ମୁମ୍ବାଇ,୯।୧୨: ଓମିକ୍ରନ୍ର ଭୟ ମଧ୍ୟରେ ବୁଧବାର ଦାଲଲ ଷ୍ଟ୍ରିଟ୍ରେ ବେଶ୍ ଉସତ୍ାହ ଦେଖିବାକୁ ମିଳିଛି। ଗୋଟିଏ ପଟରେ ଭାରତୀୟ ରିର୍ଜଭ ବ୍ୟାଙ୍କ (ଆର୍ବିଆଇ) ର ନୂତନ ମୁଦ୍ରାନୀତିକୁ ନେଇ ନିବେଶକମାନେ ଆଶା ଓ ଆଶଙ୍କା ମଧ୍ୟରେ ରହିଛନ୍ତି। ଏହାରି ମଧ୍ୟରେ ମଧ୍ୟ ନିବେଶକଙ୍କ ପାଇଁ ଖୁସି ଖବର ଦାଲଲ ଷ୍ଟ୍ରିଟ୍ରେ ମିଳିଥିଲା। ଉଭୟ ମଙ୍ଗଳ ଓ ବୁଧବାର ଶେୟାର ବଜାର ଉଚ୍ଚା ରହିଛି। ଫଳରେ ବମ୍ବେ ଷ୍ଟକ୍ ବଜାର (ବିଏସ୍ଇ)ର ସୂଚକାଙ୍କ ସେନ୍ସେକ୍ସ ପ୍ରାୟ ୧୦୧୬ ପଏଣ୍ଟ ବୃଦ୍ଧି ପାଇ ୫୮ ହଜାର ଟପିଯାଇଛି। ସେହିପରି ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ (ଏନ୍ଏସ୍ଇ) ସୂଚକାଙ୍କ ନିଫ୍ଟିରେ ମଧ୍ୟ ୨୯୦ ପଏଣ୍ଟରୁ ଅଧିକା ବଢ଼ି ୧୭ ହଜାର ପଏଣ୍ଟ ଉପରେ ରହିଛି। ବିଏସ୍ଇର ସୂଚନା ଅନୁସାରେ ଡିସେମ୍ବର ୮ରେ ସେନ୍ସେକ୍ସ ୧୦୧୬.୦୩ ପଏଣ୍ଟ ବୃଦ୍ଧି ପାଇ ୫୮,୬୪୯.୦୩ ଅଙ୍କରେ ବନ୍ଦ ହୋଇଛି। ସେହିଭଳି ନିଫ୍ଟିର ଇଣ୍ଡେକ୍ସ ମଧ୍ୟ ୨୯୩.୦୫ ଅଙ୍କ ବୃଦ୍ଧି ଘଟି ୧୭,୪୬୯.୭୫ ପଏଣ୍ଟରେ ପହଞ୍ଚତ୍ଛି । ସେନ୍ସେକ୍ସର ଶ୍ରେଷ୍ଠ ୩୦ଟି ଶେୟାର ମଧ୍ୟରୁ ପ୍ରାୟ ସମସ୍ତ ଷ୍ଟକ୍ ନୀଳ ସଙ୍କେତରେ ବନ୍ଦ ହୋଇଥିବା ବେଳେ ବଜାଜର ଉଭୟ ନିବେଶକ ସଂସ୍ଥା ସର୍ବାଧିକ ଲାଭବାନ୍ ହୋଇଛନ୍ତି। ସେହିପରି ଟାଟା ଷ୍ଟିଲ, ଏସ୍ବିଆଇ,ଆଇସିଆଇସିଆଇ ବ୍ୟାଙ୍କ, ମାରୁତି, ସନ୍ ଫାର୍ମା, ଏସିଆନ ପେଣ୍ଟସ, ଭାରତୀ ଏୟାର ଟେଲ୍ ଏବଂ ଆଇଟି କ୍ଷେତ୍ରର ନିବେଶକଙ୍କ ଶେୟାର ମୂଲ୍ୟ ବୃଦ୍ଧି ପାଇଛି।
