ସୋରଡ଼ା,୧୦ା୬(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ଅଞ୍ଚଳରେ ଶନିବାର ଅଘୋଷିତ ବନ୍ଦ ପାଳନ ପରି ଦେଖାଯାଇଛି। ସକାଳୁ ୮ଟାରୁ କଣ୍ଟେଇପଲ୍ଲୀଠାରୁ ସୋରଡ଼ା ରାସ୍ତା ସଂପ୍ରସାରଣ କାମ ପାଇଁ ଗଛକଟା ଚାଲିବାରୁ ବିଦ୍ୟୁତ ବିଭାଗ ପକ୍ଷରୁ ଅପରାହ୍ନ ୧ଟା ପର୍ଯ୍ୟନ୍ତ ବିଦ୍ୟୁତ୍ କାଟ ହୋଇଥିବା ବେଳେ ୪୨ ଡିଗ୍ରୀରେ ଆଜି ସିଝିଥିଲେ ସୋରଡ଼ାବାସୀ। ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁ ବାହାରକୁ ବାହାରିବା ହୋଇ ନ ଥିଲା। ସକାଳ ୯ ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ରାସ୍ତାଘାଟ,ବଜାର,ବ୍ୟାଙ୍କ,ପୋଷ୍ଟ ଅଫିସ,ମେଡିକାଲ ସବୁ ଖାଁ ଖାଁ ଥିଲା। ବାହାର ଯାତ୍ରୀମାନଙ୍କ ଯାତାୟାତ କମ୍ ଥିଲା। ସନ୍ଧ୍ୟାରେ ପବନ ବହିବାରୁ ଲୋକେ ଆଶ୍ୱସ୍ତି ଲାଭ କରିଛନ୍ତି।
