ଘରୋଇ ପୁଞ୍ଜିବଜାର ସବୁଠୁ ମହଙ୍ଗା

ମୁମ୍ବାଇ,୧୪।୧: ବିକଶିତ ବଜାର ମଧ୍ୟରେ ଆମେରିକା ଶେୟାର ବଜାର ବର୍ତ୍ତମାନ ସବୁଠାରୁ ଭଲ କାରବାର କରୁଛି। ସେହିଭଳି ଅଭିବୃଦ୍ଧିଶୀଳ ବଜାରଗୁଡିକର କଥା ବିଚାରକୁ ନେଲେ ଭାରତ ସବୁଠାରୁ ଆଗରେ ରହିଛି। ବିକାଶଶୀଳ ବଜାରଗୁଡିକ ମଧ୍ୟରେ ଭାରତୀୟ ଶେୟାର ବଜାର ସବୁଠୁ ମହଙ୍ଗା ବୋଲି ଏକ ରିପୋର୍ଟରେ ପ୍ରକାଶ ପାଇଛି। ଏହି ବଜାରଗୁଡ଼ିକରେ ଅଧିକ ରିଟର୍ନ ମିଳିବା ଆଶା କମ୍‌ ରହିଛି। ନିବେଶ ଉପରେ ନିବେଶକ ଘାଟା ସହିବାର ଆଶଙ୍କା ମଧ୍ୟ ରହିଛି। ଭାରତର ନ୍ୟାଶନାଲ ଷ୍ଟକ୍‌ ଏକ୍ସଚେଞ୍ଜ ନିଫ୍ଟି ବର୍ତ୍ତମାନ ୨୮.୯୬ର ଫର୍‌ଓ୍ବାର୍ଡ ପିଇ ଉପରେ କାରବାର କରୁଛି। ଫରଓ୍ବାର୍ଡ ପିଇର ଅର୍ଥ ହେଲା ଏହା ଯେତେ ମହଙ୍ଗା ହେବ ବଜାର ସେତେ ମହଙ୍ଗା ହେବ। ଏହାକୁ ପ୍ରାଇସ ଟୁ ଆର୍ନିଂ ବୋଲି କୁହାଯାଇଥାଏ। ଅର୍ଥାତ୍‌ ଶେୟାର ମୂଲ୍ୟ ଏବଂ ଶେୟାର ପିଛା ହେଉଥିବା ହାରାହାରି ଆୟକୁ ଏଥିରେ ବିଚାର କରାଯାଇଥାଏ। ନିଫ୍ଟିର ହାରାହାରି ୫ ବର୍ଷର କାରବାରକୁ ବିଚାରକୁ ନେଲେ ଏହା ୪୮.୫୭% ପ୍ରିମିୟମ (ଅଧିକ ମୂଲ୍ୟ ପ୍ରଦାନ କରି) ଉପରେ କାରବାର କରୁଛି।
ଦ୍ୱିତୀୟ ଥର ଲାଗି ନିଫ୍ଟି ଏଭଳି ମହଙ୍ଗା ହୋଇଛି। ଯେତେବେଳେ ବଜାରରେ କୌଣସି ବଡ ଧରଣର ହ୍ରାସ ଦେଖାଦିଏ ସେତେବେଳେ ଏହା ଏକ ନୂଆ ଉଚ୍ଚ ସ୍ତର ହାସଲ କରିନିଏ। ୨୦୦୮ର ବିଶ୍ୱ ମାନ୍ଦାବସ୍ଥା ଯୋଗୁ ବଜାରରେ ବଡ ଧରଣର ହ୍ରାସ ପରିଲକ୍ଷିତ ହୋଇଥିଲା। ୨୦୦୮ ଜାନୁୟାରୀରୁ ଅକ୍ଟୋବର ମଧ୍ୟରେ ସୂଚକାଙ୍କ ପ୍ରାୟ ୬୦% ଖସିଥିଲା। ୨୦୦୮ର ଆରମ୍ଭରେ ନିଫ୍ଟି ଏହାର ହାରାହାରି ୫ ବର୍ଷର ପିଇର ୪୦% ସ୍ତରରେ କାରବାର କରୁଥିଲା। ଅଭିବୃଦ୍ଧିଶୀଳ ବଜାର ମଧ୍ୟରେ ଥାଇଲାଣ୍ଡ ବର୍ତ୍ତମାନ ୨୦.୩୧% ଫରଓ୍ବାର୍ଡ ପିଇରେ କାରବାର କରୁଛି। ୫ ବର୍ଷରେ ଏହାର ହାରାହାରି ପ୍ରିମିୟମ ୨୨.୪୭% ରହିଛି। ବିକଶିତ ବଜାର ମଧ୍ୟରେ ଆମେରିକାର ନାସ୍‌ଦାକ ୩୩.୮୮ ପିଇରେ କାରବାର କରୁଛି। ୫ ବର୍ଷରେ ଏହାର ହାରାହାରି ପ୍ରିମିୟମ ୩୬.୯୮% ରହିଛି। ଜାପାନର ନିକେଇ ୨୪.୯୬ ଫର୍‌ଓ୍ବାର୍ଡ ପିଇ ସ୍ତରରେ ରହିଥିବା ବେଳେ ୫ ବର୍ଷର ହାରାହାରି ପ୍ରିମିୟମ ୪୨.୧୯% ରହିଛି।
ବଜାର ମହଙ୍ଗା ହୋଇଥିଲେ ମଧ୍ୟ ଶେୟାର ବିକି ବଜାର ଛାଡିବାର ଏହା ସମୟ ନୁହେଁ ବୋଲି ବିଶେଷଜ୍ଞ କୁହନ୍ତି। ଅଧିକ ଭାଲ୍ୟୁଏଶନ ଏକ ଚିନ୍ତାର ବିଷୟ ହୋଇଥାଏ। ମାତ୍ର ନିବେଶକ କେବଳ ଭାଲ୍ୟୁଶନ ଆଧାର ଉପରେ ମାର୍କେଟ ଟାଇମିଂର ଆକଳନ କରିପାରିବେ ନାହିଁ। ନିଫ୍ଟିର ୧୮ ପ୍ରମୁଖ ଶେୟାର ୫ ବର୍ଷର ହାରାହାରି ଭାଲ୍ୟୁଏଶନ ତୁଳନାରେ ୪୦% ଅଧିକ ପ୍ରିମିୟମରେ କାରବାର କରୁଛନ୍ତି। ଏହା ମଧ୍ୟରେ ରିଲାଏନ୍ସ, ଟିସିଏସ୍‌, ଏଚ୍‌ସିଏଲ୍‌ ଟେକ୍ନୋଲୋଜି ଏବଂ ଏଚ୍‌ଡିଏଫ୍‌ସି ଭଳି କମ୍ପାନୀ ରହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନିବେଶକଙ୍କ କ୍ଷତି ୧.୫୬ ଲକ୍ଷ କୋଟି

ନୂଆଦିଲ୍ଲୀ: ବିଶ୍ୱ ବଜାରରେ ପ୍ରଭାବ ଯୋଗୁ ଭାରତୀୟ ପୁଞ୍ଜିବଜାରରେ ନିବେଶକଙ୍କୁ ବୁଧବାର ବୃହତ୍‌ କ୍ଷତି ସହିବାକୁ ପଡିଛି। ନିବେଶକ ୧.୫୬ ଲକ୍ଷ କୋଟି ଟଙ୍କା କ୍ଷତି...

ରିଲାଏନ୍ସର ୨୦% ଅଂଶଧନ କିଣିବ ଆରାମ୍‌କୋ

ସଉଦି ଆରବର ସର୍ବବୃହତ ତୈଳ କମ୍ପାନୀ ସଉଦି ଆରାମ୍‌କୋ ରିଲାଏନ୍ସର ଅଏଲ ଟୁ କେମିକାଲ ବ୍ୟବସାୟରେ ୨୦ ପ୍ରତିଶତ ଅଂଶଧନ କିଣିବ। ଏଥିଲାଗି ସଉଦି କମ୍ପାନୀ...

ଟାରିଫ ବଢାଇବ ଜିଓ

ନୂଆଦିଲ୍ଲୀ,୨୦-୧୧: ଏୟାରେଟେଲ, ଭୋଡାଫୋନ-ଆଇଡିଆ ଲିମିଟେଡ ଡିସେମ୍ବର ୧ରୁ ଟାରିଫ ବଢାଇବା ନେଇ ଘୋଷଣା କରିବା ପରେ ମୁକେଶ ଅମ୍ବାନୀଙ୍କ ମାଲିକାନାରେ ପରିଚାଳିତ ରିଲାଏନ୍ସ ଜିଓ ମଧ୍ୟ...

ବଦଳିଲା ବିମାନ ଯାତ୍ରା ନିୟମ, ଜାଣନ୍ତୁ କାହାକୁ ମିଳିବ ସୁଯୋଗ

ନୂଆଦିଲ୍ଲୀ,୧୨।୭ : ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ବିମାନ ଯାତ୍ରା ସଂକ୍ରାନ୍ତ ନିୟମରେ କିଛି ପରିବର୍ତ୍ତନ କରାଯାଇଛି। ନୂଆ ନିୟମ ମୁତାବକ ବିମାନ ଯାତ୍ରା...

ନୂଆ ବର୍ଷରୁ ଲାଗୁ ହେବ ଏସବୁ ନୂଆ ନିୟମ

ନୂଆଦିଲ୍ଲୀ,୧-୧: ମଙ୍ଗଳବାର ୨୦୧୯ ବର୍ଷ ଲାଗି ଶେଷ ଦିନ। ଏହି ଦିନ କିଛି ନିୟମ ଲାଗି ମଧ୍ୟ ଅନ୍ତିମ ଦିନ ହେବ। ୨୦୨୦ ପହିଲା ବୁଧବାର...

ଜିଡିପି ୬.୫% ଛୁଇଁବା ଆଶା

ନୂଆଦିଲ୍ଲୀ,୧ା୨: ଶୁକ୍ରବାରଠାରୁ ୨୦୨୦-୨୧ ଆର୍ଥତ୍କ ବର୍ଷ ଲାଗି ବଜେଟ ଅଧିବେଶନ ଆରମ୍ଭ ହୋଇଛି। ଏହି ଅବସରରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ସଂସଦରେ ଅର୍ଥନୈତିକ ସର୍ଭେ ରିପୋର୍ଟ...

ରାଷ୍ଟ୍ରାୟତ୍ତ ଉଦ୍ୟୋଗ ମହଙ୍ଗା ଭତ୍ତା ୧୬୪.୯%

  ଭୁବନେଶ୍ୱର,୧।୯: ଦେଶର ଶିଳ୍ପ ଶ୍ରମିକଙ୍କ ଲାଗି ଉଦ୍ଦିଷ୍ଟ ହାରାହାରି ଖାଉଟି ମୂଲ୍ୟସୂଚୀ ଜୁନ୍‌ ମାସରେ ୩୩୨ ପଏଣ୍ଟ ଥିଲା। ଜୁଲାଇରେ ଏହା ୪ ପଏଣ୍ଟ...

ଟ୍ରାକ୍‌କୁ ଫେରିଲା ଶେୟାର ବଜାର; ନିବେଶକଙ୍କୁ ୩.୫୨ ଲକ୍ଷ କୋଟି ଟଙ୍କା ଲାଭ

ନୂଆଦିଲ୍ଲୀ: ଗତ ୬ଦିନ ହେବ ଦେଶର ପୁଞ୍ଜିବଜାରରେ ହ୍ରାସ ଧାରା ଲାଗି ରହିଥିଲା। ଏହି ସମୟ ମଧ୍ୟରେ ନିବେଶକମାନେ ପ୍ରାୟ ୧୧ ଲକ୍ଷ କୋଟି ଟଙ୍କାରୁ...

Advertisement


Archives

Model This Week

Why Dharitri