ନୂଆଦିଲ୍ଲୀ,୬।୮: ଆମେରିକା ନୂଆ ଫେସିଆଲ ରିକଗ୍ନିଶନ ଆଇନ ଲାଗୁ କରିବାକୁ ଯାଉଛି। ଏ ସଂକ୍ରାନ୍ତ ବିଲ୍ ସିନେଟରେ ପାସ୍ ହେବ ବୋଲି ଜଣାପଡିଛି। କମ୍ପାନୀ ଏବଂ ବ୍ୟକ୍ତିବିଶେଷ କରୁଥିବା ଫେସିସିଆଲ ରିକଗ୍ନିକଶନ ଟେକ୍ନୋଲୋଜିର ବେଆଇନ ବ୍ୟବହାର ଉପରେ ଏଥିରେ କଟକଣା ଲାଗିବ। ବ୍ୟକ୍ତିବିଶେଷଙ୍କ ଅନୁମତି ବିନା କେହି ଫେସିଆଲ ଟେକ୍ନୋଲୋଜି ବ୍ୟବହାର କରିପାରିବେ ନାହିଁ ବୋଲି ଏହି ବିଲ୍ରେ ଉଲ୍ଲେଖ ରହିଛି। ଫେସିଆଲ ରିକଗ୍ନିଶନ ଟେକ୍ନୋଲୋଜିରେ ମୁହଁର ସ୍କାନ କରିବା ଆଗରୁ ଲୋକଙ୍କର ଅନୁମତି ନେବାକୁ ବାଧ୍ୟତାମୂଳକ କରାଯିବ। କମ୍ପାନୀଗୁଡିକ ଏହାକୁ ନିଜ ମନ ମୁତାବକ କରିପାରିବେ ନାହିଁ। ଏଭଳି ଘଟଣା ପୂର୍ବରୁ ଦେଖାଯାଇଛି। ଲୋକଙ୍କର ଅନୁମତି ନ ନେଇ ମୁହଁର ସ୍କାନ୍ ସମେତ ଅନ୍ୟ ଡାଟାର ବେଆଇନ ବ୍ୟବହାର ମଧ୍ୟ ହୋଇଛି। ଏହାକୁ ଧ୍ୟାନରେ ରଖି ନୂଆ ବିଲ୍ ଆସୁଛି। ନୂଆ ଆଇନ କାର୍ଯ୍ୟକାରୀ ହେଲେ ଲୋକଙ୍କର ବାୟୋମେଟ୍ରିକ ଆଇଡେଣ୍ଟିଫାୟର ଯଥା-ଫେସ୍ ଆଇଡି, ଫିଙ୍ଗର ପ୍ରିଣ୍ଟ୍ ଭଳି ତଥ୍ୟକୁ କମ୍ପାନୀଗୁଡିକର ବେଆଇନ ବ୍ୟବହାର ଉପରେ ବ୍ୟାନ୍ ଲାଗିବ। ନ୍ୟାଶନାଲ ବାୟୋମେଟ୍ରିକ ଇନଫରମେଶନ ପ୍ରିଭେସି ଆକ୍ଟ ୨୦୨୦ କାର୍ଯ୍ୟକାରୀ ଏ କ୍ଷେତ୍ରରେ ବିଭିନ୍ନ କଟକଣା ଲାଗିବ ବୋଲି ଜଣାପଡିଛି।
