ନୂଆଦିଲ୍ଲୀ,୧୪।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ଭାରତ ବିଭାଜନ ସମୟରେ ଅମାନୁଷିକ ଯନ୍ତ୍ରଣା ଦେଇ ଗତି କରିଥିବା ଲୋକଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ଯେଉଁମାନେ ବିଭାଜନର ଶିକାର ହୋଇଥିଲେ ଏବଂ ପୁନର୍ବାର ଜୀବନ ଆରମ୍ଭ କରିଥିଲେ ସେମାନଙ୍କ ସାହସକୁ ଶ୍ରଦ୍ଧାଞ୍ଜଳି ଅର୍ପଣ କରିବାର ଦିନ। ୧୯୪୭ରେ ଏହି ଦିନ, ବ୍ରିଟିଶ ଉପନିବେଶ ଶାସନ ଭାରତକୁ ବିଭକ୍ତ କଲା, ଯାହା ପରେ ପାକିସ୍ତାନ ରୂପରେ ଏକ ନୂତନ ଦେଶ ଜନ୍ମ ହେଲା।
ପ୍ରଧାନମନ୍ତ୍ରୀ ମୋଦି କହିଛନ୍ତି, ବିଭାଜନ ଭୟାବହତା ସ୍ମୃତି ଦିବସ ଅବସରରେ ଆମେ ଯେଉଁମାନେ ସ୍ମରଣ କରୁଛୁ, ଯେଉଁମାନେ ବିଭାଜନର ଭୟାବହତା ଦ୍ୱାରା ପ୍ରଭାବିତ ହୋଇଥିଲେ ଏବଂ ବହୁତ କଷ୍ଟ ସହିଥିଲେ। ବିଭାଜନ ଦ୍ୱାରା ପ୍ରଭାବିତ ଅନେକ ଲୋକଙ୍କ ଶକ୍ତି ପ୍ରଦର୍ଶନ କରିଛନ୍ତି। ସେମାନଙ୍କର ଜୀବନ ପୁନଃଆରମ୍ଭ କରିଛନ୍ତି ଏବଂ ଅପାର ସଫଳତା ହାସଲ କରିଛି। ଆଜି ମଧ୍ୟ ଆମ ଦେଶରେ ଏକତା ଏବଂ ଭାଇଚାରା ବନ୍ଧନକୁ ରକ୍ଷା କରିବା ପାଇଁ ଆମର ପ୍ରତିବଦ୍ଧତାକୁ ଦୋହରାଇଛୁ।
୧୯୪୭ରେ ଭାରତ ଏବଂ ପାକସ୍ତାନ ବିଭାଜିତ ହୋଇଥିଲେ। ବିଭାଜନ ପରେ ସେଠାରେ ବଡ଼ ଧରଣର ଦଙ୍ଗା ହୋଇଥିଲା, ଯେଉଁ କାରଣରୁ ଲକ୍ଷ ଲକ୍ଷ ଲୋକଙ୍କୁ ବିସ୍ଥାପିତ ହେବାକୁ ପଡିଲା। ଏଥିରେ ଶହ ଶହ ଲୋକ ମଧ୍ୟ ପ୍ରାଣ ହରାଇଥିଲେ। ପ୍ରଧାନମନ୍ତ୍ରୀ ମୋଦି ୨୦୨୧ରେ ଘୋଷଣା କରିଥିଲେ ଯେ, ବିଭାଜନ ସମୟରେ ପ୍ରାଣ ହରାଇଥିବା ଲୋକଙ୍କୁ ସ୍ମରଣ କରିବା ପାଇଁ ପ୍ରତିବର୍ଷ ୧୪ ଅଗଷ୍ଟରେ ‘ବିଭାଜନ ବିଭୀଷିକା ସ୍ମରଣ ଦିବସ’ ପାଳନ କରାଯିବ।
On #PartitionHorrorsRemembranceDay, we recall the countless people who were impacted and greatly suffered due to the horrors of Partition. It is also a day to pay tributes to their courage, which illustrates the power of human resilience. A lot of those impacted by Partition went…
— Narendra Modi (@narendramodi) August 14, 2024
