ନିବେଶ ଫେରାଇ ନେଉଛନ୍ତି ଏଫ୍‌ଆଇଆଇ
1:43 pmJune 19, 2022June 19, 2022 / 21

ନୂଆଦିଲ୍ଲୀ, ୧୮ା୬: ଫରେନ୍‌ ଇନ୍‌ଷ୍ଟିଚ୍ୟୁଶନାଲ ଇନ୍‌ଭେଷ୍ଟର୍ସ (ଏଫ୍‌ଆଇଆଇ)ମାନେ ଚଳିତ ବର୍ଷ ଅର୍ଥାତ୍‌ ୨୦୨୨ କ୍ୟାଲେଣ୍ଡର ଇୟରରେ ବର୍ତ୍ତମାନ ସୁଦ୍ଧା ଭାରତୀୟ ବଜାରରୁ ୨ଲକ୍ଷ କୋଟି ଟଙ୍କା ବାହାରକରି ନେଇଛନ୍ତି। ବର୍ତ୍ତମାନ ପର୍ଯ୍ୟନ୍ତ କୌଣସି କ୍ୟାଲେଣ୍ଡର ବର୍ଷରେ ବିଦେଶୀ ନିବେଶକଙ୍କ ଟଙ୍କା ବାହାର କରିବା ହାରରେ ଏହା ସର୍ବାଧିକ। ପୁଞ୍ଜି ବଜାର ଏହି ଚାପକୁ ସାମ୍ନାକରି ପାରୁ ନ ଥିବାରୁ ସେନ୍‌ସେକ୍ସ ନିଜ ଶୀର୍ଷ ଇଣ୍ଡେକ୍ସଠାରୁ ହ୍ରାସ ୧୦,୦୦୦ ଅଙ୍କ ତଳକୁ ଖସି ଆସିଲାଣି। ବିଦେଶୀ ନିବେଶକମାନେ ଗତ ୯ ମାସ ହେଲା ଲଗାତର ଭାବରେ ଭାରତୀୟ ବଜାରରୁ ଟଙ୍କା ଉଠାଣ କରିଚାଲିଛନ୍ତି। କେବଳ ମେ’ ମାସରେ ଏଫ୍‌ଆଇଆଇ ୪୫,୨୭୬ କୋଟି ଟଙ୍କାର ଶେୟାର ବିକ୍ରିକରି ଦେଇଥିବା ବେଳେ ଜୁନ୍‌ ମାସରେ ୧୭ ତାରିଖ ସୁଦ୍ଧା ୨୮,୪୪୫ କୋଟି ଶେୟାର ବିକ୍ରିକରି ସାରିଛନ୍ତି।