ପାଇଁ ରିଜଭି କଲେଜ ଅଫ ଆର୍ଟସ, ସାଇନ୍ସ ଆଣ୍ଡ କମର୍ସରେ ଆଡମିସନ ନେଇଥିଲେ କିନ୍ତୁ ସେ ତାଙ୍କର ସ୍ନାତକ ସମାପ୍ତ କରିପାରି ନଥିଲେ। ସେ କ୍ରିକେଟ ଉପରେ ଧ୍ୟାନ ଦେଇଥିଲେ ଏବଂ ଆଜି ତାଙ୍କୁ ମହାନ କ୍ରିକେଟରଙ୍କ ମଧ୍ୟରେ ଗଣନା କରାଯାଏ। ରୋହିତଙ୍କ ସମ୍ପତ୍ତି ପ୍ରାୟ ୨୧୪ କୋଟି ଟଙ୍କା।
ହାର୍ଦ୍ଦିକ ପାଣ୍ଡ୍ୟା
ଭାରତର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା କେବଳ ୮ମ ଶ୍ରେଣୀ ପର୍ଯ୍ୟନ୍ତ ପାଠ ପଢ଼ିଛନ୍ତି। କ୍ରିକେଟରେ କ୍ୟାରିଅର କରିବା ପାଇଁ, ସେ ନବମ ଶ୍ରେଣୀରେ ତାଙ୍କ ପାଠପଢ଼ା ଛାଡି ଦେଇଥିଲେ। ଆଜି ହାର୍ଦ୍ଦିକ ଏକ ବିଳାସପୂର୍ଣ୍ଣ ଜୀବନଯାପନ କରୁଛନ୍ତି। ତାଙ୍କର ମୋଟ ସମ୍ପତ୍ତି ପ୍ରାୟ ୯୫ କୋଟି ଟଙ୍କା।
ମହମ୍ମଦ ଶାମି
ଭାରତର ଷ୍ଟାର ବୋଲର ମହମ୍ମଦ ଶାମି ଦଶମ ପର୍ଯ୍ୟନ୍ତ ପାଠ ପଢିଥିଲେ। ଏହା ପରେ ସେ ତାଙ୍କ ପାଠପଢ଼ା ଛାଡି ଦେଇଥିଲେ। ଶାମିଙ୍କ ଏବେ ୪୭ କୋଟି ଟଙ୍କାର ମାଲିକ।
ଯଶସ୍ବୀ ଜୟସ୍ବାଲ
ଉତ୍ତର ପ୍ରଦେଶର ଭାଦୋହିର ଏକ ଗାଁରେ ଜନ୍ମିତ ଯଶସ୍ବୀ ଜୟସ୍ବାଲ ତାଙ୍କର ପ୍ରାଥମିକ ଶିକ୍ଷା ଗାଁରେ ହିଁ କରିଥିଲେ। ଏହା ପରେ ସେ ତାଙ୍କ ପରିବାର ସହିତ ମୁମ୍ବାଇ ଆସିଥିଲେ। ଜୟସ୍ବାଲ ମଧ୍ୟ ବହୁତ ଶିକ୍ଷିତ ନୁହଁନ୍ତି। କିନ୍ତୁ ତାଙ୍କର କୋଟି କୋଟି ଟଙ୍କାର ସମ୍ପତ୍ତି ଅଛି। ତାଙ୍କର ୧୬ କୋଟି ଟଙ୍କାର ସମ୍ପତ୍ତି ଅଛି।
