ମୁମ୍ବାଇ,୨୩।୧୨: କୋଭିଡ୍ ସଂକ୍ରମଣର ନୂଆ ଭାରିଆଣ୍ଟ ଓମିକ୍ରନ୍ର ଭୟର ବାତାବରଣ ମଧ୍ୟରେ କ୍ରମାଗତ ୨ୟ ଦିନ ପାଇଁ ଶେୟାର ବଜାରରେ ଉସତ୍ାହ ଦେଖାଦେଇଛି। ବିଗତ ଦିନର ବିଭିନ୍ନ କାରଣ ଯୋଗୁ ବର୍ତ୍ତମାନ ସାରା ବିଶ୍ୱ ଏପରିକି ଭାରତ ମଧ୍ୟ ବହୁ ଆଶଙ୍କା ମଧ୍ୟରେ ରହିଛି। ଏଭଳି ସ୍ଥିତିରେ ଗତ ୨ଦିନ ହେବ ଦଲାଲ ଷ୍ଟ୍ରିଟ୍ରେ ଖୁସିର ମାହୋଲ ଦେଖିବାକୁ ମିଳିଥିଲା। ବୈଦେଶିକ ସମସ୍ୟା ସତ୍ତ୍ୱେ ମଧ୍ୟ ୨୨ ଡିସେମ୍ବର ଶେୟାର ବଜାରର କାରବାର ଆରମ୍ଭରୁ ମାନ୍ଦା ରହିଥିଲେ ମଧ୍ୟ ବନ୍ଦ ପ୍ରାୟ ନୀଳରଙ୍ଗରେ ଶେଷ ହୋଇଥିଲା। ଶେୟାର ବଜାରର ସୂଚନା ଅନୁସାରେ ବୁଧବାର ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ) ର ବେଞ୍ଚମାର୍କ ଇଣ୍ଡେକ୍ସ ମୂଲ୍ୟ ୬୧୨ ପଏଣ୍ଟ ବଢି ୫୬,୯୩୧ ଅଙ୍କରେ ବନ୍ଦ ହୋଇଥିଲା। ସେହିଭଳି ନ୍ୟାଶନାଲ ଷ୍ଟକ ଏକ୍ସଚେଞ୍ଜ (ଏନ୍ଏସ୍ଇ) ନିଫ୍ଟିରେ ମଧ୍ୟ ୧୮୫ ଅଙ୍କ ବଢି ୧୬,୯୫୬ ପଏଣ୍ଟରେ କାରବାର ରହିଛି। ମଙ୍ଗଳବାର ଷ୍ଟକ ବଜାର ବନ୍ଦ ହେବା ବେଳକୁ ସେନ୍ସେକ୍ସ ୬୧୧.୫୫ ଅଙ୍କ ଅର୍ଥାତ୍ ୧.୦୯ % ବୃଦ୍ଧି ପାଇ ୫୬୯୩୦.୫୬ ପଏଣ୍ଟରେ ପହଞ୍ଚତ୍ଛି। ସେହିପରି ନିଫ୍ଟିରେ ୧୮୪.୬୦ ଅଙ୍କ ବୃଦ୍ଧି ଘଟିଛି, ଅର୍ଥାତ ୧.୧୦% ବଢି ୧୬,୯୫୫.୪୫ ପଏଣ୍ଟରେ ବନ୍ଦ ହୋଇଛି।
ଦଲାଲ ଷ୍ଟ୍ରିଟ୍ର ବିଏସ୍ଇ ସେନ୍ସେକ୍ସ ସୂଚୀର ଶ୍ରେଷ୍ଠ ୩୦ଟି ଶେୟାର ବଜାର ଷ୍ଟକ୍ ପ୍ରାୟତଃ ଅଭିବୃଦ୍ଧି କରିଛି। ବମ୍ବେ ଷ୍ଟକ୍ ଏକ୍ସଚେଞ୍ଚର ସୂଚନା ଅନୁସାରେ ବଜାଜ ଫାଇନାନ୍ସ ସର୍ବାଧିକ ଲାଭ କରିଥିବା ବେଳେ ଅନ୍ୟ ନିବେଶକମାନେ ମଧ୍ୟ ୨ରୁ୨.୭% ଅଭିବୃଦ୍ଧି କରିଛନ୍ତି। ବିଶେଷକରି ବୁଧବାର ରିଲାଏନ୍ସ, ଭାରତୀ ଏୟାରଟେଲ, ଆଇସିଆଇସିଆଇ ବ୍ୟାଙ୍କ, ଟାଇଟନ୍, ଏଲଆଣ୍ଡଟି, ଆକ୍ସିସ୍ ବ୍ୟାଙ୍କ ଏବଂ ବଜାଜ ଗ୍ରୁପ , ଟିସିଏସ, ଟାଟା ଷ୍ଟିଲ ଭଳି ପ୍ରମୁଖ ନିବେଶକ କମ୍ପାନୀଙ୍କ ଶେୟାର ମୂଲ୍ୟ ବୃଦ୍ଧି ପାଇଥିବା ବେଳେ ନେସ୍ଲେ ଇଣ୍ଡିଆ ଓ ଆଇଟିସି ଭଳି କମ୍ପାନୀର ଶେୟାର ଅଳ୍ପ ପରିମାଣରେ ହ୍ରାସ ପାଇଛି। ସେହିଭଳି ସେକ୍ଟୋରିଆଲ ଇଣ୍ଡେକ୍ସ କଥା କହିବାକୁ ଗଲେ ୨୨ ଡିସେମ୍ବରର ବଜାର କାରବାର ପ୍ରାୟ ସମସ୍ତ ସେକ୍ଟର ମୂଲ୍ୟ ବୃଦ୍ଧି ପାଇଛି। ବିଶେଷକରି ବ୍ୟାଙ୍କ, ଅଟୋ, ଏଫ୍ଏମ୍ଜିସିି, ଆଇଟି,ମେଟାଲ, ଫାର୍ମା, ରାଷ୍ଟ୍ରାୟତ୍ତ ବ୍ୟାଙ୍କ, ଘରୋଇ ବ୍ୟାଙ୍କ, ହେଲ୍ଥ କେୟାର ୟୁନିଟ ଏବଂ ଅଏଲ ଓ ଗ୍ୟାସ୍ ଭଳି ନିବେଶକ କମ୍ପାନୀଗୁଡିକର କାରବାର ଭଲ ହୋଇଥିବା ଜଣାପଡିଛି।
