ବାଲିଗୁଡ଼ା,୪ା୧୦(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡ଼ାସ୍ଥିତ ବୁଡ଼ାଗୁଡ଼ା ଛକରେ ଜଣେ ଯୁବକ ବ୍ରାଉନସୁଗାର ପାଉଚ ବିକ୍ରି କରିବା ପାଇଁ ଗ୍ରାହକକୁ ଅପେକ୍ଷା କରିଥିବା ବେଳେ କୌଣସି ସୂତ୍ରରୁ ବାଲିଗୁଡ଼ା ପୋଲିସ ଖବର ପାଇ ଗ୍ରାହକ ବେଶରେ ଯାଇଥିଲା। ତେବେ ସେଠାରେ ଯୁବକଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଥିବା ଜଣାପଡ଼ିଛି।
ପ୍ରକାଶ ଯେ, ବାଲିଗୁଡ଼ା ନିକଟସ୍ଥ ଦଣ୍ଡପଦର ଗ୍ରାମର ସୁରେନ୍ଦ୍ର ନାୟକ (୨୦) ବୁଡ଼ାଗୁଡା ଛକ ନିକଟରେ ଛିଡ଼ା ହୋଇଥିବା ଖବର ପାଇ ବାଲିଗୁଡ଼ା ଏସ୍ ଆଇ ଆଶୁତୋଷ ପାଇକରାୟ ଗ୍ରାହକ ବେଶରେ ଯାଇ ସୁରେନ୍ଦ୍ରକୁ କାବୁ କରି ତାଙ୍କଠାରୁ ୭୯୦ ଗ୍ରାମର ଏକ ବ୍ରାଉନସୁଗାର ଛୋଟ ପାଉଚ ଜବତ କରିଥିଲେ। ଏ ନେଇ ବାଲିଗୁଡ଼ା ଥାନାରେ କେସ୍ ନଂ ୨୩୧/୨୩ରେ ଏକ ମାମଲା ରୁଜୁ କରି ଏସ୍ଆଇ ହରିଶଙ୍କର ମାଠିଆ ଏହାର ତଦନ୍ତ କରୁଛନ୍ତି।
