ଫିରିଙ୍ଗିଆ,୧୫।୩(ବିମଳ ଦିଗାଲ): କନ୍ଧମାଳ ଜିଲା ଫିରିଙ୍ଗିଆ ଅଞ୍ଚଳବାସୀଙ୍କ ଦୁଃଖ ଶୁଣିଛନ୍ତି ରାଜ୍ୟ ସରକାର । ଜିଲ୍ଲାର ଦିତୀୟ ବୃହତ୍ତମ ବ୍ଲକ ଭାବରେ ଜଣାଶୁଣା ଏହି ଫିରିଙ୍ଗିଆ ଅଞ୍ଚଳରେ ଅନେକ ଗାଡିମଟର ରହିଥିବା ବେଳେ ପେଟ୍ରୋଲ ପାଇଁ ଲୋକେ ନାହିଁନଥିବା ଅସୁବିଧା ର ସମ୍ମୁଖୀନ ହେଉଥିଲେ । ଫୁଲବାଣୀ ଠାରୁ ଦାରିଙ୍ଗବାଡି ଓ ଜି ଉଦୟଗିରି ପର୍ଯ୍ୟନ୍ତ ପ୍ରାୟ ଶହେ କିଲୋମିଟର ପର୍ଯ୍ୟନ୍ତ କୌଣସି ପେଟ୍ରୋଲ ପମ୍ପ ନଥିବାରୁ ଗାଡି ପେଟ୍ରଲ ପକେଇବା ପାଇଁ ଫୁଲବାଣୀ ସହର କିମ୍ବା ବିଭିନ୍ନ ଦୋକାନମାନଙ୍କରେ ଚଢ଼ା ଦରରେ ଗ୍ରାହକ ମାନେ ପେଟ୍ରୋଲ ପକେଇବା ପାଇଁ ବାଧ୍ୟ ହେଉଥିଲେ । ତେବେ ବର୍ଷବର୍ଷ ଧରି ଏହି ଫିରିଙ୍ଗିଆ ଅଞ୍ଚଳରେ ଏକ ପେଟ୍ରୋଲ ପମ୍ପ ର୍ନିମାଣ ପାଇଁ ଦାବି ହୋଇଆସୁଥିଲା ।
ତେବେ କଥା ଦେଇ କଥା ରଖିଛନ୍ତି ରାଜ୍ୟ ସରକାର । ଶେଷରେ ଅଞ୍ଚଳ ବାସୀଙ୍କ ଦାବି ଏବେ ପୂରଣ ହୋଇଛି । କନ୍ଧମାଳ ଜିଲା ଫିରିଙ୍ଗିଆ ଠାରେ ହିନ୍ଦୁସ୍ତାନ ପେଟ୍ରୋଲିୟମର ଏକ ପେଟ୍ରୋଲ ପମ୍ପ ଉଦଘାଟିତ ହୋଇଯାଇଛି । ପେଟ୍ରୋଲ ପମ୍ପର ମଳିକ ତଥା ଫିରିଙ୍ଗିଆ ଅଞ୍ଚଳର ଜଣାଶୁଣା ସମାଜ ଶେବି ରତଙ୍ଗ ଗାଁର ପ୍ରଶାନ୍ତ କୁମାର ନାଏକଙ୍କ ନିମନ୍ତ୍ରଣ ରକ୍ଷାକରି ଏହି ପେଟ୍ରୋଲ ପମ୍ପର ଉଦଘାଟନି ଉତ୍ସବରେ ଫିରିଙ୍ଗିଆ ଅତିରିକ୍ତ ତହସିଲଦାର ପୃଥୱୀରାଜ ମହାନନ୍ଦିଆ ମୁଖ୍ୟ ଅତିଥି ଭାବରେ ଯୋଗଦେଇ ଅନୁଷ୍ଠାନିକ ଭାବରେ ଉଦ୍ଘାଟନ କରିଥିବା ବେଳେ ଅନ୍ୟମାନଙ୍କ ମଧ୍ୟ୍ୟରେ ଫିରିଙ୍ଗିଆର ପୂର୍ବତନ ସରପଞ୍ଚ ବିଶ୍ୱରଞ୍ଜନ କହଁର, ବ୍ଲକ ବିଜେଡି ସଭାପତି ରଜନୀକାନ୍ତ ମଳିକ, ରତଙ୍ଗ ସରପଞ୍ଚ ପାର୍ବତୀ ମଳିକ, ବରିଷ୍ଠ ଶିକ୍ଷାବିତ ତ୍ରିନାଥ କହଁର, ସମାଜ ଶେବି ସଞ୍ଜୟ କୁମାର ଦିଗାଲ, ଜିଲ୍ଲାପରିଷଦ ସଭ୍ୟ ନୀଳଗିରି ଦିଗାଲ,ବରିଷ୍ଠ ସାମ୍ବାଦିକ ମହାଦେବ ସାହୁ,ଶାନ୍ତି ସଦଭାବନା ସମିତି ସଭାପତି ପାଉଲ ଦିଗାଲ, ଯୁବ ସମାଜ ଶେବି ପ୍ରଦୀପ କୁମାର ସାହୁଙ୍କ ସହ ଅଞ୍ଚଳର ଅନେକ ଗଣ୍ୟମାନ୍ୟ ବ୍ୟକ୍ତି ବିଶେଷ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ଅନ୍ୟପଟେ ପେଟ୍ରୋଲ ପମ୍ପ ଖୋଲିବା ଦ୍ୱାରା ଅଞ୍ଚଳବାସୀଙ୍କ ମଧ୍ୟରେ ଖୁସିର ଲହରି ଖେଳି ଯାଇଥିବା ବେଳେ ରାଜ୍ୟସରକାରଙ୍କ ସହ ପମ୍ପ ମାଲିକ ପ୍ରଶାନ୍ତ ନାଏକଙ୍କୁ ଧନ୍ୟବାଦ ଅର୍ପଣ କରିଛନ୍ତି।
