ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରଜିର ଅଧ୍ୟକ୍ଷ ମୁକେଶ ଅମ୍ବାନୀଙ୍କ ପରିବାରକୁ ନବଜାତକଙ୍କ ପ୍ରବେଶ ହୋଇଛି। ଏବେ ମୁକେଶ ଏବଂ ନୀତା ଅମ୍ବାନୀ ଜେଜେ ବାପା, ଜେଜେ ମା ହୋଇଯାଇଛନ୍ତି। ମୁକେଶଙ୍କ ପୁତ୍ର ଆକାଶ ଅମ୍ବାନୀ ଏବଂ ବୋହୁ ଶ୍ଲୋକା ମେହେଟ୍ଟା ଗୁରୁବାର ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ମୁକେଶ ଅମ୍ବାନୀ ନବଜାତକ ସହ ଫୋଟୋକୁ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଫଟୋକୋ ରାଜ୍ୟସଭା ସଦସ୍ୟ ଏବଂ ଉଦ୍ୟୋଗପତି ପରିମଳ ନାଥଓ୍ବାନି ନିଜର ଟୁଇଟର ହ୍ୟାଣ୍ଡେଲରେ ମଧ୍ୟ ଶେୟାର କରିଛନ୍ତି। ସୂଚନା ଯୋଗ୍ୟ, ଗତ ବର୍ଷ ମାର୍ଚ୍ଚରେ ଆକାଶ ଏବଂ ଶ୍ଲୋକାଙ୍କର ବିବାହ ହୋଇଥିଲା। ଏହି ୨ ଜଣ ସ୍କୁଲ ଫ୍ରେଣ୍ଡ ରହି ଆସିଛନ୍ତି। ଧୀରୁ ଭାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲରେ ସେମାନେ ଶିକ୍ଷା ଗ୍ରହଣ କରିଛନ୍ତି। ଶ୍ଲୋକା ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସ ଏବଂ ପଲିଟିକାଲ ସାଇନ୍ସରୁ ମାଷ୍ଟର ଡିଗ୍ରୀ ହାସଲ କରିଛନ୍ତି। ବିଜନେସ କ୍ଷେତ୍ର ସହ ସେ ସମାଜ ସେବା କ୍ଷେତ୍ରରେ ମଧ୍ୟ ଜଡିତ ଅଛନ୍ତି। ୨୦୧୫ରେ ସେ କନେକ୍ଟ ଫର ନାମରେ ଏକ ଏନ୍ଜିଓ ଆରମ୍ଭ କରିଥିଲେ। ଏହା ଶିକ୍ଷା, ଖାଦ୍ୟ ଯୋଗାଣ ଏବଂ ଘର ଉପଲବ୍ଧ କରାଇବା ଦିଗରେ କାମ କରୁଛି। ଆକାଶ ଏବଂ ଶ୍ଲୋକାଙ୍କ ପ୍ରିଓ୍ବେଡିଂ ସେଲିବ୍ରେଶନ ସେଣ୍ଟ ମ୍ୟାରିଟ୍ଜରେ ରଖାଯାଇଥିଲା। ଏହା ୩ ଦିନ ଧରି ଚାଲିଥିଲା। ଏଥିରେ ବଲିଉଡ ସମେତ ବହୁ ସେଲିବ୍ରିଟି ଯୋଗ ଦେଇଥିଲେ। ସୂଚନା ଯୋଗ୍ୟ, ମୁକେଶ ଅମ୍ବାନୀଙ୍କର ଆକାଶ ଏବେ ଜିଓରେ ନିର୍ଦ୍ଦେଶକ ଭାବେ ଅବସ୍ଥାପିତ।
