Odisha Elections 2024

ଜଗତ୍‌ସିଂହପୁର, ବାଲିକୁଦା-ଏରସମାରେ ଝଡ଼ ପୂର୍ବର ନୀରବତା

ଜଗତ୍‌ସିଂହପୁର,୧୫ା୪ (ପ୍ରମୋଦ କୁମାର ନାୟକ): ଜଗତ୍‌ସିଂହପୁର ଜିଲାରେ ଜଗତ୍‌ସିଂହପୁର ଓ ବାଲିକୁଦା-ଏରସମା ବିଧାନସଭା ଆସନରେ ଟିକେଟରୁ ବଞ୍ଚତ୍ତ କେତେଜଣ ନେତା ଅନ୍ୟ ଦଳ କିମ୍ବା ସ୍ବାଧୀନ ପ୍ରାର୍ଥୀ ହେବାକୁ ମନସ୍ଥ କରିଥିବା ଆଲୋଚନା ହେଉଛି। ଏଭଳି ହେଲେ ନିର୍ବାଚନୀ ଝଡ଼ ନିର୍ଣ୍ଣାୟକ ହେବ। କେତେଜଣ ରାଜନୈତକ ସମୀକ୍ଷକଙ୍କ କହିବାନୁସାରେ, ଜଗତ୍‌ସିଂହପୁର ବିଧାନସଭା ଆସନ ପାଇଁ ଏଥିମଧ୍ୟରେ ବିଜେଡି ପ୍ରାର୍ଥୀ ଘୋଷଣା ସାରିଛି। ଏହି ଦଳ ଗତ ଥରର ପ୍ରାର୍ଥୀ ପ୍ରଶାନ୍ତ ମୁଦୁଲିଙ୍କ ଉପରେ ପୁଣି ଆସ୍ଥା ପ୍ରକଟ କରି ଟିକେଟ ଦେବାକୁ ଘୋଷଣା କରିଛି। କିନ୍ତୁ ଭାଜପା କିମ୍ବା କଂଗ୍ରେସ ପ୍ରାର୍ଥୀ ଘୋଷଣା କରିପାରିନାହାନ୍ତି। ଭାଜପାରେ ୨ ଜଣ ଆଶାୟୀ ଅଛନ୍ତି। ସେମାନେ ହେଲେ ବିଜେଡି ଛାଡ଼ି ନୂଆକରି ଭାଜପାରେ ଯୋଗଦେଇଥିବା ଅମରେନ୍ଦ୍ର ଦାସ ଓ ଦଳ ଜିଲା ସଭାପତି ସତ୍ୟବ୍ରତ ମହାପାତ୍ର। ଅମରେନ୍ଦ୍ର ଏକପ୍ରକାର ଭାଜପା ଟିକେଟ ପାଇବା ଚୂଡ଼ାନ୍ତ ହୋଇଥିବା ପ୍ରଚାର ହେବା ପରେ ସତ୍ୟବ୍ରତ ତାଙ୍କ ସମର୍ଥକମାନଙ୍କ ସହ ଭାଜପା ରାଜ୍ୟ କାର୍ଯ୍ୟାଳୟରେ ପହଞ୍ଚତ୍ ଟିକେଟ୍‌ ଦାବି କରିଥିଲେ। ଦଳ ଅମରେନ୍ଦ୍ରଙ୍କ ଭଳି ଯୁବନେତାଙ୍କୁ ପାଇ ଶକ୍ତି ବୃଦ୍ଧି କରିଛି। କିନ୍ତୁ ପୁରୁଣା ନେତା ଓ କର୍ମୀଙ୍କ ମନରେ ଆଘାତ ଦେବାକୁ ଚାହୁଁନି। ଏଭଳି ସ୍ଥିତିରେ ଦଳ ପକ୍ଷରୁ ଚୂଡ଼ାନ୍ତ ନିଷ୍ପତ୍ତି ନିଆଯିବାରେ ବିଳମ୍ବ ହେଉଛି। ଅପରପକ୍ଷେ କଂଗ୍ରେସର ଚିନ୍ତା ବଢ଼ିଯାଇଛି। କାରଣ ଏହି ଦଳର ବରିଷ୍ଠ ନେତା ଚିରଞ୍ଜୀବ ବିଶ୍ୱାଳ ନିକଟରେ କଂଗ୍ରେସ ଛାଡ଼ି ବିଜେଡିରେ ମିଶିଛନ୍ତି। ତାଙ୍କ ବିକଳ୍ପ ଭାବେ ଦଳ ନୂଆ ନେତା ବାଛି ପାରୁନାହିଁ। ଏହା ଭିତରେ ଚିରଞ୍ଜୀବଙ୍କ ସାନଭାଇ ରଞ୍ଜୀବ କିମ୍ବା ବାଲିକୁଦା-ଏରସମା କଂଗ୍ରେସ ନେତା ଲଲାଟେନ୍ଦୁ ମହାପାତ୍ରଙ୍କୁ ଦଳ ପ୍ରାର୍ଥୀ କରିବା ପାଇଁ ଉଦ୍ୟମ ଆରମ୍ଭ କରିଛି। ସେମାନଙ୍କ ଭିତରୁ ଯେକେହି ରାଜିହେଲେ ଦଳ ପ୍ରାର୍ଥୀ ଘୋଷଣା କରିପାରେ। ନଚେତ୍‌ ଭାଜପା ପ୍ରାର୍ଥୀ ଘୋଷଣା ପରେ କଂଗ୍ରେସ ଗୋଟିଚାଳନା କରିବ। ଅର୍ଥାତ୍‌ ଅସନ୍ତୁଷ୍ଟ ନେତାଙ୍କୁ ଆମଦାନୀ ସହ ପ୍ରାର୍ଥୀ କରିବାକୁ ଚେଷ୍ଟା କରିବ। ଭାଜପା ଓ କଂଗ୍ରେସ ଏଭଳି ଅଡ଼ୁଆ ପରିସ୍ଥିତିରେ ଥିଲାବେଳେ ବିଜେଡି ଗତ ୩ ତାରିଖରେ ପ୍ରାର୍ଥୀ ଘୋଷଣା କରି ଆଗୁଆ ଅଛି। ହେଲେ ଏଥିମଧ୍ୟରେ ୧୧ ଦିନ ଅତିକ୍ରାନ୍ତ ହୋଇ ଯାଇଥିଲେ ସୁଦ୍ଧା ବିଜେଡି ପ୍ରାର୍ଥୀ ପ୍ରଶାନ୍ତ ପ୍ରଚାର ମଇଦାନକୁ ଓହ୍ଲାଇନାହାନ୍ତି। ଏପରି କି ସେ ନିର୍ବାଚନମଣ୍ଡଳୀରେ ଆଦୌ ସକ୍ରିୟ ହୋଇନାହାନ୍ତି। ଏହା ପଛର କାରଣ ଯାହା କିଛି ଥାଉ ନା କାହିଁକି, ଏକ ଅଦୃଶ୍ୟ ଶକ୍ତିକୁ ନେଇ ସେ ଚିନ୍ତିତ ଥିବା କୁହାଯାଉଛି। ଚିରଞ୍ଜୀବ ବିଜେଡିରେ ମିଶିଲା ପରେ ସେ ଏହି ଆସନରୁ ପ୍ରାର୍ଥୀ ହେବା ପାଇଁ ଆଶାୟୀ ଥିଲେ। କିନ୍ତୁ ତାଙ୍କ ପରିବର୍ତ୍ତେ ଦଳ ପ୍ରଶାନ୍ତଙ୍କୁ ଟିକେଟ ଦେବାରୁ ଚିରଞ୍ଜୀବ କୁଆଡ଼େ କ୍ଷୁବ୍ଧ ଅଛନ୍ତି। ବିଶେଷକରି ତାଙ୍କ ସହ କଂଗ୍ରେସର ଶତାଧିକ ଆଗଧାଡିର ନେତା ଓ କର୍ମୀ ଆଘାତପ୍ରାପ୍ତ ହୋଇଥିବାରୁ ଅଡ଼ୁଆ ବଢ଼ିଯାଇଛି। ଏହି ସ୍ଥିତିରେ ସୁଧାର ନ ଆସିଲେ କିଛି ଲାଭ ହେବନାହିଁ ବୋଲି ପ୍ରଶାନ୍ତ ଚିନ୍ତା କରୁଛନ୍ତି। ତେଣୁ ଚିରଞ୍ଜୀବ ଓ ନୂଆକରି ବିଜେଡିରେ ମିଶିଥିବା ନେତା, କର୍ମୀଙ୍କୁ ମନାଇ ସାରିଲା ପରେ ପ୍ରଚାରକୁ ଓହ୍ଲାଇବେ ବୋଲି କୁହାଯାଉଛି। ଅନ୍ୟପଟେ ବିଜେଡିରୁ ଆସି ଭାଜପାରେ ମିଶିଥିବା ଅମରେନ୍ଦ୍ର ମଧ୍ୟ ପ୍ରଶାନ୍ତଙ୍କ ରକ୍ତଚାପ ବଢ଼ାଇ ଦେଉଛନ୍ତି। କାରଣ ଅମରେନ୍ଦ୍ର ବିଜେଡିରେ ଥିଲାବେଳେ ଦଳ ଦୁଇ ଫାଳ ଥିଲା। ସେ ଭାଜପାରେ ମିଶିଲା ପରେ ଫାଳେ ଭୋଟ ଭାଜପାକୁ ଚାଲିଯାଇଛି। ଅମରେନ୍ଦ୍ର ଭାଜପା ଟିକେଟ ପାଇଗଲେ ବିଜେଡି ଓ ଭାଜପା ଭୋଟ ସମେତ କଂଗ୍ରେସରୁ କିଛି ହାତେଇବାରେ ସଫଳ ହୋଇପାରନ୍ତି। ସେ ଦୃଷ୍ଟିରୁ ଭାଜପାକୁ ୨ ଫାଳ କରିବା ପାଇଁ ପ୍ରଶାନ୍ତ କୁଆଡେ ଗୋଟିଚାଳନା କରୁଥିବା ଚର୍ଚ୍ଚା ହେଉଛି। ଅନ୍ୟପଟେ ପରିସ୍ଥିତି ଅନୁକୂଳ ନ ହେଲେ ଚିରଞ୍ଜୀବଙ୍କୁ ଜଗତ୍‌ସିଂହପୁର ଆସନ ଛାଡି ସେ ବାଲିକୁଦା-ଏରସମା ପ୍ରାର୍ଥୀ ହେବାକୁ ମନ ବଳାଇପାରନ୍ତି। ଯେହେତୁ ବାଲିକୁଦା-ଏରସମା ବିଧାନସଭା ଆସନରେ ଗୋଷ୍ଠୀ ବିବାଦ ତୀବ୍ର ଅଛି, ତେଣୁ ଦଳ ପ୍ରାର୍ଥୀ ଘୋଷଣା କରିବାରେ ବିଳମ୍ବ ହେଉଛି। ଏ ପରିସ୍ଥିତିରେ ଆବଶ୍ୟକ ପଡ଼ିଲେ ପ୍ରଶାନ୍ତଙ୍କୁ ବାଲିକୁଦା-ଏରସମା ଓ ଚିରଞ୍ଜୀବଙ୍କୁ ଜଗତ୍‌ସିଂହପୁରରୁ ପ୍ରାର୍ଥୀ କରି ଦଳ ମଧ୍ୟରେ ଦେଖା ଦେଇଥିବା ବିବାଦରେ ପୂର୍ଣ୍ଣଚ୍ଛେଦ ପକାଇବାକୁ ଉଦ୍ୟମ କରାଯାଇପାରେ ବୋଲି କୁହାଯାଉଛି। ଏହା ହେଲେ ମଧ୍ୟ ସମାଧାନ ସହଜ ହେବ ନାହିଁ। କାରଣ ପୂର୍ବତନ ମନ୍ତ୍ରୀ ରଘୁନନ୍ଦନ ଦାସଙ୍କୁ ଟିକେଟ ନ ମିଳିଲେ ସେ ସ୍ବାଧୀନ ପ୍ରାର୍ଥୀ ହେବାକୁ ପଛାଇବେ ନାହିଁ। ତେଣୁ ଏ ପରିସ୍ଥିତିରେ ଦଳ କ’ଣ ନିଷ୍ପତ୍ତି ନେଉଛି ତାହା ଦେଖିବାକୁ ବାକି ରହିଲା। ଅନ୍ୟପଟେ ପାରାଦୀପ ଓ ତିର୍ତ୍ତୋଲ ବିଧାନସଭା ଆସନରେ ମଧ୍ୟ କେତେକ କାରଣରୁ ନୀରବତା ସୃଷ୍ଟି ହୋଇଛି। ମୋଟାମୋଟି ଭାବେ ଏବେ ଜିଲାରେ ଯେଉଁ ପରିବେଶ ସୃଷ୍ଟି ହୋଇଛି ତାହା ଝଡ ପୂର୍ବର ନୀରବତା କହିଲେ ଅତ୍ୟୁକ୍ତି ହେବ ନାହିଁ।


Enter your email to get our daily news in your inbox.

All Right Reserved By Dharitri.Com

ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀରେ ବାଣ ବିସ୍ଫୋରଣ ଘଟଣା : ଉଦବେଗ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୯l୫: ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀ ଦେବୀଘାଟରେ ଘଟିଥିବା ଦୁର୍ଭାଗ୍ୟଜନକ ବାଣ ଦୁର୍ଘଟଣାରେ ବହୁ ଲୋକ ଆହତ ହୋଇଛନ୍ତି l ଏନେଇ ମୁଖ୍ୟମନ୍ତ୍ରୀ...

ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଅଘଟଣ, ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଆହତ

ପୁରୀ,୨୯।୫: ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଏକ ବଡଧରଣର ଅଘଟଣ ଘଟିଛି। ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଗୁରୁତର ଆହତ ହୋଇଛନ୍ତି। ମହାପ୍ରଭୁ...

ଗ୍ୟାସ୍‌ ଚୁଲାରୁ ନିଆଁ ଲାଗି ମହିଳାଙ୍କ ଜୀବନ ଗଲା, ବଞ୍ଚାଇବାକୁ ଯାଇ ସ୍ବାମୀ-ପୁଅ ଆହତ

ଖଲ୍ଲିକୋଟ,୨୯ା୫(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ସିକୁଳା ଗ୍ରାମର ଜଣେ ମହିଳା ଗ୍ୟାସ୍‌ଚୁଲାରୁ ନିଆଁ ଲାଗି ଗୁରୁତର ଅବସ୍ଥାରେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ...

ସପ୍ତାହକରେ ବନ୍ଧାହେଲେଣି ଶହେରୁ ଅଧିକ ଅସାମାଜିକ

ଛତ୍ରପୁର,୨୯ା୫(ଦିଲ୍ଲୀପ ସାମଲ): ଗଞ୍ଜାମ ପୋଲିସ ଜିଲା ପକ୍ଷରୁ ଏକ ସ୍ବତନ୍ତ୍ର ଡ୍ରାଇଭ ଜାରି ରହିଛି। ଗଞ୍ଜାମ ଏସ୍‌ପି ଜଗମୋହନ ମୀନାଙ୍କ ନିର୍ଦ୍ଦେଶ କ୍ରମେ ବିଭିନ୍ନ ଥାନାରେ...

‘ଋତୁସ୍ରାବ ପରିଚ୍ଛନ୍ନତାକୁ ନେଇ ବ୍ୟାପକ ସଚେତନତା ଜରୁରୀ’

ଭୁବନେଶ୍ୱର,୨୯ା୫: ମାସିକ ଋତୁସ୍ରାବ ବା ପିରିୟଡ୍ସ ଜଣେ କିଶୋରୀ ବା ନାରୀ ଜୀବନର ଏକ ପ୍ରାକୃତିକ ତଥା ସ୍ବାଭାବିକ ପ୍ରକ୍ରିୟା। କିନ୍ତୁ ଏହାକୁ ନେଇ ଏବେ...

ଗଛତଳେ ଆଶ୍ରୟ ନେଇଥିବା ବେଳେ ହେଲା ବଜ୍ରପାତ, ଚାଲିଗଲା ଦୁଇ ଯୁବକଙ୍କ ଜୀବନ

କୋକସରା,୨୯ା୫(ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ଥାନା ଧଅଁରପୁର ପଞ୍ଚାୟତ ତେନ୍ତୁଳିପଡ଼ାରେ ବଜ୍ରପାତ ଘଟି ଦୁଇ ଯୁବକଙ୍କ ଜୀବନ ଯାଇଛି। ଧଅଁରପୁର ଗ୍ରାମକୁ ମିସ୍ତ୍ରୀ...

ଜୁନ୍‌ ୧ ଭୋଟଗ୍ରହଣ ପାଇଁ ୩୦ ତାରିଖ ସନ୍ଧ୍ୟାରୁ ୧୪୪ ଧାରା ଜାରି,୧୦୦ ମିଟର ମଧ୍ୟରେ ଫୋନ୍‌ ବ୍ୟବହାର ନିଷେଧ

କଟକ,୨୯ା୫ (କାର୍ତ୍ତିକ ସାହୁ): ଅନ୍ତିମ ପର୍ଯ୍ୟାୟ ଜୁନ୍‌ ୧ ତାରିଖ ଭୋଟ ପାଇଁ କଟକ ଜିଲାର ନିଆଳି, ସାଲେପୁର ଏବଂ ମାହାଙ୍ଗା ବିଧାନସଭା ନିର୍ବାଚନ ମଣ୍ଡଳୀର...

ପୁଣି ମୁଖ୍ୟ ନିର୍ବାଚନ କମିଶନରଙ୍କ ପାଖରେ ସୁଜାତା କାର୍ତ୍ତିକେୟନଙ୍କ ବିରୋଧରେ ଫେରାଦ ହେଲା ଭାଜପା

ନୂଆଦିଲ୍ଲୀ,୨୯।୫: ବରିଷ୍ଠ ଆଇଏଏସ ଅଧିକାରୀ ସୁଜାତା ରାଉତ କାର୍ତ୍ତିକେୟନଙ୍କ ବିରୋଧରେ ମୁଖ୍ୟ ନିର୍ବାଚନ କମିଶନରଙ୍କ ପାଖରେ ପୁଣି ଫେରାଦ ହୋଇଛି ଭାରତୀୟ ଜନତା ପାର୍ଟି(ଭାଜପା)। ଅବାଧ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri