ତେଲ ଆଭିବ,୧୯।୧: ଇସ୍ରାଏଲ ଏବଂ ହମାସ ମଧ୍ୟରେ ଚାଲିଥିବା ସଂଘର୍ଷରେ ଶେଷରେ ଏକ ଯୁଦ୍ଧବିରତି ହୋଇଛି। ରବିବାର ଶେଷ ମୁହୂର୍ତ୍ତରେ ଇସ୍ରାଏଲୀ ପ୍ରଧାନମନ୍ତ୍ରୀ ଚେତାବନୀ ଦେଇଥିଲେ ଯେ ହମାସ ବନ୍ଧକଙ୍କ ତାଲିକା ଶେୟାର ନ କରିବା ପର୍ଯ୍ୟନ୍ତ ଯୁଦ୍ଧବିରତି କାର୍ଯ୍ୟକାରୀ ହେବ ନାହିଁ। କିନ୍ତୁ ହମାସ ଏବେ ତିନି ଜଣ ମହିଳା ବନ୍ଧକଙ୍କ ନାମ ପ୍ରକାଶ କରିଛି। ଚୁକ୍ତିନାମା ଅନୁଯାୟୀ, ଏହି ତିନି ଜଣ ବନ୍ଧକଙ୍କୁ ରବିବାର ପ୍ରଥମେ ମୁକ୍ତ କରାଯିବ। ବନ୍ଧକଙ୍କ ତାଲିକା ପ୍ରକାଶ ପାଇବା ପରେ, ଇସ୍ରାଏଲ କହିଛି ଯେ ସ୍ଥାନୀୟ ସମୟ ସକାଳ ପ୍ରାୟ୧୧ଟା୧୫ ରେ ଯୁଦ୍ଧବିରତି କାର୍ଯ୍ୟକାରୀ ହୋଇଛି, ଟାଇମ୍ସ ଅଫ ଇସ୍ରାଏଲ ରିପୋର୍ଟ କରିଛି। ଭାରତୀୟ ସମୟ ଅନୁସାରେ ଅପରାହ୍ନ ୨ଟା ୪୫ ମିନିଟରେ ଅସ୍ତ୍ରବିରତି କାର୍ଯ୍ୟକାରୀ ହୋଇଥିଲା।
ରବିବାର ସକାଳ ୬ଟା୩୦ ରୁ ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧବିରତି କାର୍ଯ୍ୟକାରୀ ହେବାର ଥିଲା। ତଥାପି, ସମୟସୀମା ପୂର୍ବରୁ ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ଘୋଷଣା ଇସ୍ରାଏଲ-ହମାସ ଯୁଦ୍ଧବିରତି ସମ୍ଭବ ହେବ ବୋଲି ଆଶାକୁ ଧୂଳିସାତ୍ କରିଦେଲା। ପ୍ରକୃତରେ, ଇସ୍ରାଏଲୀ ପ୍ରଧାନମନ୍ତ୍ରୀ ନେତାନ୍ୟାହୁ ଏବଂ ଇସ୍ରାଏଲୀ ପ୍ରତିରକ୍ଷା ବାହିନୀ ଉଭୟ କହିଛନ୍ତି ଯେ ଯେପର୍ଯ୍ୟନ୍ତ ହମାସ ଚୁକ୍ତିର ପ୍ରଥମ ପର୍ଯ୍ୟାୟରେ ମୁକ୍ତ ହେବାକୁ ଥିବା ବନ୍ଧକଙ୍କ ତାଲିକା ସେୟାର କରିନାହିଁ ସେପର୍ଯ୍ୟନ୍ତ ଯୁଦ୍ଧବିରତି କାର୍ଯ୍ୟକାରୀ ହେବ ନାହିଁ। ଏହା ପରେ, ହମାସ ଟେଲିଗ୍ରାମରେ ତିନି ଜଣ ଇସ୍ରାଏଲୀ ବନ୍ଧକଙ୍କ ନାମ ଶେୟାର କରିଥିଲା।
ଇସ୍ରାଏଲ ଦ୍ୱାରା ତିନି ଜଣ ମହିଳା ଇସ୍ରାଏଲୀ ବନ୍ଧକଙ୍କୁ ମୁକ୍ତ କରାଯିବ। ସେମାନଙ୍କ ନାମ ହେଉଛି ରୋମି ଗୋନେନ, ଏମିଲି ଡାମରି ଏବଂ ଡୋରନ ଷ୍ଟାଇନବ୍ରେଚର।
