ଭଦ୍ରକ/ବାସୁଦେବପୁର, ୩।୧୧(ସନାତନ ରାଉତ) (ନାରାୟଣ ବାରିକ): ଭଦ୍ରକ ଜିଲା ଚାନ୍ଦବାଲି ବ୍ଲକ କଇଁଥଖୋଲା ନିକଟରେ ଶନିବାର ରାତିରେ ଗୁଳି କାଣ୍ଡ ହୋଇଛି। ଗୁଳିମାଡ଼ରେ ଜଣେ ଯୁବକ ଗୁରୁତର ହୋଇଛନ୍ତି l
ସୂଚନା ମୁତାବକ, ଧାମରା- କଇଁଥଖୋଲା ରାସ୍ତାର କିଶୋରପ୍ରସାଦ ଛକ ନିକଟରେ ୨ ଟି ବାଇକରେ ୫ ଜଣ ଯୁବକ ଆସିଥିଲେ । ରାତିରେ କିଶୋରପ୍ରସାଦର ରାଜେନ୍ଦ୍ର ମହାପାତ୍ର (୪୦) ଉକ୍ତ ଛକରେ ଠିଆ ହୋଇଥିଲେ। ସନ୍ଦେହ ହେବାରୁ ରାଜେନ୍ଦ୍ର ଏଠାରେ କାହିଁକି ଠିଆ ହୋଇଛ ବୋଲି ପଚାରିଥିଲେ। ଏହାପରେ ସେମାନଙ୍କ ମଧ୍ୟରୁ ଜଣେ ରାଜେନ୍ଦ୍ରଙ୍କ ମୁଣ୍ଡକୁ ଗୁଳି କରିଥିଲା । ଗୁଳି ରାଜେନ୍ଦ୍ରଙ୍କ ମୁହଁରେ ପଶି ବାହାରି ଯାଇଥିଲା । ପରେ ଦୁର୍ବୁତ୍ତ ମାନେ ସେଠାରୁ ଫେରାର ହୋଇଯାଇଥିଲେ।ସ୍ଥାନୀୟ ଲୋକେ ତାଙ୍କ ପରିବାର ଲୋକଙ୍କୁ ଖବର ଦେବା ସହ ଗୁରୁତର ଅବସ୍ଥାରେ ରାଜେନ୍ଦ୍ରଙ୍କୁ ପ୍ରଥମେ ବାସୁଦେବପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଅଧିକ ରକ୍ତସ୍ରାବ କାରଣସ୍ରୁ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି l ତାଙ୍କର ସ୍ବାସ୍ଥବସ୍ଥା ଭଲ ଥିବା ଧାମରା ଥାନାଧିକାରୀ ସୋଭେନ ସ୍ବାଇଁ କହିଛନ୍ତି।
