କେନ୍ଦୁଝର,୧୫।୫(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା କେନ୍ଦୁଝର ବନଖଣ୍ଡ ଅନ୍ତର୍ଗତ ସିତାବିଞ୍ଜ ବସନ୍ତପୁର ରେଲଲାଇନରେ ଗୋଟିଏ ଦନ୍ତା ହାତୀ ରେଳ ଲାଇନ ଅତିକ୍ରମ କରୁଥିବାବେଳେ ଏକ ମାଲବାହୀ ଟ୍ରେନ ଜଖପୁରାରୁ କେନ୍ଦୁଝର ଅଭିମୁଖେ ଆସୁଥିଲା।
କିଲୋମିଟର ନମ୍ବର ୮୦/୧୮-୧୬ ମଧ୍ୟରେ ଡାଉନ ଲାଇନରେ ଏକ ବଡ଼ ଦନ୍ତା ହାତୀ ଟ୍ରାକ ପାର ହେଉଥିବାର ଦେଖି ଟ୍ରେନ ଚାଳକ ଦୀପକ କୁମାର ବାରିକ ଓ ସତ୍ୟରଞ୍ଜନ ସାହୁ ତୁରନ୍ତ ଟ୍ରେନର ହର୍ନ ବଜାଇବା ସହିତ ଜରୁରୀକାଳୀନ ବ୍ରେକ ଲଗାଇ ପ୍ରଥମେ ଟ୍ରେନକୁ ଠିଆ କରାଇଥିଲେ ଏବଂ ହାତୀଟି ନିରାପଦରେ ଜଙ୍ଗଲ ଭିତରକୁ ଯିବା ପର୍ଯ୍ୟନ୍ତ ଅପେକ୍ଷା କରିଥିଲେ। ପରବର୍ତ୍ତୀ ସମୟରେ ଏହି ସଂକ୍ରାନ୍ତୀୟ ସମସ୍ତ ତଥ୍ୟ ଖୋର୍ଦ୍ଧା ରୋଡ଼ ମଣ୍ଡଳର ବସନ୍ତପୁର ଷ୍ଟେଶନରେ ରେଲଚାଳକ ଦ୍ୱୟ ଲିଖିତ ଜଣାଇଥିଲେ। ରେଲଚାଳକଙ୍କ ଉପସ୍ଥିତ ଜରୁରୀ କାର୍ଯ୍ୟ ପାଇଁ ଦନ୍ତାହାତୀ ସୁରକ୍ଷିତ ଜଙ୍ଗଲକୁ ଯାଇଥିବାରୁ ସ୍ଥାନୀୟ ଜନସାଧାରଣ ରେଲଚାଳକଙ୍କ କାର୍ଯ୍ୟକୁ ପ୍ରଶଂସା କରିବା ସହିତ ବନ ବିଭାଗ ତରଫରୁ ସେମାନଙ୍କୁ ପୁରସ୍କୃତ କରିବାର ବ୍ୟବସ୍ଥା କଲେ ରେଳକର୍ମୀଙ୍କ ମନରେ ବନ୍ୟପ୍ରାଣୀ ସୁରକ୍ଷା ନିମନ୍ତେ ଆଗ୍ରହ ବୃଦ୍ଧି ପାଆନ୍ତା ବୋଲି ମତ ପୋଷଣ କରିଛନ୍ତି।
Dharitri – Odisha’s No.1 Odia Daily
