ପୃଥିବୀର ପ୍ରାୟ ୭୧ ପ୍ରତିଶତ ଅଞ୍ଚଳ ଜଳ ଆଚ୍ଛାଦିତ। ସେଥିରୁ ପ୍ରାୟ ୯୭ ପ୍ରତିଶତ ମହାସାଗରରେ ଲୁଣିଆ ପାଣି ରହିଛି। କେବଳ ତିନି ପ୍ରତିଶତ ପାଣି ମଧୁର ଏବଂ ଏହାର ଅଧିକାଂଶ ହିମବାହରେ ସଂରକ୍ଷିତ। ତେବେ ଏମିତି ଏକ ସମୁଦ୍ର ରହିଛି, ଯେଉଁଠି କେହି କେବେ ବୁଡ଼ନ୍ତି ନାହିଁ। ମୃତ ସାଗରକୁ ବିଶ୍ୱର ସବୁଠାରୁ ଲୁଣିଆ ସମୁଦ୍ର ବିବେଚନା କରାଯାଏ। ଏହାର ଲବଣାକ୍ତ ଘନତା ୩୪%। ତଥ୍ୟ ଅନୁସାରେ, ସାଧାରଣ ସମୁଦ୍ର ଜଳ ଅପେକ୍ଷା ଏହା ପ୍ରାୟ ଦଶ ଗୁଣ ଅଧିକ ଲୁଣିଆ। ମୃତ ସାଗରର କୌଣସି ବାହ୍ୟପଥ ନାହିଁ, ଯାହା ଫଳରେ ପ୍ରବାହିତ ପାଣି କେବେ ବାହାରକୁ ଯାଏ ନାହିଁ। ହଜାର ହଜାର ବର୍ଷ ଧରି ଏଥିରେ ଖଣିଜ ପଦାର୍ଥ ଜମା ହୋଇଆସୁଛି। ବିଶ୍ୱର ସବୁଠାରୁ ଲୁଣିଆ ସମୁଦ୍ର, ମୃତ ସାଗର, ପୂର୍ବରେ ଜୋର୍ଡାନ ଏବଂ ପଶ୍ଚିମରେ ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ଅବସ୍ଥିତ।
ବାଷ୍ପୀଭବନ ପାଣିରେ ସୋଡିୟମ କ୍ଲୋରାଇଡ, ମ୍ୟାଗ୍ନେସିୟମ, କ୍ୟାଲସିୟମ ଏବଂ ପୋଟାସିୟମ ପରି ଖଣିଜ ପଦାର୍ଥ ଛାଡୁଥିବାରୁ ଲବଣାକ୍ତତା ବୃଦ୍ଧି ପାଏ। ମୃତ ସାଗରର ଲୁଣିଆ ପାଣି ଅଧିକାଂଶ ସାମୁଦ୍ରିକ ଜୀବଙ୍କ ପାଇଁ ଅନୁପଯୁକ୍ତ। ମାଛ, ଉଦ୍ଭିଦ ଏବଂ ଶୈବାଳ ଏହି କଠୋର ପରିସ୍ଥିତିରେ ବଞ୍ଚି ରହିପାରିବେ ନାହିଁ। ଏହି ସମୁଦ୍ରର ଲବଣାକ୍ତତା କୋଷରୁ ଆର୍ଦ୍ରତା ଶୋଷଣ କରେ। ମୃତ ସାଗରର ବୈଶିଷ୍ଟ୍ୟ ହେଉଛି ଏହାର ପାଣିରେ ଲୁଣର ପରିମାଣ ଏତେ ଅଧିକ ଯେ ଏଥିରେ ଶୋଇଲେ ବି ବୁଡ଼ିଯିବ ନାହିଁ।
Dharitri – The Largest & Most Trusted Odia Daily
