ସଙ୍କଟରେ ପେଲେଟ୍‌ ଶିଳ୍ପ

ଭୁବନେଶ୍ୱର,୧୪।୮: ରାଜ୍ୟର ବେନିଫିସିଏଶନ ଏବଂ ପେଲେଟ୍‌ ଶିଳ୍ପ ବର୍ତ୍ତମାନ ଶଙ୍କାକୁଳ ସ୍ଥିତି ଦେଇ ଗତି କରୁଛି। ଇସ୍ପାତ ଶିଳ୍ପ ପାଇଁ ଆବଶ୍ୟକ କଞ୍ଚାମାଲ ଚାହିଦା ମୁତାବକ ଉତ୍ପାଦନ ହୋଇପାରୁନାହିଁ। ଫଳରେ ପେଲେଟ୍‌ ଉତ୍ପାଦନକାରୀ ସଂସ୍ଥାଗୁଡିକ ସ୍ଥାଣୁ ଅବସ୍ଥାକୁ ଆସିଯାଇଛି। ଶିଳ୍ପର କାର୍ଯ୍ୟକଳାପକୁ ଟ୍ରାକ୍‌କୁ ଫେରାଇ ଆଣିବା ଲାଗି ପେଲେଟ୍‌ ମାନୁଫାକ୍‌ଚରର୍ସ ଆସୋସିଏଶନ ଅଫ୍‌ ଇଣ୍ଡିଆ(ପିଏମ୍‌ଏଆଇ)ପକ୍ଷରୁ ଓଡ଼ିଶା ସରକାରଙ୍କ ଖଣି ଓ ଇସ୍ପାତ ବିଭାଗକୁ ଏକ ଚିଠି ଲେଖାଯାଇଛି।
ଏହି ପରିପ୍ରେକ୍ଷୀରେ ପିଏମ୍‌ଏଆଇର ସର୍ବଭାରତୀୟ ଉପସଭାପତି ଡ.ଶୁଭାଶିଷ ଦାସ କହିଛନ୍ତି ଯେ, ରାଜ୍ୟରେ ଥିବା ଖଣିଗୁଡିକ ଜୁଲାଇ ୨୦୨୦ରୁ କାର୍ଯ୍ୟକ୍ଷମ ହୋଇଥିଲେ ମଧ୍ୟ ଇସ୍ପାତ ଭିତ୍ତିକ କଞ୍ଚାମାଲ ଚାହିଦା ମୁତାବକ ବଜାରରେ ଉପଲବ୍ଧ ହୋଇ ପାରୁନାହିଁ। ଫଳରେ ଗତ ୪ ବର୍ଷ ଧରି ଦେବାଳିଆ ଅବସ୍ଥାରେ ଥିବା ଇସ୍ପାତ ଶିଳ୍ପ ଉପରେ ସଙ୍କଟ ସ୍ଥିତି ଉପୁଜିଛି। ଚଳିତ ବର୍ଷ ଜୁଲାଇରେ ୬ ନିୟୁତ ଟନ୍‌ କଞ୍ଚାମାଲ ଆବଶ୍ୟକ ହେଉଥିବା ବେଳେ ମାତ୍ର ୩୩ ହଜାର ଟନ୍‌ କଞ୍ଚାମାଲ ପେଲେଟ୍‌ ଶିଳ୍ପକୁ ଯୋଗାଣ ହୋଇଛି। ପୁରୁଣା ଲିଜ୍‌ଧାରୀ ଖଣିଗୁଡିକ ୨୦୨୦ ସେପ୍ଟେମ୍ବର ପରେ ଆଉ କଞ୍ଚାମାଲ ଯୋଗାଇବାକୁ ସକ୍ଷମ ହେବେ ନାହିଁ। ୨୦୨୦ ମାର୍ଚ୍ଚ ପରେ ନିଲାମ ହୋଇଥିବା ଖଣିଗୁଡିକୁ ଲିଜ୍‌ ପ୍ରଦାନ କରାଯାଇଥିଲେ ମଧ୍ୟ ସେଥିରୁ ଉତ୍ପାଦନ ଆରମ୍ଭ ହୋଇନାହିଁ ବୋଲି ଦାସ ସ୍ପଷ୍ଟ କରିଛନ୍ତି।
ଅପରପକ୍ଷରେ ଅଣ ନିଲାମଧାରୀ ନିଜସ୍ବ ଖଣି କମ୍ପାନୀଗୁଡିକ ଜୁଲାଇ ମାସର ଉତ୍ପାଦନରେ ବୃଦ୍ଧି ଘଟିନାହିଁ। ଫଳରେ ଅଗଷ୍ଟରେ ପେଲେଟ୍‌ ଶିଳ୍ପ ବନ୍ଦ ହେବା ବ୍ୟତୀତ ଅନ୍ୟ କୌଣସି ପନ୍ଥା ନାହିଁ ବୋଲି ଶିଳ୍ପ ସୂତ୍ରରୁ ସୂଚନା ମିଳିଛି। ଚାହିଦା ଏବଂ ଯୋଗାଣରେ ସମାନତା ନ ରହିବାରୁ ଅଣନିଲାମୀ ଖଣି କମ୍ପାନୀଗୁଡିକ ଗତ ୧୫ ଦିନ ମଧ୍ୟରେ କଞ୍ଚାମାଲ ମୂଲ୍ୟରେ ପ୍ରାୟ ୩୫% ବୃଦ୍ଧି କରିସାରିଛନ୍ତି। ଏହା ପେଲେଟ୍‌ ଶିଳ୍ପ ଲାଗି ବୋଝ ସଦୃଶ ହୋଇଛି। ଏହି ସମସ୍ୟାର ସମାଧାନ ଲାଗି ସଂଘ ପକ୍ଷରୁ ରାଜ୍ୟ ସରକାରଙ୍କ ସହଯୋଗ ଲୋଡ଼ାଯାଇଛି। ନୂଆ ଖଣି ଲିଜ୍‌ ପାଇଥିବା କମ୍ପାନୀଗୁଡିକ ମାଇନ୍ସ ଡେଭଲପମେଣ୍ଟ ଆଣ୍ଡ ପ୍ରଡକ୍ସନ ଏଗ୍ରିମେଣ୍ଟ(ଏମ୍‌ଡିପିଏ) ମୁତାବକ ଅଧିକ ପରିମାଣର କଞ୍ଚାମାଲ ବଜାରରେ ଉପଲବ୍ଧ କରାଇବା, ଲିଜ୍‌ଧାରୀ କମ୍ପାନୀଗୁଡିକ ଅଧିକ ପରିମାଣର କଞ୍ଚାମାଲ ବଜାରକୁ ଛାଡ଼ିବା, କଳାବଜାର ରୋକିବା, କଞ୍ଚାମାଲ ଅଭାବ ଦୂରକରିବା ଦିଗରେ ସହଯୋଗ ଉପରେ ସଂଘ ଆଶା ପ୍ରକଟ କରିଛି।
ସରକାର ଏହି ସମସ୍ୟା ସମାଧାନ ନ କଲେ ଶିଳ୍ପର ଅବସ୍ଥା ଶୋଚନୀୟ ହେବ ବୋଲି ଶିଳ୍ପର ପ୍ରତିନିଧିମାନେ ଆଶଙ୍କା କରିଛନ୍ତି। ଏ କ୍ଷେତ୍ରରେ ସରକାର ସର୍ବନିମ୍ନ ୫୦% ଉତ୍ପାଦନ ଏବଂ ରପ୍ତାନି ଉପରେ ଗୁରୁତ୍ୱ ଦେବାକୁ ନିବେଦନ କରାଯାଇଛି। ବର୍ତ୍ତମାନ ଓଡ଼ିଶା ଏବଂ କର୍ନାଟକରେ ଅଧିକାଂଶ ଖଣି ଖୋଲିନାହିଁ। କେତେକ ଖଣିର ଲିଜ୍‌ ମଧ୍ୟ ସମାପ୍ତ ହୋଇଛି। ଲୁହାପଥର ଉତ୍ପାଦନ ହ୍ରାସ ହେଲେ ଏହା ଉପଲବ୍ଧତା ଉପରେ ପ୍ରଭାବ ପକାଇବ। ଏହା ବଜାରର ସଙ୍କଟକୁ ବଢ଼ାଇବା ନେଇ ଶିଳ୍ପ ଶଙ୍କାରେ ରହିଛି। କଞ୍ଚାମାଲ ଉତ୍ପାଦନରେ ସମସ୍ୟାକୁ ଧ୍ୟାନରେ ରଖି ସରକାର ଲୁହାପଥର ଯୋଗାଣ ଏବଂ ଉତ୍ପାଦନ ଉପରେ ଦୃଷ୍ଟିଦେବାକୁ ଶିଳ୍ପ ପକ୍ଷରୁ ନିବେଦନ କରାଯାଇଛି। ଏହା ନ ହେଲେ ସରକାର ପ୍ରାୟ୧୨୦୦ କୋଟି ଟଙ୍କାର ରାଜସ୍ବ ହରାଇପାରନ୍ତି ବୋଲି ଚିଠିରେ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

ମହଙ୍ଗା ହେଉଛି ବିଭିନ୍ନ ସାମଗ୍ରୀ

ନୂଆଦିଲ୍ଲୀ,୯।୪ : କରୋନା ଯୋଗୁ ଟିଭି, ଫ୍ରିଜ, ଔଷଧ ସମେତ ଘରୋଇ ବଜାରରେ ବିଭିନ୍ନ ସାମଗ୍ରୀ ମହଙ୍ଗା ଦେଉଥିବା ଦେଖାଯାଇଛି। ଇଲେକଟ୍ରୋନିକ୍ସ ଶିଳ୍ପରେ କାର୍ଯ୍ୟରତ କମ୍ପାନୀଗୁଡିକ...

ଗ୍ରାମୀଣ ଅର୍ଥ ବ୍ୟବସ୍ଥା ପାଇଁ ବଡ଼ ଚ୍ୟାଲେଞ୍ଜ

  ନୂଆଦିଲ୍ଲୀ,୨୫।୪: ଦେଶର ମୋଟ୍‌ ୧୩୦ କୋଟି ଜନସଂଖ୍ୟା ମଧ୍ୟରୁ ଗ୍ରାମାଞ୍ଚଳରେ ଦୁଇତୃତୀୟାଂଶ ଲୋକ ବସବାସ କରୁଛନ୍ତି। ୨୦୧୬ର ବିମୁଦ୍ରୀକରଣ, ମରୁଡ଼ି ସମେତ ଅନ୍ୟ ସମସ୍ୟା...

ଆସୋଟେକ୍‌ର ନୂଆ ଟାଉନଶିପ ପ୍ରୋଜେକ୍ଟ

ନୂଆଦିଲ୍ଲୀ: ରିୟଲ ଇଷ୍ଟେଟ କମ୍ପାନୀ ଆସୋଟେକ୍‌ ଗ୍ରୁପ୍‌ ପକ୍ଷରୁ ସ୍ଥାନୀୟ ରୁଦ୍ରପୁରଠାରେ ନୂଆ ଟାଉନଶିପ ପ୍ରୋଜେକ୍ଟ ବିକଶିତ କରାଯାଉଛି। କମ୍ପାନୀ ନଭେମ୍ବର ୨୦୧୯ରୁ ଏହାର ଶୁଭାରମ୍ଭ...

ଏମ୍‌ଏସ୍‌ଏମ୍‌ଇଗୁଡ଼ିକର ଚିନ୍ତା ବଢୁଛି

  ନୂଆଦିଲ୍ଲୀ,୨୬।୫: ବର୍ତ୍ତମାନର କ୍ଷତିଗ୍ରସ୍ତ ବଜାର ଏବଂ ନଗଦ ସମସ୍ୟାକୁ ନେଇ ଦେଶର ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ)ଗୁଡ଼ିକ ବର୍ତ୍ତମାନ ଚିନ୍ତାରେ ରହିଛନ୍ତି। ଗୋଟିଏ...

ମଦ ଡେଲିଭରି ଦେବେ ଆମାଜନ, ବିଗ୍‌ ବାସ୍କେଟ

କଲିକତା,୨୦।୬: ପ୍ରମୁଖ ଇ-କମର୍ସ କମ୍ପାନୀ ଆମାଜନ ଏବଂ ବିଗ୍‌ବାସ୍କେଟ ଭାରତରେ ମଦ ଡେଲିଭରି କରିବା ଲାଗି ମଞ୍ଜୁରୀ ଲାଭ କରିଛନ୍ତି। ପ୍ରାଥମିକ ପର୍ଯ୍ୟାୟରେ ପଶ୍ଚିମବଙ୍ଗରେ ଏହି...

ପ୍ଲାଟ୍‌ଫର୍ମ ଟିକେଟ ହେବ ମହଙ୍ଗା

ମୁମ୍ବାଇ: ପ୍ଲାଟ୍‌ଫର୍ମ ଟିକେଟ ମୂଲ୍ୟ ବୃଦ୍ଧି ଦ୍ୱାରା ରାଜସ୍ବ ବଢ଼ାଇବା ଲାଗି ରେଲଓ୍ବେ ଯୋଜନା ରଖିଛି। ଦେଶର ବଛା ବଛା ଷ୍ଟେଶନରେ ପ୍ଲାଟ୍‌ଫର୍ମ ଟିକେଟ ମୂଲ୍ୟ...

ବନ୍ଦେ ଭାରତ ଏକ୍ସପ୍ରେସ ଶୁଭାରମ୍ଭ

ନୂଆଦିଲ୍ଲୀ,୪-୧୦: ଦିଲ୍ଲୀ-କତ୍ରା ମଧ୍ୟରେ ଗଡିବାକୁ ଥିବା ବନ୍ଦେ ଭାରତ ଏକ୍ସପ୍ରେସ ଶୁଭାରମ୍ଭ ହୋଇଛି। ସୌରାଷ୍ଟ୍ର ମନ୍ତ୍ରୀ ଅମିତ ଶାହ ଏବଂ ରେଳମନ୍ତ୍ରୀ ପୀୟୂଷ ଗୋଏଲ,କେନ୍ଦ୍ର ମନ୍ତ୍ରୀ...

ମୋରାଟୋରିୟମ ସୁବିଧା ଦେଲା ବଜାଜ ଫାଇନାନ୍ସ

ଭୁବନେଶ୍ୱର,୨୪।୪: ବଜାଜ ଫାଇନାନ୍ସ ପକ୍ଷରୁ ଏହାର ଗ୍ରାହକଙ୍କ ଲାଗି କୋଭିଡ୍‌-୧୯ ମୋରାଟୋରିୟମ ସୁବିଧା ପ୍ରଦାନ ସମ୍ପର୍କରେ ଘୋଷଣା କରାଯାଇଛି। ଭଲ ଟ୍ରାକ୍‌ ରେକର୍ଡ ଥିବା ଗ୍ରାହକଙ୍କୁ...

Advertisement


Archives

Model This Week