ଟିଟିଲାଗଡ଼,୨୬।୧(ଡି.ଏନ୍.ଏ.): ଟିଟିଲାଗଡ଼ ବ୍ଳକ ଅନ୍ତର୍ଗତ ଖୋଲାଣ ଅମୃତ ସରୋବରରେ ନୌକା ବିହାର ଯୋଜନାକୁ ଗଣତନ୍ତ୍ର ଦିବସ ଅବସରରେ ରାଜ୍ୟ ଜଳସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ ଉଦ୍ଘାଟନ କରିଛନ୍ତ। ବ୍ଲକ ଅନ୍ତର୍ଗତ କୌଣସି ସରୋବରରେ ଏଭଳି ନୌକା ବିହାର ପ୍ରଥମ ଭାବରେ ଆରମ୍ଭ ହୋଇଛି। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ସାହ ଖେଳିଯାଇଛି । ଖୋଲାଣ ସରପଞ୍ଚ ନରେଶ ଅଗ୍ରୱାଲଙ୍କ ଉଦ୍ୟମରେ ସରକାରୀ ଯୋଜନାରେ ବିଶାଳ ଅମୃତ ସରୋବର ସହ ଏହାର ପାଶ୍ୱର୍ର୍ରେ ସ୍ମାର୍ଟ ପାର୍କ, ଓପନ ଜିମ, ୱାକିଙ୍ଗ ଟ୍ରେକ, ସୁବ୍ୟବସ୍ଥିତ ଆଲୋକିକରଣ, ଆମର ଖୋଲାଣ ସେଲ୍ଫି ପଏଣ୍ଟ ଆଦି ବ୍ୟବସ୍ଥା ହେଉଛି। ପୂର୍ବରୁ କେନ୍ଦ୍ରୀୟ ଟିମ୍, ବଲାଙ୍ଗୀର ଜିଲାପାଳଙ୍କ ସହ ଏହି ପୋଖରୀ ଗସ୍ତ ସହ ଉଚ୍ଚମାନର କାର୍ଯ୍ୟ ନେଇ ସରପଞ୍ଚଙ୍କୁ ପ୍ରଂଶସା କରିଥିଲେ। ଜିଲାପାଳ ଚଞ୍ଚଳ ରାଣା ଖୋଦ ବଡିଓ ନବୀନ ଚନ୍ଦ୍ର ନାୟକଙ୍କ ଜରିଆରେ ଏହି ପୋଖରୀ କାର୍ଯ୍ୟ ତଦାରଖ ସହ ଜିଲାର ସରପଞ୍ଚ ମାନଙ୍କୁ ଏଠାକୁ ପରିଦର୍ଶନ ପାଇଁ ପ୍ରଶାସନ ବ୍ୟବସ୍ଥା କରିଥିଲା । ଆଜି ମନ୍ତ୍ରୀଙ୍କ ଦ୍ୱାରା ନୌକା ବିହାର ଯୋଜନା ଉଦ୍ଘାଟନ ଅବସରରେ ବିଡ଼ିଓ ଶ୍ରୀ ନାୟକ, ମନ୍ତ୍ରୀଙ୍କ ପ୍ରତିନିଧି ଅରୁଣ ମିଶ୍ର, ରାଜ୍ୟସଭା ଏମ୍ପି ନିରଞ୍ଜନ ବିଶିଙ୍କ ପ୍ରତିନିଧି ରମେଶ ଅଗ୍ରୱାଲ, ଜିଲା ସରପଞ୍ଚ ସଂଘ ସଭାପତି ବିରବର ସାହୁ, ବିଶିଷ୍ଟ ଶିକ୍ଷାବିତ ବିଶ୍ୱନାଥ ମିଶ୍ର, ପୂର୍ବତନ ଜିଲା ପରିଷଦ ସଭ୍ୟ ସଞ୍ଜୀବ ସାହୁ, ସମାଜସେବୀ ଧ୍ରୁବ ସାହୁ ପ୍ରମୁଖ ଉପସ୍ଥିତ ଥିଲେ l
