ନୂଆଦିଲ୍ଲୀ: ଗତ ୬ ସେସନ ହେବ ଭାରତୀୟ ପୁଞ୍ଜିବଜାରର କାରବାର ଊର୍ଦ୍ଧ୍ୱଗାମୀ ହୋଇ ଚାଲିଥିବା ବେଳେ ମଙ୍ଗଳବାର ଏଥିରେ ସାମାନ୍ୟ ପ୍ରଭାବ ପଡିଛି। ବମ୍ବେ ଷ୍ଟକ୍ ଏକ୍ସଚେଞ୍ଜ(ବିଏସ୍ଇ)ର ସେନ୍ସେକ୍ସ ୧୯.୬୯ ପଏଣ୍ଟ(୦.୦୪%) ନିମ୍ନରେ ରହିବା ଯୋଗୁ ଏହା ୫୧,୩୨୯ ପଏଣ୍ଟ ସ୍ତରକୁ ଖସିଛି। ସୋମବାର ମଧ୍ୟରେ କାରବାର ୪୮୭ ପଏଣ୍ଟ ବଢିବା ଯୋଗୁ ୩୦ ଶେୟାର ବିଶିଷ୍ଟ ସେନ୍ସେକ୍ସ ୫୧,୮୩୫.୮୬ ପଏଣ୍ଟ ସ୍ତର ଛୁଇଁଥିଲା। ହେଲେ କାରବାର ଶେଷ ବେଳକୁ ଏଥିରେ ୧୯.୬୯% ହ୍ରାସ ହୋଇଛି। ସେହିଭଳି ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ(ଏନ୍ଏସ୍ଇ)ର ନିଫ୍ଟି ୬.୫୦ ପଏଣ୍ଟ(୦.୦୪%) ନିମ୍ନରେ ରହିବା ଯୋଗୁ ୧୫,୧୦୯.୩୦ ପଏଣ୍ଟରେ କାରବାର ବନ୍ଦ ହୋଇଛି। ସୋମବାର ନିଫ୍ଟି କାରବାର ୧୫,୨୫୭. ୧୦ ପଏଣ୍ଟ ସ୍ତରରେ ପହଞ୍ଚିଥିଲା। କାରବାର ଶେଷ ବେଳକୁ ଏଥିରେ ପ୍ରଭାବ ପରିଲକ୍ଷିତ ହୋଇଛି।
