ପାପଡ଼ାହାଣ୍ଡି/ମୈଦଲପୁର,୪।୮(ଡି.ଏନ୍.ଏ.): ନବରଙ୍ଗପୁର ଜିଲା ପାପଡ଼ାହାଣ୍ଡି ବ୍ଲକ ସାନବାର୍ଲି ପଞ୍ଚାୟତ ବଡ଼ବାର୍ଲି ଗ୍ରାମରେ ଗୁରୁବାର ଜଣେ ଯୁବକଙ୍କ ଝୁଲନ୍ତା ମୃତଦେହ ଜବତ କରାଯାଇଛି। ତାଙ୍କ ନାମ ମାଲିଙ୍ଗ ଜାନି । ସେ ତାଙ୍କ ବୃଦ୍ଧ ବାପାଙ୍କ ସହ ରହୁଥିଲେ। ଗାଁ ନିକଟ ତେନ୍ତୁଳିଗଛରୁ ମୃତଦେହ ଦେଖି ତାଙ୍କ ବାପା ସନୁ ଥାନାରେ ଏତଲା ଦେବା ପରେ ଥାନାଧିକାରୀ ରାମେଶ୍ୱର ପ୍ରଧାନ, ଏଏସ୍ଆଇ ଲାବଣ୍ୟ ବିମଲ, ଏଏସ୍ଆଇ ଡି.ଦେବୀ କୁମାର ସେଠାରେ ପହଞ୍ଚତ୍ ମୃତଦେହ ଜବତ କରିଛନ୍ତି। କେସ୍ ନମ୍ବର ୧୧/୨୨ରେ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ପଠାଇଛନ୍ତି। ସ୍ତ୍ରୀ ଛାଡ଼ି ଚାଲିଯିବା ଓ ଗତ ବର୍ଷ ମା’ ଙ୍କୁ ହରାଇବା ପରେ ମାଲିଙ୍ଗଙ୍କ ମାନସିକ ଅବସ୍ଥା ଠିକ୍ ନ ଥିଲା। ମାନସିକ ଭାରସାମ୍ୟ ହରାଇ ସେ ବେକରେ ଦୌଡ଼ି ଦେଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି।
