ଶ୍ରୀନଗର,୨୮।୮: ଆଗକୁ ଜମ୍ମୁ କଶ୍ମୀର ନିର୍ବାଚନ ଥିବାବେଳେ କଂଗ୍ରେସ ଏବଂ ନ୍ୟାଶନାଲ ପ୍ରୋଗେସିଭ୍ ଦଳ ମେଣ୍ଟ କରିବାକୁ ନିଷ୍ପତ୍ତି ଦେଇଛନ୍ତି। ତେବେ ଏହାକୁ ନେଇ ଦଳ ଭିତରେ ବିବାଦ ଦେଖାଯାଇଛି। ନ୍ୟାଶନାଲ ପ୍ରୋଗେସିଭ୍ର ଅସନ୍ତୋଷ ନେତାମାନେ ସ୍ବାଧୀନ ପ୍ରାର୍ଥୀ ଭାବେ ନାମାଙ୍କନପତ୍ର ଦାଖଲ କରିଛନ୍ତି। ଶବୀର ଅହମ୍ମଦ କୁଲେ ଶୋପିୟାରୁ ନାମାଙ୍କନ ଦାଖଲ କରିଥିବାବେଳେ ଡକ୍ଟର ଗୁଲାମ ନବୀ ଭଟ ତ୍ରାଲ ବିଧାନସଭା ନିର୍ବାଚନମଣ୍ଡଳୀରୁ ନାମାଙ୍କନପତ୍ର ଦାଖଲ କରିଛନ୍ତି।
ନାମାଙ୍କନପତ୍ର ଦାଖଲ କରିବା ପରେ ଶବୀର କହିଛନ୍ତି, ଗତ ନିର୍ବାଚନ ପରେ ଏନସି ତାଙ୍କ ସହ ଯୋଗାଯୋଗ କରିଥିଲା। ଏବଂ ଆସନ୍ତା ନିର୍ବାଚନରେ ଦଳ ତାଙ୍କୁ ଟିକେଟ ଦେବେ ବୋଲି ପ୍ରତିଶ୍ରୁତି ଦେଇଥିଲା। ନିକଟରେ ଅନୁଷ୍ଠିତ ବିଧାନସଭା ନିର୍ବାଚନ ସମୟରେ ସେ ଏନସି ସହ ଅଲଗା ହୋଇଥିଲେ, କିନ୍ତୁ ପୁଣି ତାଙ୍କୁ ପ୍ରତିଶ୍ରୁତି ମିଳିବାରୁ ସେ ଦଳରେ ଯୋଗ ଦେଇଥିଲେ।
ଯେହେତୁ ଦଳ ଏହାର ପ୍ରତିଶ୍ରୁତି ପାଳନ କରିପାରୁ ନାହିଁ, ତେଣୁ ସେ ସ୍ବାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଛନ୍ତି। ଏଥିପାଇଁ ନାମାଙ୍କନପତ୍ର ଦାଖଲ କରିଛି ବୋଲି ସେ କହିଛନ୍ତି।
ଏନସି ନିର୍ବାଚନମଣ୍ଡଳୀର ତ୍ରାଲର ପ୍ରଭାରୀ ଡ. ଗୁଲାମ ନବୀ ଭଟ କହିଛନ୍ତି, ସେ ଜଣେ ସ୍ବାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ, କିନ୍ତୁ ସେ ଦଳରୁ ଇସ୍ତଫା ଦେବେ ନାହିଁ। ଏହା ଆମର ଦଳ, ଆମେ ଏଥିପାଇଁ ଅନେକ ବଳିଦାନ ଦେଇଛୁ, କିନ୍ତୁ ଦଳର ନିଷ୍ପତ୍ତି ବିରୋଧରେ ଆମେ ପ୍ରତିଦ୍ୱନ୍ଦ୍ୱିତା କରିବୁ।
