ନୂଆଦିଲ୍ଲୀ,୧୦।୧୨: ସିଡିଏସ ଜେନେରାଲ ବିପିନ ରାୱତ ଏବଂ ତାଙ୍କ ସ୍ତ୍ରୀ ମଧୁଲିକାଙ୍କ ସମେତ ୧୨ ଜଣ ସୈନିକଙ୍କ ମୃତଦେହ ରାଜଧାନୀର ପାଲାମ ବିମାନବନ୍ଦରରେ ପହଞ୍ଚିବା ପରେ ପ୍ରତ୍ୟେକ ଆଖିରେ ଲୁହ ଆସିଯାଇଥିଲା। ଜେନେରାଲ ରାୱତଙ୍କ ୨ ଝିଅ କଫିନ୍ରେ ରଖାଯାଇଥିବା ବାପାଙ୍କ ମୃତଦେହକୁ ଚାହିଁ ରହିଥିଲେ। ସମାନ ଦୁର୍ଘଟଣାରେ ମୃତ୍ୟୁବରଣ କରିଥିବା ବ୍ରିଗେଡିୟର୍ ଏଲ.ଏସ ଲିଡରଙ୍କ ଝିଅ ଆଶ୍ରା ବାପାଙ୍କ କଫିନ ନିକଟରେ ପହଞ୍ଚିବା ପରେ ପରିବେଶ ଅତ୍ୟନ୍ତ ଦୁଃଖଦାୟକ ହୋଇଥିଲା। ସେ କିଛି କ୍ଷଣ ପାଇଁ କଫିନ୍କୁ ଚାହିଁ ରହିଥିଲେ ଏବଂ ତା’ପରେ ପ୍ରଣାମ କରି ତାଙ୍କ କଫିନକୁ ଚୁମ୍ବନ ଦେଥିଲେ। ଏହା ଦେଖି ସେଠାରେ ଉପସ୍ଥିତ ଥିବା ସମସ୍ତଙ୍କ ଆଖିରେ ଲୁହ ଆସିଯାଇଥିଲା। ଆଶ୍ରା ଦ୍ୱାଦଶ ଶ୍ରେଣୀର ଛାତ୍ରୀ।
ଜେନେରାଲ ରାୱତଙ୍କ ସମେତ ସମସ୍ତ ମୃତଦେହ ଗୁରୁବାର ସା ୭.୪୫ରେ ପାଲାମରେ ପହଞ୍ଚିଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାତି ୯ଟାରେ ବିମାନବନ୍ଦରରେ ପହଞ୍ଚି ଜେନେରାଲ ରାୱତଙ୍କ ସମେତ ସମସ୍ତଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। କଫିନ୍ ଦେଖି ପ୍ରଧାନମନ୍ତ୍ରୀ ହାତ ଯୋଡି ମୁଣ୍ଡ ନୁଆଁଇ ଆଖି ବନ୍ଦ କରିଦେଲେ। ଏହା ପରେ ମୋଦି ମୃତକଙ୍କ ପରିବାରକୁ ଭେଟି ସେମାନଙ୍କୁ ସାନ୍ତ୍ୱନା ଦେଇଥିଲେ।
