ଖଇରା,୨୧ା୮(ଉତ୍କଳବନ୍ଧୁ ପଣ୍ଡା):ବାଲେଶ୍ୱର ଜିଲା ଖଇରା ବ୍ଲକ ଅଧୀନ ବିଭିନ୍ନ ଗଁାରେ ଅବାଧ ନିଶା କାରବାର ଚାଲିଥିବା ଅଭିଯୋଗ ହେଉଛି। ସଞ୍ଜ ନଇଁଲେ ଖୋଲୁଛି ନିଶା ପସରା। ପାନ, ତେଜରାତି ଦୋକାନରେ ଦେଶୀ ବିଦେଶୀ ମଦ ସାଙ୍ଗକୁ ଅନ୍ୟାନ୍ୟ ନିଶା ସାମଗ୍ରୀ ସହଜରେ ଉପଲବ୍ଧ ହେଉଛି। ଅନେକ ଛୋଟ ପିଲାଠାରୁ ବୁଢ଼ା ପର୍ଯ୍ୟନ୍ତ ଏହାର କବଳିତ ହେଉଛନ୍ତି। ସନ୍ଧ୍ୟା ଘଣ୍ଟ ବାଜିଲେ ଝିଅ ବୋହୂ ଘରୁ ବାହାରିବା ମୁସ୍କିଲ ହୋଇପଡୁଛି। ଦୋକାନ ସଂଖ୍ୟା ବଢ଼ିବା ଅନୁପାତରେ ଘରୋଇ ହିଂସା ମଧ୍ୟ ବଢ଼ି ଚାଲିଛି। ନିକଟରେ ଖଇରାରେ ଏକ ଅବକାରୀ ବିଭାଗ କାର୍ଯ୍ୟାଳୟ ଖୋଲିଥିଲେ ମଧ୍ୟ କର୍ମଚାରୀମାନେ କାର୍ଯ୍ୟାଳୟ ଭିତରୁ ତାଲା ଦେଇ ଫ୍ୟାନ ପବନ ତଳେ ନିଘୋଡ଼ ନିଦରେ ଶୋଇବା ବେଆଇନ ମଦ ବିକ୍ରେତାମାନଙ୍କ କାରବାରକୁ ଅଧିକ ପ୍ରୋତ୍ସାହିତ କରୁଥିବା ଅଭିଯୋଗ ହେଉଛି। ୨ କର୍ମଚାରୀ ଏଭଳି ଶୋଇ ରହିବା ଭିଡିଓ ଏବେ ଭାଇରାଲ ହେବାରେ ଲାଗିଛି। ତୁରନ୍ତ ଏଭଳି ବେଆଇନ ମଦ କାରବାରକୁ ବନ୍ଦ କରା ନ ଗଲେ ଅତିଷ୍ଠ ଖଇରାବାସୀ ରାଜାରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।
ପୂର୍ବରୁ ଖଇରା କାର୍ଯ୍ୟାଳୟ ସୋରରେ ଚାଲୁଥିବା ବେଳେ ସୋରରୁ ଏକ ଟିମ୍ ପ୍ରାୟ ପ୍ରତ୍ୟେକ ଦିନ ଆସି ଧରପଗଡ଼ କରିବା ସହ ବ୍ୟାପକ ପରିମାଣର ମଦ ଜବତ କରୁଥିଲେ। ୨ବର୍ଷ ତଳେ ଖଇରା ଅର୍ଜୁନପୁରଠାରେ ଭଡ଼ାଘରେ କାର୍ଯ୍ୟାଳୟ ଆରମ୍ଭ ହେବା ପରେ ଖଇରାବାସୀ ଆଶ୍ୱସ୍ତି ଲାଭ କରିଥିଲେ ଯେ, ଗଁା ଗହଳିରେ କଁାଭଁା ଚାଲୁଥିବା ବେଆଇନ ମଦ ବିକ୍ରି ଉପରେ ଅଙ୍କୁଶ ଲାଗିବ। ହେଲେ ଖଇରା ଅଞ୍ଚଳର ଲୋକଙ୍କ ସେଭଳି ଖୁସି ଏବେ ଲୁହରେ ପ୍ରତିଫଳିତ ହେଉଛି। ଛୋଟ ଛୋଟ ପିଲା ନିଶାସକ୍ତ ହୋଇ ଘରକୁ ଫେରିବା ମା’ବାପାଙ୍କ ଆଖିରୁ ନିଦ ହଜାଇ ଦେଇଛି। ୨ବର୍ଷ ମଧ୍ୟରେ ୩୭ ପଞ୍ଚାୟତର ଗଁାଗହଳିର ଚିତ୍ର ଅନୁଧ୍ୟାନ କଲେ ଏବେ ଛୋଟ ବଡ଼ ୧ହଜାରରୁ ଅଧିକ ଦୋକାନ ଚାଲୁଛି। ବିଭାଗୀୟ କର୍ମଚାରୀ କଁାଭଁା ମଝିରେ ଝଲକ ଦେଖାଇବାକୁ ଛୋଟ ଛୋଟ ବ୍ୟବସାୟୀଙ୍କୁ ଧରି ଜେଲରେ ପୁରାଉଛନ୍ତି। ନିକଟରେ ଗଗନଧୂଳୀ ପଞ୍ଚାୟତର ମଛଦା ଗ୍ରାମରେ ଏଭଳି ଏକ ଘଟଣାକୁ ନେଇ ଏବେ ବି ଅସନ୍ତୋଷ କୁହୁଳୁଛି ା କିଛି ବିହାରୀ ବିକ୍ରେତା ଓଡ଼ିଆ କର୍ମଚାରୀଙ୍କୁ ହାତବାରିସି କରି ଏହିଭଳି କାରବାରର କାୟା ବିସ୍ତାର କରୁଛନ୍ତି ା କୁରୁଣ୍ଟା,ସାରଡାଙ୍ଗ, ଅଲିପୁର, ହନ୍ନବାବୀ,ପତିରାଜପୁର ଭଳି ଶାନ୍ତିପ୍ରିୟ ଅଞ୍ଚଳଗୁଡ଼ିକରେ ଏବେ ପ୍ରତ୍ୟେହ ହିଂସା ଲାଗି ରହୁଥିବା ବେଳେ ଏଥିପାଇଁ ନିଶା ମୁଖ୍ୟ କାରଣ ବୋଲି କୁହାଯାଉଛି। ଏବେ ଖଇରାର କିଛି ଯୁବ ଗୋଷ୍ଠୀ ଚରସ,ହେରୋଇନ ବ୍ୟବସାୟ ଆରମ୍ଭ କରିଥିବା ବେଳେ ବିଳମ୍ବିତ ରାତିରେ ଗଁାଗଁାରେ ପଶି କଲେଜ ପଢୁଆ ପିଲାମାନଙ୍କୁ ନିଜ ଅଧୀନକୁ ନେବାକୁ ପ୍ରୟାସ ଆରମ୍ଭ କରୁଥିବା ଅଭିଯୋଗ ହୋଇଛି। ଭାଇରାଲ୍ ଭିଡିଓ ସମ୍ପର୍କରେ ଅବକାରୀ ଏସ୍ପି ସୁଶାନ୍ତ ପାଢ଼ୀଙ୍କୁ ଯୋଗାଯୋଗ କରିବାରେ ସେ ଏହାର ଯାଞ୍ଚ କରି ପଦକ୍ଷେପ ନେବେ ବୋଲି କହିଛନ୍ତି ା
