ଅଭିନେତ୍ରୀ ଫ୍ରିଡା ପିଣ୍ଟୋ ଖୁବ୍ଶୀଘ୍ର ମା’ ହେବାକୁ ଯାଉଛନ୍ତି। ଭାବି ସ୍ବାମୀ କୋରୀ ଟ୍ରାନଙ୍କ ସହ ଫଟୋ ଶେୟାର କରି ପ୍ରଶଂସକଙ୍କ ସହ ଏକ ଖୁସି ସେ ଖବର ବାଣ୍ଟିଛନ୍ତି। ଏହି ଖବର ପରେ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି ଏବଂ ସୋସିଆଲ ମିଡିଆରେ ତାଙ୍କୁ ଅଭିନନ୍ଦନ ଜଣାଉଛନ୍ତି।ଶେୟାର ହୋଇଥିବା ଫଟୋ ଗୁଡ଼ିକରେ ଫ୍ରିଡା ପିଣ୍ଟୋଙ୍କ ବେବି ବମ୍ପ ସ୍ପଷ୍ଟ ଦେଖାଯାଉଛି। ସେ କଳା ପୋଷାକରେ ସୁନ୍ଦର ଦେଖାଯାଉଛନ୍ତି। ଫଟୋ ଶେୟାର କରି ଫ୍ରିଡା ଲେଖିଛନ୍ତି, ‘ବେବି ଟ୍ରାନ ଆସୁଛି’। ପ୍ରଥମ ଫଟୋରେ, ଯେଉଁଠାରେ କୋରୀ ଏବଂ ଫ୍ରିଡା କ୍ୟାମେରାକୁ ଦେଖୁଛନ୍ତି ଏବଂ ଦ୍ୱିତୀୟ ଫଟୋରେ ଉଭୟ ପରସ୍ପରର ଆଖିରେ ହଜିଯାଇଥିବା ଦେଖାଯାଉଛି। ଫ୍ରିଡା ଏବଂ ଫଟୋଗ୍ରାଫର କୋରୀ ଟ୍ରାନଙ୍କ ନିର୍ବନ୍ଧ ୨୦୧୯ରେ ହୋଇଥିଲା। ଫ୍ରିଡା ସ୍ଲୁମଡଗ ମିଲିନେୟାର ଫିଲ୍ମରେ ଚିତାକର୍ଷକ ଅଭିନେୟ କରି ସମସ୍ତଙ୍କ ହୃଦୟ ଜିତିଥିଲେ।
