ନୂଆଦିଲ୍ଲୀ,୨୮।୨: ଟେଷ୍ଟ ଫର୍ମାଟରେ ଗତ ୨୫ ବର୍ଷ ମଧ୍ୟରେ ଟିମ ଇଣ୍ଡିଆର ଚିତ୍ର ସମ୍ପୂର୍ଣ୍ଣ ବଦଳିଯାଇଛି। ମାର୍ଚ୍ଚ ୭ରୁ ଇଂଲଣ୍ଡ ବିପକ୍ଷରେ ଧର୍ମଶାଳା ଟେଷ୍ଟରେ ଟିମ ଇଣ୍ଡିଆର ଇତିହାସ ସୃଷ୍ଟି କରିବାର ସୁଯୋଗ ରହିଛି। ଯଦି ଟିମ ଇଣ୍ଡିଆ ଧର୍ମଶାଳାରେ ବିଜୟ ହାସଲ କରିବାରେ ସଫଳ ହୁଏ, ତେବେ ଟେଷ୍ଟ କ୍ରିକେଟରେ ଏହା ଭାରତର ୧୭୮ତମ ବିଜୟ ହେବ। ଟିମ ଇଣ୍ଡିଆ ଧର୍ମଶାଳାରେ ୫୭୮ ତମ ଟେଷ୍ଟ ମ୍ୟାଚ ଖେଳିବାକୁ ପ୍ରସ୍ତୁତ।
ତେବେ ଟିମ ଇଣ୍ଡିଆ କେବଳ ୨୦୦୦ ପରେ ଟେଷ୍ଟ ମ୍ୟାଚ ରେ ଅଗ୍ରଗତି କରିଛି। ୨୦୦ ପର୍ଯ୍ୟନ୍ତ ଟେଷ୍ଟରେ ଟିମ ଇଣ୍ଡିଆର ରେକର୍ଡ ବହୁତ ଖରାପ ଥିଲା। ୨୦୦ ଟେଷ୍ଟ ମ୍ୟାଚରେ ଟିମ ଇଣ୍ଡିଆ ୧୧୨ ପରାଜୟର ସମ୍ମୁଖୀନ ହୋଇଥିଲା। ୨୦୦୦ ପର୍ଯ୍ୟନ୍ତ ଟିମ ଇଣ୍ଡିଆ ମାତ୍ର ୬୧ଟି ମ୍ୟାଚ ଜିତିଥିଲା। କିନ୍ତୁ ଏହା ପରେ ଟିମ ଇଣ୍ଡିଆ ଟେଷ୍ଟ ମ୍ୟାଚରେ ବହୁତ ଭଲ ପ୍ରଦର୍ଶନ କରିଥିଲା। ବର୍ତ୍ତମାନ ଟିମ ଇଣ୍ଡିଆ ଟେଷ୍ଟ ମ୍ୟାଚରେ ୧୭୭ଟି ବିଜୟ ହାସଲ କରିଛି। ଟେଷ୍ଟ ମ୍ୟାଚରେ ଭାରତ ୧୭୮ ପରାଜୟର ସମ୍ମୁଖୀନ ହୋଇଛି। ୨୨୨ ମ୍ୟାଚରେ କେଣସି ଫଳାଫଳ ହୋଇନାହିଁ। ଏହି ରେକର୍ଡ ଦର୍ଶାଏ ଯେ ଗତ ୨୫ ବର୍ଷ ମଧ୍ୟରେ ଭାରତ କିପରି ଅଦ୍ଭୁତପୂର୍ବ ଉନ୍ନତି ପ୍ରଦର୍ଶନ କରିଛି।
କେବଳ ଏତିକି ନୁହେଁ, ୨୦୧୨ ପରଠାରୁ ଭାରତ ଘରେ କୌଣସି ସିରିଜ ହାରି ନାହିଁ। ଶେଷ ଥର ପାଇଁ ୨୦୧୨ରେ ଇଂଲଣ୍ଡ ଦ୍ୱାରା ଟିମ ଇଣ୍ଡିଆ ପରାସ୍ତ ହୋଇଥିଲା। କିନ୍ତୁ ଏହା ପରେ ଭାରତ ଏପର୍ଯ୍ୟନ୍ତ ପରାଜୟର ସମ୍ମୁଖୀନ ହୋଇନାହିଁ। ଏହି ଅବଧି ମଧ୍ୟରେ ଟିମ ଇଣ୍ଡିଆ ଅଷ୍ଟ୍ରେଲିଆ ପରି ଏକ ଶକ୍ତିଶାଳୀ ଦଳକୁ ଦୁଇଥର ପରାସ୍ତ କରିଛି।ଦ୍
ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ବରିଷ୍ଠ ଖେଳାଳିଙ୍କ ଅନୁପସ୍ଥିତିତ୍ୱେ ଟିମ ଇଣ୍ଡିଆର ବିଜୟ ଜାରି ରହିଥିଲା। ପ୍ରଥମ ଟେଷ୍ଟରେ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା। ଏହା ପରେ ଟିମ ଇଣ୍ଡିଆ ଏକ ଶକ୍ତିଶାଳୀ ପ୍ରତ୍ୟାବର୍ତ୍ତନ କରି କ୍ରମାଗତ ତିନିଟି ଟେଷ୍ଟରେ ଜିତିଲା। ଧର୍ମଶାଳା ଟେଷ୍ଟ ପୂର୍ବରୁ ମଧ୍ୟ ଭାରତ ପାଞ୍ଚ ଟେଷ୍ଟ ସିରିଜରେ ୩-୧ ଅଗ୍ରଣୀ ହାସଲ କରିଛି।
